1 Tesalonáika 5:3 - Buki Kimaasabaina

³ Tutayana tomota geya idi numisamo sidigodigo kadi, ‘Kai mama tuboina be dedevima’, e amo tutayana adí mtula bei ima ivatoopa kidi tovenátuna idi gedageda nakae go, geya itoboinedita sisiya, geya toina.

1 Tesalonáika 5:3 ပူးပေါင်းရင်းမြစ်များ

Madiu 23:33

Komi moteta nakae! Moitamo siyasiyaimi! Komi manakaemi bei ami liuna asagabugabu goi kosiya? Geya!

Iyoni 16:21

Moe nakae aba kinana ame: Tutayana vavina iivenátuna, inuwotúkala unana ina tuta bogina ibabane. E tutayana gómana ivenatuni ikavava, ina nuwotukalayana geya inuwokavateyeta unana iuyáwana bego gómana ibíbina poyapoya ame goi.

Guinuwa 13:41

Tauyadi Yaubada ina livala sitalavaite sidigo kadi, “Komi kokaiwootetegu, konovēgu! Tayamo guinuwa gagaaina imi tuta goi bei aguinuwe komi yaimi. Guinuwayana bei igoyo toina. Nakona tomota sigimilatuwokoimi bei aguinuwe go, komi bei geya konumiseyeta bego dogoiyana aguinuwe. Tauna guna guinuwayana pasina kokaināopa namlieta kovailāi!”’ Abekuki 1:5

2 Tesalonáika 1:9

Tomota amo tauyadi nakae Yaubada ina liuna bei sibabane. Liunayana moe sivailai vata. Nakae ida Tomoya matana goi be ina togaga ana goi itavileiyevataedi.

Iberiu 12:23

Aitonina bogina koma Yaubada ina tomotayao, moe ina botomoyayao, e idi tugúguna kosiukoidi. Tauyadi yoidi yábana goi bogina iginidi. Aivasina bogina koma ada Totakínona, moe kita madabokida ida Yaubada, yaina goi be nakae balomaidi Yaubada ikimatuwedi yaidi goi.

Iberiu 2:3

Neta amo tauyadi idi kapipilova pasina liuna sibabane, e kita bei manakaeda neta yava gagaina valena takatae? Valayana boi ida Tomoya igimitalavaite go, tauyadi sigiiminove sikamoitamoe yaida. Ago valayana ana kamoitamo Yaubada nakae italavaite kidi taiyao ame nakae: Ina nuwonúwana goi aba kinana kainaaopaidi be ina kaiguyau tamo tamo tomota iivinidi. Manakae? Neta amo valayana taakatae, bei itoboineda liuna tasiyae? Geya! Tauna tayagoi valayana moe gagaina.

2 Pita 2:4

Moitamo liuna bei sibabane. konuwaisidi? Boi nimatu sigoyo go, Yaubada geya inuwokapisiyedita, go sem ilavedi sisou masi mamaniiwonina Taratarasi goi. Tonoko goi iyoisikaavatedi adi takínona manuna.