1 Tesalonáika 5:23 - Buki Kimaasabaina

²³ E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu ikaluvilamna.

1 Tesalonáika 5:23 ပူးပေါင်းရင်းမြစ်များ

Luke 1:46

Tuwo Meriyana idigo kana, ‘Ategu goi Yauwe akilagasi.

Iyoni 17:19

Tauyadi adi dedevina manuna toinigu akimasabegu kom umam bego tauyadi nakae am Nanamsa Mooitamoina ana kaiwóduwo yau goi kukimasabedi kom umam.

Guinuwa 20:32

Tuwo ame tuta Yaubada nimana goi ayatoimi be nakae ina kanuwóiya valena ivainuugonemi goi. Valayana goi imi numisa bei itogaga be nakae ami katumapu bei kobabane. Moe tomota liliudi, tauyadi Yaubada bogina ikimasabedi ina bodao, taiyao.

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Roma 15:13

E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be ina togaga goi imi lotutayana ivaituwe.

Roma 15:33

E Yaubada, Tauyana tuboina unana, yaimi goi bei ikaaiyaka. E nakae!

Roma 15:5

E Yaubada mesayágana be kipáiwala unadi. Guna kawanoi bego Tauyana ivaitemi be mami nuwovavasa nakae latuwona.

Roma 16:20

E Yaubada, Tauyana tuboina unana, giyakainava bei Kaleya ivavetevete, tuwo ivasobusobuye sobuyekoida goi. Ida Tomoya Yeisu ina kanuwóiya bei ikaaiyaka yaimi.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

1 Korinta 14:33

Moitamo. Yaubada geya kada núwana ana kiwówana unana geya, go sem Tauyana tuboina unana. Nakae kidi Yaubada ina kimasabayao liliudi idi sakululu ana tugúguna goi,

2 Korinta 5:19

Moe nakae Yaubada Guyau ina guinuwa goi da poyapoya ikabivekoveekomneida toinina umana, ida kapipilova geya ituuyouyoidita go, inumisema abivekovekomna valena katalavaite.

Pilipai 1:10

e bei itoboinemi kaga dedevina toina kokinavedoko. Moe bego komi bei maavadaimi be nakae geya ami pikwanamo Guyau ina tuta manuna.

Pilipai 1:6

Aitonina guna kauyaguyana unana ame ayagoidoko: Bego Yaubada ina tokuma dedevina boi nuwomi goi ivatowo, bei iitokume ana kadókana tokumayana ana kalaitúwana isowóduwo yaimi tutayana Yeisu ina tuta ima.

Pilipai 4:9

Kaga bogina avadamanedi yaimi, kaga yaigu goi bogina kokaisakiyedi, kaga bogina alatuwokoimi konovedi, kaga bogina kogitedi aguuinuwedi, e moe dogoiyadi koguuinuwēdi bei Yaubada, Tauyana tuboina unana, yaimi goi ikaaiyaka.

Kolose 1:22

Go ame tuta Guyau wowona ina kámasa goi Yaubada ikabivekovekomneimi, e bei ivagitakoimi toinina matana goi kimaasabaimi Tauyana umana, maavadaimi be nakae geya ami pikwanamo.

1 Tesalonáika 2:19

Tutayana ida Tomoya Yeisu bei ima matana goi tataoya, imi numisa pasina komi ima kaba lotuta, nakae komi ima kaba uyáwana, e komi pasimi aedidima kasamolai!

1 Tesalonáika 3:11

E latuwoma bego ida Yaubada Tamada be ida Tomoya ima kenao sikiunai bei kao yaimi.

1 Tesalonáika 3:13

Moe bego nuwomi nakae atemi ikitogagedi, bei geya ami pikwanamo unana komi kimaasabaimi ida Yaubada Tamada matana goi, tutayana ida Tomoya Yeisu mana kimasabayao sima. [E nakae!]

1 Tesalonáika 4:3

Nakae ame boi kavatulukoimi: Yaubada ina nuwonúwana bego komi kimaasabaimi Tauyana umana, masisi goyogoyoina kovaakilīsi,

1 Tesalonáika 5:22

go, goyo liliudi kovasiyasiiyaēdi.

2 Tesalonáika 3:16

E ida Tomoya, Tauyana tuboina unana, tuta liliuna imi kaiyaka madabokina goi tuboina bei iivinimi. Ida Tomoya komi liliumi taiyao!

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 2:11

Yeisu itoboine ivakededa. Tauyana Tokimasaba be nakae kita kimaasabaida liliudakova unada tayamo, moe Tamada Yaubada, tuwo kita boda tayamo. Moe pasina tauna Tauyana ona geya imaemaeta ivasiyaneda

Iberiu 4:12

Yaubada ina vala bogina taanove moe maa yawoina. Nakae maa myana be sisi nakae isosoina toina namlieta sisi liliudi sooinidi matadi aiyuwo nakae. Sisiyana itoboine isiu ina luluda sabalina goi be ada savi goi. E Yaubada ina livala nakae. Itoboine isiu ina nuwoda be balomaida goi. Tuwo itoboine nuwoda ina nuwonúwana be ina nuwogau idovatusidokoidi.

Yemesa 1:4

Go aramaitanayana kootagōne ikeuwo dókana sinaemi bego imi numisa goi koomatuwo be nakae imi sinapu madabokina bogina sidedevina, e geya kada tayaamo sinapu dedevina bei kokiseyeseye geya.

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

2 Pita 3:14

Tauna, guna kaloyao, ame dogoiyadi bogina koyaamwasidi go, kopooisōgana bei imi sinapu madabokina dedevina, e bei tutayana Yaubada idovatusimi, ibabanemi geya ami pikwanamo geya toina be nakae tuboina goi kokaaiyako.

Yuda 1:1

Komi Yaubada Tamada ina kinavayao bogina imatakoiyemi be nakae iyoisikavatemi ana kadókana ikaluvilamna ikabimi, Yau Yuda, be nakae Yemesa ana gómana toina, ame ami leta agini iwo yaimi.

Yuda 1:24

E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana tomoeeyalina goi mami uyáwana ivataoemi.