1 Tesalonáika 5:12 - Buki Kimaasabaina

¹² E kakawanoi yaimi, segowo, avatauwa yaimi goi neta idi ida Tomoya taiyao pasina sipooisógana be sivakumgooiyemi be nakae sikatusiinapumi, e kowowooinēdi

1 Tesalonáika 5:12 ပူးပေါင်းရင်းမြစ်များ

Luke 10:7

E vadayana goi siuyaaonemi kokaaiyāka go, ava kawoinu o ava bwae siivinimi, kokāika be konīm. Topaisewa itoboinedi bei adi maisa sibabane. Go taabu kokanadamadāmana vada tayamo tayamo goi.

Iyoni 4:38

Yau aetunemi bei kaga manuna boi geya kopoisoganeta go, tuwo kodibayoyoi. Ituli ta bodava sipoisógana go, komi idi paisewa kosiukoidi bei kodibayoya.’

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Guinuwa 20:35

Guna guinuwa liliudi goi avatulukoimi bego ida tokuma goi itoboineda tonenetayao tavaitedi nakae ida Tomoya Yeisu ina livala tanuwokavatedi unana Tauyana idigo kana, “Ida kaiguyau tomota yaidi goi ada dedevina tababane namlieta baige tomota idi vininabeso yaida goi.”’

Roma 16:12

Guna yabobona Terupaina be Teruposa yaidi. Vevinayadi ida Tomoya manuna sipoisógana gagaina. Guna yabobona ida kalo Pesisi yaina. Vavinayana ida Tomoya manuna ipoisógana gagaina.

Roma 16:6

Meri, tauyana ipooisógana gagaina komi manumi, e guna yabobona yaina.

1 Korinta 12:28

Tuwo tauyadi Yaubada ana totugugunayao goi ivayokoidi ame nakae: Mainao Yeisu ina . Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.

1 Korinta 15:10

Ego Yaubada ina kanuwóiya goi yau Yeisu ina vamoléyana tayamo. Go ina kanuwoiyayana yaigu goi ma basabasaina. Apoisógana gagaina go, guna poisoganayana goi Yeisu ina vamoleyanayao liliudi akalisavedi. Ago yau geya, go sem Yaubada ina kanuwóiya yaigu goi ipaaisewa.

1 Korinta 16:16

bego komi nakae kokasalēmi tauyadi yaidi be nakae ava tovaita tauyadi nakae neta sipaaisewa o Yeisu manuna sipooisógana yaidi goi.

1 Korinta 16:18

Komi be yau balomaida sikitogagedi. Tauna tomota amo tauyadi nakae kowowoinēdi.

1 Korinta 3:9

Moe moitamo. Apolosiyana guna tosavaiyuwo ama taiyuwokova Yaubada ina go, komi ina tánuwo be nakae ina vada.

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

2 Korinta 5:9

Tauna nakona ida vada wowoda goi takaiyaka o takalave go, ida nuwonúwana gagaina bego Yaubada tavauyaone.

2 Korinta 6:1

E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.

Galetiya 4:11

Amatoita kaga nakona bei isowóduwo komi yaimi. Nakona apoisogana beso manumi.

Pilipai 2:16

unana ina Maliyalina goi yau itoboinegu aedidigu bei asamolai bego guna paisewa yaimi goi vavalákuna nakae geya kada alokoina besobeso o guna poisógana yaimi goi geya keuwoinamo geya.

Pilipai 2:19

E neta ida Tomoya Yeisu ina nuwonúwana nakae, e alotuta giyakainava Timoti aetune iwo yaimi bego valegu konove, e atemi ivapatupatudi go, yau nakae ategu ivapatupatu tutayana tauyana ikaluvilamna ima valemi ilatuwokoigu.

Kolose 1:29

Moe manuna nakae apoisógana ame nakae: Tauyana ina togaga sinaegu goi ipaisewa makimaki, e moe togagayana goi aakokoila.

1 Tesalonáika 2:9

Ame moitamo, segowo. Neta konuuwaisi ima poisógana be ima valitulítuwo yaimi goi. Sabamgo be maliyalina toinima nimama goi kapaaisewa bego ami yogala geya kayatoeta go, Yaubada ina Vala Dedevinayana katalavaite yaimi goi.

1 Tesalonáika 4:1

E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima taiyao pasina kakatuliwolemi tuwaina nakae koguinuwevilevīle.

