1 Tesalonáika 5:8 - Buki Kimaasabaina

⁸ E kita sem maliyalina natunao go, numisa be kasikasida ana taboda nakae talosīdi be nakae ada yava ana lotuta dabada ana taboda nakae talōsi namlieta baige toinida takabikuunuīda.

1 Tesalonáika 5:8 ပူးပေါင်းရင်းမြစ်များ

1 Korinta 13:13

E ame tuta sinapu aito sikaaiyaka: Numisa, lotuta, matakoi. Go ame sinapuyadi yaidi goi matakoi moe sinapu gagaina toina.

2 Korinta 6:7

mama bóbwara mooitamoina be nakae Yaubada ina togaga goi. Tuwaina ima paisewayana kaguinuwe ame nakae: Mama kaipíyama nimakakataima be nimakekelima goi. Ima kaipiyamayadi moe Yaubada ina kibóbwata ina manuna.

Galetiya 5:5

Moitamo. Atukedayana ana guinuwa geya ivaitedeta niga Yaubada ina manuna. Kita go Yaubada Balomaina ina togaga goi ida numisa pasina mada lotuta taatuyáwata bego Yaubada nava bei itakinoida kita kiboobosida ina kanasíuna manuna.

Epeso 6:11

Ame nakae: Yaubada konana yaviya konanidi madabokidi kolosīdi, e bei itoboinemi kovakavata dókana ina sinapu itulutulu yaidi goi.

Epeso 6:23

Segowo, Yaubada Tamada be nakae ida Tomoya Yeisu mana numisa bei sivinimi.

2 Tesalonáika 2:16

E ida Tomoya Yeisu be nakae Yaubada Tamada bei atemi sivapatupatudi be nakae imi guinuwa dedevidi liliudi goi be nakae imi bóbwara liliudi goi sikitogagemi. Tamadayana imatakoiyeda be nakae ateda ivapatupatuvataedi go, ina kanuwóiya goi yawoida vata bei ivinida. Go moe ikaatotule kita talootutae.

Iberiu 6:19

Ida lotutayana vailówana nakae, toogagaina be nakae yábana goi.

1 Pita 1:13

Tauna nuwomi kokatubaayasīdi nakae neta paisewa manuna kopaiwa be toinimi kokabikuunuīmi. Ikavava, Yaubada ina kanuwóiya kolotutaedōko. Anuwoiyayana Yeisu ina sowóduwo goi bei kobabane.

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.

1 Iyoni 1:7

Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.