1 Tesalonáika 5:4 - Buki Kimaasabaina

^4-5 E komi sem, segowo, mamaníwana goi geya kokaiyaketa; komi madabokiimi mavada natunao o tadigo kada, ‘Maliyalina natunao.’ Tauna Tomoya ina Maliyalinayana geya itoboineyeta ivatoopemi tovaináwana nakae. Kita geya kada sabamgo natunao o tadigo kada, ‘Kokonótuya natunao’, geya.

1 Tesalonáika 5:4 ပူးပေါင်းရင်းမြစ်များ

Madiu 10:15

U, moe nakae koguinūwe go, ame alatuuwokoimi konōve: Takínona ana tuta tomota amo asayana goi adi liuna gagaina bei sibabane namlieta kidi da Sodoma be nakae da Gamora.’

Luke 21:34

E korugwausīmi, govila bei nukotomi siwówana uyawana owáowana pasina o nim ginagina pasina o imi kaiyaka pasina konuwokubukubu, e guna maliyalinayana ivatoopa yaimi goi

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Kolose 1:13

Kita mamaníwana ina kaba lovina goi iyaveda namlieta ikaidamaneda Natuna, moe ina kakaya, ina kalibúbuna sinaena goi.

1 Tesalonáika 5:2

Moitamo. Komi bogina koyagoidoko bego Tomoya ina Maliyalina bei ima tovaináwana nakae neta sabamgo goi ivatoopa.

2 Pita 3:10

E moitamo bei ima go, tovaináwana nakae bei ivatoopa. Maliyalinayana goi kaga liliuna yábana osasaina goi ma buutukáona gagaina bei sisáwala. E poyapoya ame Yaubada bei yeu goi ikaigoyai go, kaga liliuna poyapoyayana goi bei ikaiwoduwedi takínona manuna.

1 Iyoni 2:8

Ago mamaníwana bogina isaosáwala go, mavada mooitamoina bogina ininínima. Tauna ame lovinayana moe lovina vau nakae aginigini matakoi manuna. Lovinayana moitamo boi Yeisu goi tagite go, ame tuta nakae komi goi tagite.

Nuwogau 16:15

Ego Tomoya idigo kana, ‘Konōve! Tovaináwana nakae bei ao avatoopemi. Amo tutayana avatau neta iyauyáusa be nakae ana kwama bogina ilosi, e ana dedevina bogina ibabane. Nakae itoboine iguinuwe, govila bei ma paawakuna iiketoiya, e ina omayamaya tomota sigite.’

Nuwogau 3:3

Tauna konuwookavāte manakaemi boi konove be nakae bogina kokabi. Valayana koyoisiikavāte go, kotugavīla. Tauna matamasimasisi koyāto go, koyauyāusa! Go neta geya, yau bei tovaináwana nakae avatoopemi, tauna geya koyagoiyeta ava lava goi bei ao.