1 Tesalonáika 5:14

E kakatuliwolemi, segowo, suumoyaidi kokatusiinapūdi silítuwo, tomota nukotodi itopa kovapatuupatūdi, tomota neenetaidi kovaaitēdi be nakae tomota liliudi yaidi goi koaaramāitana.

1 Timoti 5:1

Tomoyamoya taabu kuubowōidi, go sem mam wowoina kubuunuwaina goi kuliwolēdi nakae neta tauyadi tamamowo. Tubuwau nakae; mam wowoina kuliwolēdi nakae neta tauyadi toinim tuwowomowo o am gomanao.

1 Timoti 5:20

Kidi go tovakumgoyadi neta nava goyo siguuinuwe, e Yeisu ana totugugunayao matadi goi tauyadi kukamamaetalīdi bego tomota liliudi sigitedi, simatoita goyoyana sivatotowone.

2 Timoti 2:6

Ava tobágula neta ipoisógana, itoboine keuwokumgo igimikabi. Kom nakae kupoisōgana bei am vaiwówana kubabane.

Taito 1:3

E toinina ina tuta kaikaila goi yawana vatayana valena ikaiwoduwe kai ina vamoleyanayao yaima goi. Ago valayana ana talavaita inumisegu atalavaite go, guna talavaitayana moe ada Toyava Yaubada ina lovina goi aguinuwe.

Taito 1:5

Ame pasina boi Kiriti goi atulavem: Bego kaga kaga boi Tomoya ana totugugunayao yaidi goi taavatowo, e kom kulukavave be nakae Tomoya ana totugugunayao idi tugúguna asa tamo tamo goi koroto kuvayokoidi kidi tugugunayadi adi tovakumgoyao nakae yau bogina alatuuwokoim.

Taito 2:15

E mam lovina moe dogoiyadi tomota kulatuwokōidi be kuliwolēdi siguinuwedi go, neta dogoiyadi sikataedi, kukamamaetalidi. Go taabu tomota sikapipiilavēm!

Iberiu 13:17

Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Iberiu 13:7

Ami tovakumgoyao boi Yaubada ina livala sivatuulukoimi yawoidi konuwaaisīdi. Yawoidiyadi keuwoidi manuna konuwonūwana, e idi numisa kovatotowōne.

Nuwogau 1:20

Utunayadi ainima aiyuwo nimakakataigu goi kuugitedi be nakae rampa ana kaba yata goura ainima aiyuwo adi yagoina vamoounidi kom yaim, tauna bei adi yagoina ataligei. Utunayadi moe Tomoya ana totugugunayao asa ainima aiyuwo adi aneroseyao. Rampa ana kaba yatayadi ainima aiyuwo moe totugúguna adi tugugunayadi ainima aiyuwo.’

Nuwogau 2:12

Tuwaina Tauyana idigo kana, ‘Anerose aitonina Tomoya ana totugugunayao Pegamasi goi imatakaavatedi ana leta totugugunayadi manudi kugīni kam, “Yau Yeisu magu sisi matana aiyuwo go, sooinina. Ame nakae alatuwokoimi:

Nuwogau 2:18

Tuwaina Tauyana idigo kana, ‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam, “Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi:

Nuwogau 2:3

Bogina aayagoi komi komesayágana. Mou kobabanedi unana yau yoigu ikaaiyaka yaimi go, geya kotameyeta.

Nuwogau 2:8

Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi:

Nuwogau 3:1

Tuwaina Tauyana idigo kana, ‘ ainimaina Tomoya ana totugugunayao Sadesi goi imatakaavatedi ana leta totugugunayadi manudi kugīni kam, “Yau yaigu goi Yaubada Balomaina ainima aiyuwo be nakae utuna ainima aiyuwo sikaaiyaka. Ame nakae alatuwokoimi: Imi sinapu bogina ayaagoidi. Komi valemi bego balomaimi maa yawoidi go, komi woi balomaimi kaamasidi!

Nuwogau 3:14

Tuwaina Tauyana idigo kana, ‘Anerose ainima aiyuwoina Yaubada ana totugugunayao Laodiseya goi imatakaavatedi ana leta totugugunayadi manudi kugīni kam, “Yau Yeisu Aba Kamoitamo o kada, ‘Yau Totalavaita dókana be Mooitamoina, nakae Yaubada ina madaginao unadi.’ Ame nakae alatuwokoimi:

Nuwogau 3:7

Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu . Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi: