1 Tesalonáika 5:10 - Buki Kimaasabaina

¹⁰ Guyauyana ikámasa, kita ada katumapu, bego tutayana ima, nakona maa yawoida o bogina takámasa, bei Tauyana taiyao takaaiyaka.

1 Tesalonáika 5:10 ပူးပေါင်းရင်းမြစ်များ

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Iyoni 10:11

sipi adi torugwáuta dedevina. Torugwáuta dedevina yawoina bei ikasale ina sipiyao manudi.

Iyoni 10:15

nakae Tamagu iyaagoigu, e yau Tamagu aayagoi. Go yawoigu aakasale guna sipiyadi manudi.

Iyoni 10:17

Tamagu imatakooiyegu unana ame: Yau yawoigu akasale ámasa goi bego aiyuwoina ababanemnei.

Iyoni 15:13

Geya vatau tayaamo ina matakoi matakoi ame nakae ivakaigagasave: Bego semiyao manudi yawoimi kokasale.

Roma 8:34

Avatau bei itakinoida kita toogoyoida liuna manuna? Geya toina! Kina Yeisu ikámasa go, Yaubada ikaitáoe, e ikaaiyaka Yaubada wowoina basekoina kakataina goi ivapiisiyeda go!

1 Korinta 15:3

Boi Valayana anove go, dogoi gagaina Valayana goi moe avadamane yaimi. Dogoiyana moe ame nakae: ida goyo pasidi ikámasa nakae sidige.

2 Korinta 5:15

Moe liliuuda manuda ikámasa bego kita maa yawoida geya tuwaina takaaiyaka toinida manuda, go sem Tauyana ikámasa be nakae itaoyamna manuda, e moe Tauyana umana takaaiyaka.

2 Korinta 5:21

Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima manuna kakaiwoduwe.

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

1 Tesalonáika 4:13

E segowo, geya latuwoma bego kotamogemoge tauyadi tokámasa manudi, govila bei imi tokamasayadi manudi komi woi nava kokaategeda tomota geya idi numisamo nakae. Tomotayadi geya idi lotutamo bego niga ámasa goi bei sitaoyamna.

1 Tesalonáika 4:15

Boi ida Tomoya ina livala kalatuwokoimi bego kita maa yawoida nava takaaiyaka ana kadókana ida Tomoya bei ima go, geya tavakumgoita tana Tauyana tavalobode geya; kidi tokámasa sivakumgo.

1 Tesalonáika 4:17

Sitaoyamna ikavava, e kita nava maa yawoida takaaiyaka Yaubada ma matabuwona ibisilagasida tokamasayadi taiyao, e gaota goi taiyao tatuko bei ida Tomoyayana yábana osasaina goi tavalobode. Tuwo tuta liliuna Tauyana taiyao bei takaiyako vata.

1 Tesalonáika 5:6

E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.

1 Timoti 2:6

Toinina ámasa goi ikasale, liliuda ada katumapu. Moe nakae itateteda be italigeida. Mae kiyakiyaya tayamo Yaubada ina tuta ana toboine goi ivinida bego latuwona liliuda iyaveda.

2 Timoti 2:11

Livala ame livala aba numisa: Neta bogina Guyau taiyao takámasa, e nava bei taiyao maa yawoida.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.