1 Tesalonáika 5:9 - Buki Kimaasabaina

⁹ Ada yava ana lotuta talōsi unana geya kada Yaubada ina egamogamogu manuna iyatoida ana totugugunayao yaidi goi geya, go sem ada yava ida Tomoya ina guinuwa goi manuna.

1 Tesalonáika 5:9 ပူးပေါင်းရင်းမြစ်များ

Tateta 9:16

Go ame pasina atagonem maa yawoim: Latuwogu guna togaga avatulukoim go, aiyuwoina bei valegu inúnuwo ina poyapoya ana madabokina goi.

Madiu 26:24

Tomalatomota bogina inonoina nakae boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’

Guinuwa 1:20

Pita nava ibobóbwara kana, ‘Moe moitamo. Gininayana itaalavaite moe Same goi tagite. Sameyana Devida igini kana, “Toinina ina kasa tomota sikalave, asayana goi tomota taabu sikaaiyāka.” Same 69:25 Aiyuwoina kana, “Ana katumapu itoboine bei tauyana ina baseko ikabi.” Same 109:8 E Sameyadi silatuwokoida kaga itoboineda taguinuwe.

Guinuwa 13:48

E Totuyoyowo Paulo ina livalayana sinove, siuuyaone be Tomoya ina togaga ana sikamooitamoe. Tuwo avatauwa neta bogina nuwodi siyatoidi bego yawoidi vata siibabane, e sinumisa.

Roma 11:30

Guna nuwonúwana ataligei. Boi mainao komi Totuyoyowo nuumisaimi Yaubada kokapipilave go, ame tuta kidi Diyuu idi kapipilova pasina inuwokapisiyemi.

Roma 11:7

Tauna moe manuna manakaeda? Isileli tubunao liliudi enao siilusale bego kidi kiboobosidi Yaubada matana goi go, geya sibabaneyeta. E kidi go kiinavaidi aditava sibabane. Kidi go madabokidiyadi sikesa, e Yaubada ikaukasedi.

1 Tesalonáika 1:10

Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.

1 Tesalonáika 3:3

e bei geya vatau tayaamo yaimi goi mana kateyova mouyadi pasidi, e ina numisa ikalave geya. Moitamo. Komi bogina kooyagoi moe Yaubada ina nuwonúwana bego mou tavaloobodedi.

1 Timoti 1:13

Boi Tauyana ataagiwoi be ina tonumisayao ayogedeegededi be nakae Tauyana avakaaleyedi. Tauna itoboinegu liuna ababane go, Tauyana geya ikatumapuguta, go sem inuwokapisiyegu unana tutayana dogoiyadi aguinuwedi, geya anumiseyeta be nakae atamogemogeye, tauna inuwokapisiyegu.

1 Timoti 1:16

go sem inuwokapisiyegu unana ame: Bego yau toogoyoigu toigu yaigu goi Guyau Yeisu ina aramaitana dókana ivagitakoigu. Ina aramaitanayana yau yaigu aba gita tomota yaidi bego avatauwa Tauyana sinumise, yawoidi vata sibabane.

2 Timoti 2:10

Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana tomoeeyalina vata goi bei sikaaiyaka.

1 Pita 2:10

Boi komi geya boda tayamo geya go, ame tuta komi Yaubada ina boda. Boi komi Yaubada ina nuwokapisi geya kobabaneyeta go, ame tuta bogina kobabane.

1 Pita 2:8

Aiyuwoina kana, ‘Gurewayana aba sapákwana nakae aba satupe.’ Aiseya 8:14 Tauyadi isaapakoidi unana Yaubada ina livala sikapiipilave. Tauyana igimilovina bego idi kapipilova pasina gurewayana bei isapakoidi.

2 Pita 1:1

Segowo, Yau Saimoni goi. Moe numisayana komi be kai sowoda.

2 Pita 2:3

be nakae tauyadi madi matakónana bei idi pola goi sivaobumi. Go boi nimatu tovatulukwana polapola adi takínona manudi Yaubada bogina ilovina go, geya inuwoilaveyeta geya, go sem bogina iyokabúbuna bego adi liuna ivinidi.

Yuda 1:4

Ame moitamo. Maniyena tokapipilova bogina sisiugau imi bodao yaimi goi. Moe tauyadi manudi boi nimatu Yaubada ina sitalavaita bego tomota amo nakae Yaubada ina lovina moumouna bei sibabane. Tauyadi Yaubada ana tokaoliliwoyao. Ida Yaubada ina vatulúkwana anuwóiya manuna sikaatusavi be nakae sikaiigavile ame nakae: Sidigo kadi, ‘Yaubada ina kanuwóiya goi ida goyo inuwotaoidi, tauna itoboineda sakavaida adi vikaiya owáowana taguuinuwe.’ Aiyuwoina Yeisu be ida Tomoya go, tuwo amo silawoiiwoiye!