1 Timoti 1:1 - Buki Kimaasabaina

^1-2 Timoti, Ida numisa tayamo pasina tauna kom natugu toina nakae. Yau Paulo, Yaubada ada Toyava be nakae Guyau Yeisu talootutae idi lovina goi. E leta ame agini iwo yaim. Tamada Yaubada be ida Tomoya Yeisu idi kanuwóiya be idi nuwokapisi be nakae idi tuboina bei sivinim.

1 Timoti 1:1 ပူးပေါင်းရင်းမြစ်များ

Luke 1:47

Nakae Yaubada guna Toyava pasina balomaigu bogina iuyáwana gagaina

Luke 2:11

Valayana moe sabamgo ame Devida ina kasa goi ami Toyava bogina ibíbina. Tauyana moe , ida Tomoya.

Guinuwa 9:15

E kina Tomoyayana ilatuwoko idigo kana, ‘Kutāoya kūna unana ame tauyana bogina akinave yau guna kitom bei aepaisewe. Nava bei ina yaidi goi italavaitegu.

Roma 1:1

E komi segowo goi, Yau Paulo leta ame agini iwo yaimi. Yau Tauyana goi ima manuna.’

1 Korinta 1:1

Komi Yaubada ana totugugunayao Korinta goi, Yaubada toinina umana bogina ikimasabemi tutayana kospwagógana taiyao. Nakae Yaubada ina duduwo goi komi ina kimasabayao. Yau Paulo, boi tayamo Yaubada ina nuwonúwana goi. E siyada Sositeni taiyao leta ame kaetune iwo komi Korinta goi yaimi be nakae komi liliumi asa liliudi goi neta ida Tomoya Yeisu Guyau yaina kosaakululu. Guyauyana moe komi be nakae kai ida Tomoya.

1 Korinta 9:17

Neta ame paisewayana toinigu alovina aguinuwe, e itoboinegu guna vaiwówana ababane. Go neta moe geya yau guna nuwonúwana bego aguinuwe geya, e Yaubada ina kawoi boi iivinigu to aguinuweyamo.

2 Korinta 1:1

Komi Yaubada ana totugugunayao Korinta goi nakae komi Yaubada ina kimasabayao liliumi Akeya parovinsi ana madabokina goi, Yau Paulo Yaubada ina nuwonúwana goi be nakae siyada Timoti ami leta ame kaetune iwo komi yaimi.

Galetiya 1:1

Komi Yaubada ana totugugunayao Galetiya dadavina goi, Yau Paulo be nakae Yaubada Tamada, Tauyana boi Yeisu tokámasa yaidi goi ikaitáoe, e ame Tauyadi sikawoigu bego yau idi vamoléyana. Yau nakae sedao liliudi taiyao kakaaiyaka ami leta ame kagini kaetune iwo yaimi.

Galetiya 1:11

E segowo, Vala Dedevina boi yau ataalavaite yaimi latuwogu koyagoi bego moe tomota idi nuwonúwana goi geya imaita.

Kolose 1:27

Yaubada latuwona bego ina nuwogau ivatulukoida bei tayagoi ame nuwogauyana dedevina toina esaesa nakae go, nuumisaimi yaimi tagite. Nuwogauyana moe Guyau yaimi nakae ikaaiyaka. Tauna koolotuta bego Yaubada ana káeyana tomoeeyalina goi bei kokaaiyaka.

2 Tesalonáika 2:16

E ida Tomoya Yeisu be nakae Yaubada Tamada bei atemi sivapatupatudi be nakae imi guinuwa dedevidi liliudi goi be nakae imi bóbwara liliudi goi sikitogagemi. Tamadayana imatakoiyeda be nakae ateda ivapatupatuvataedi go, ina kanuwóiya goi yawoida vata bei ivinida. Go moe ikaatotule kita talootutae.

1 Timoti 1:12

Guna tokitogaga ida Tomoya Yeisu yaina akauyagu bego inuwonúwana yau aba numisa, e ina paisewa manuna ikawoigu.

1 Timoti 2:3

Ame dedevina Yaubada ada Toyava matana goi be nakae iuyaone.

1 Timoti 2:7

Kiyakiyayayana manuna Yaubada bogina ivayokoigu yau Yeisu ina totalavaita be ina adi tovatulúkwana. Ame abóbwara moitamo; geya apoleta. Go ida numisa ana vatulúkwana be Yaubada ana Nanamsa Mooitamoina avatulukoidi.

1 Timoti 4:10

Mae manuna mada salau tapooisógana be taakokoila! Bogina kuyagoi. Taalotuta Yaubada maa yawoina bei iguinuwe nakae idige. Tauyana tomota liliudi adi Toyava. Go moe moitamo toina kita ana tonumisayao manuda.

Taito 1:3

E toinina ina tuta kaikaila goi yawana vatayana valena ikaiwoduwe kai ina vamoleyanayao yaima goi. Ago valayana ana talavaita inumisegu atalavaite go, guna talavaitayana moe ada Toyava Yaubada ina lovina goi aguinuwe.

Taito 2:10

adi tomoyamoyayaoyadi yaidi goi taabu sivaaināwana, go sem itoboinedi idi guinuwa madabokina goi be idi bóbwara madabokina goi sivagitakoidi kidi aba numisa toina adi tomoyamoyayaoyadi yaidi. Moe nakae idi sinapu bego idi guinuwa liliudi tomota sigitedi bei vatulúkwana Yaubada ada Toyava manuna nuwodi ikabi.

Taito 2:13

Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe .

Taito 3:4

E tutayana ada Toyava Yaubada ina yabobona be ina matakoi ikaiwoduwedi yaida,

Taito 3:6

Yaubada Balomaina Kimasabainayana ada Toyava ina kámasa goi isiwoi ilausiwosiwo yaida.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.

2 Pita 1:1

Segowo, Yau Saimoni goi. Moe numisayana komi be kai sowoda.

1 Iyoni 4:14

Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.

Yuda 1:25

Tauyana anetava Yaubada ada Toyava ida Tomoya Yeisu ina guinuwa goi. Yaubadayana aba taimámina, Tokanayatanatoina, Tokalika be nakae Tokalibúbuna toogagaina! E nakae! Yau Yuda