1 Timoti 1:17 - Buki Kimaasabaina

¹⁷ E Tokalibubuna vata geya ikamaseta nakae geya tagiteyeta. Tauyana anetava Yaubada. Ame Tauyana aba wowoina be aba taimámina ame tuta be nakae tuta simamaima. E nakae!

1 Timoti 1:17 ပူးပေါင်းရင်းမြစ်များ

Madiu 25:34

E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Madiu 28:20

Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’

Madiu 6:13

Neta taabu kutaagonēma bei vakakona goi kaakapusi, go sem goyo goi neta kuyavēma.”

Iyoni 1:18

Geya vatau tayaamo boi nimatu ima ame tuta Yaubada igite go, Tauyana Yaubada kaakesaina anetava Tamana atena, e ame Tauyana bogina Yaubada ikaiwoduwe yaida.

Iyoni 5:44

Neta toinimi ami taimámina koyale go, Yaubada kaakesaina ina taimámina geya kotokumeyeta, e bei manakaemi itoboinemi konumisegu? Geya!

Roma 1:20

Manakaena ikaiwoduwe? Boi poyapoya ana madágina kunu goi go, ima ame tuta nakona Tauyana ina sinapu, nakae ina togaga aiyako vaatayaina be nakae aderina, geya tagitedita. Ago ina madágina liliudi goi itoboineda tagitedokoidi, tauna togoyoidiyadi geya itoboinedita idi kapipilova manuna sivakibala.

Roma 1:23

Yaubada aiyako vaatayaina ina togaga ana káeyana sikalave go, toinidi idi nuwonúwana goi idi yaubadayao adi tapata kaavavaidi tokwalu nakae siwodugudi, e yaidi goi sisaakululu. Tokwaluyadi moe tomota maisiyadi, mánuwo maisiyadi, yoguyogu maisiyadi be kaga daladalaidi maisiyadi.

Roma 11:36

Moe moitamo. Kaga liliuna Tauyana nimana goi sima, ina togaga goi sikaaiyaka be nakae dogoiyadi moe toinina manuna. Tauyana aba taimámina ame tuta nakae tuta simamaima! E nakae!

Roma 16:27

Yaubada anetava Tonanamsa aba taimámina Yeisu Guyau ina guinuwa goi ame tuta be nakae tuta simamaima! E nakae! Yau Paulo

Roma 2:10

Go guinuwa dedevina ana toguinuwa tamo tamo adi taimámina, adi wowoina be adi tuboina bei sibabanedi; mainao kita Diyuu namlieta komi Totuyoyowo.

Roma 2:7

Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.

Kolose 1:15

Natunayana moe Yaubada geya tagiteyeta ana tapata be nakae totubukumgo. Yaubada ina madaginayao madabokidi itobusavedi.

Iberiu 11:27

Mosese ina numisa goi Itipita ikalave go, tolovina ina egamogamogu geya imatoiteyeta. Tauyana Itipita ikalave unana nava imeesayágana nakae neta itoboine Yaubada igite go, geya vatau tayaamo itoboine Yaubada igite. Tauna Itipita ikalave.

Iberiu 2:7

Tuta kaakupina tauna kwaisobuye anerose sobuyekoidi goi ikaaiyaka. Go nava bei kukilagasi, e taimámina be wowoina kuvini.

1 Pita 5:11

Tauyana ame tuta be nakae tuta simamaima! E nakae!

2 Pita 3:18

E , Tauyana ida Tomoya be ada Toyava, ina kanuwóiya be ina nanamsa goi kobībina. Tauyana aba taimámina ame tuta be nakae tuta simamaima! E nakae! Yau Pita

1 Iyoni 4:12

Geya kada tayaamo tomota Yaubada igite geya go, neta kita sedao tamatakooiyedi, Yaubada yaida goi ikaaiyaka be ina matakoi ateda goi bogina imalatomota.

Yuda 1:25

Tauyana anetava Yaubada ada Toyava ida Tomoya Yeisu ina guinuwa goi. Yaubadayana aba taimámina, Tokanayatanatoina, Tokalika be nakae Tokalibúbuna toogagaina! E nakae! Yau Yuda

Nuwogau 15:3

Tauyadi Yaubada ina vesina siivesiye kadi, ‘O . Im guinuwa gagaidi be nakae kaausaraidi! Kom boda liliuma ima , im kenao kiboobosidi be nakae mooitamoidi!

Nuwogau 17:14

Amo tauyadi woiwoiyana taiyao bei sispwagógana go, sivayaviya . Moe pasina tauna tolovinayadi woiwoiyana taiyao bei itogagasavedi.’

Nuwogau 19:1

Moe dogoiyadi sikavava, e níyana tayamo anove ana taiyakeka nakae neta boda gagaaina niyadi gagaina yábana goi siiduduwo sidigo kadi, ‘ tayapalīye! Ida Yaubada ina yava, ana be ina togaga ivagitakoedi!

Nuwogau 19:16

Go ana kwama maanawena goi be nakae dibuwatuna goi yoina sigini kadi, ‘ liliudi adi Tokalibúbuna be nakae tomoyamoya liliudi adi Tomoya.’

Nuwogau 19:6

Amo ikavava, níyana tayamo anove ana taiyakeka nakae neta boda gagaaina siiduduwo o nakona bwae badabadaidi sidududu butukaodi nakae o palapala gagaina butukáona nakae go, idigo kadi, ‘Yauwe ida Yaubada iilovina! Tauna tayapalīye!

Nuwogau 7:12

sidigo kadi, ‘E nakae! Ida Yaubada aba yapali, aba taimámina, tonanamsa, aba kauyagu, aba wowoina, totogaga be nakae tokalika ame tuta be nakae tuta simamaima! E nakae!’