1 Timoti 1:12 - Buki Kimaasabaina

¹² Guna tokitogaga ida Tomoya Yeisu yaina akauyagu bego inuwonúwana yau aba numisa, e ina paisewa manuna ikawoigu.

1 Timoti 1:12 ပူးပေါင်းရင်းမြစ်များ

Madiu 20:4

Tuwo amo tauyadi ilatuwokoidi idigo kana, “Komi nakae kōna guna tánuwo kopaisēwa go, ava maisa itoboine, bei avinimi.” E moitamo sitagona, tuwo sina ina tánuwo goi sipaisewa.

Iyoni 5:23

bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta.

Guinuwa 16:15

Tuwo moitamo inumise. E tauyana mana bodayauwo . Kasayoyoidi ikavava, tauyana ikawanoi makimaki yaima idigo kana, ‘Neta kogitegu go, imi nuwonúwana ida Tomoya anumisedoko, e kōma yau guna vada goi kokaiyāka.’ E itamyabima, tuwo moitamo katagona.

Guinuwa 9:15

E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

Guinuwa 9:22

E kina go Saulo ina talavaitayana Baloma Kimaasabaina ikitogage. Tuwo Diyuu Damasiko goi sikaaiyaka Sauloyana kiyakiyaya ivatulukoidi bego Yeisu moitamo . Moeko goi sopadi ikaupatudi.

1 Korinta 15:10

Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.

1 Korinta 3:5

E imi tavilei pasina kobágala. Moe nakae kobóbwara go, yau kagu, ‘Apolosi be yau kokilaagasima go, Apolosi avatau? Yau avatau?’ Kai tovaita tauna, e ima talavaita goi konumisa. Ama taiyuwokova ida Tomoya ikawoima bei kapaisewa go, ima paisewayadi to kaguinuwedimo.

1 Korinta 7:25

E komi imi lumadádana aedi paakonidi manudi, yau geya tayaamo lovina Tomoya goi geya. Go guna nuwonúwana avinimi. E ida Tomoya inuwokapisiyegu, tauna itoboinemi konumisegu.

2 Korinta 4:1

Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.

Galetiya 3:26

Moitamo. Imi spwagógana Guyau Yeisu taiyao pasina komi liliumi imi numisa goi Yaubada natunao.

Galetiya 3:28

Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.

Pilipai 2:11

be nakae Yeisu sikatomoyae bego kina Tomoya. Moe Yaubada ana taimámina manuna.

Pilipai 4:13

Nakae adige unana ame: Ame aiyakoyadi liliudi alootowoidi go, yau guna spwagógana Tauyana ikitoogagegu taiyao pasina itoboinegu amesayágana.

Kolose 1:25

Totugugunayami manumi yau bogina amalatovaita, nakae Yaubada bogina ikawoigu komi ami dedevina manuna bego ina Vala madabokina tomota liliudi yaidi goi atalavaite.

1 Timoti 1:1

Timoti, Ida numisa tayamo pasina tauna kom natugu toina nakae. Yau Paulo, Yaubada ada Toyava be nakae Guyau Yeisu talootutae idi lovina goi. E leta ame agini iwo yaim. Tamada Yaubada be ida Tomoya Yeisu idi kanuwóiya be idi nuwokapisi be nakae idi tuboina bei sivinim.

1 Timoti 1:11

Vatulukwana dokanayana unana moe Yaubada ina togaga ana Valena Dedevina. Valayana moe Tauyana tubooinina be nakae kaakesaina bogina inumisegu ataalavaite.

1 Timoti 6:13

Yaubada dogoi liliudi yawoidi adi tokaiguyau. Aiyuwoina Yeisu boi iitaoya Pontiyo Pailato matana goi toinina manuna italavaita dókana. E Yaubadayana be Yeisuyana adi taiyuwokova matadi goi alovinaem

2 Timoti 2:2

Boi vatulúkwana tomota badabadaidi matadi goi avatuulukoim, e moe vatulukwanayadi goi tomota kuvatuulukōidi bei itoboinedi ituli ta tomota sivatulukoidi.

2 Timoti 4:17

E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e tobuna goi iyavegu.

Taito 1:4

Taito, ida numisa tayamo pasina kom natugu toina nakae, e leta ame agini aetune iwo yaim. Tamada Yaubada be ada Toyava Yeisu idi kanuwóiya be idi tuboina bei sivinim.

Pilemoni 1:9

go, tuwo matakoi pasina akawanoi makimaki yaim dogoiyana kuguinuwe. Yau Paulo Guyau Yeisu ana katumapu be nakae deri ana tokaiyako Guyauyana ana talavaita pasina