1 Tesalonáika 4:6 - Buki Kimaasabaina

⁶ Masisi goyogoyoina manuna taabu semiyao kobaagalīdi, e monediyao kotubanibanidi. Boi bogina kagimilatuwokoimi be kakatumatalimi neta moe dogoiyadi koguuinuwedi, e goyoyadi liliudi adi tokatumapu, moe , bei ami liuna ivinimi.

1 Tesalonáika 4:6 ပူးပေါင်းရင်းမြစ်များ

Tateta 20:15

Taabu kovaaināwana.

Tateta 20:17

Semiyao idi vada be monediyao be idi pakonayao koroto o vevina be idi bulumakauyao o idi o ava kónana tayamo taabu koyaalagāudi.’

Maki 10:19

Yaubada ina lovina bogina kuyaagoidi ae? Idigo kana, “Taabu kokaaumāta; taabu korooerāta; taabu kovaaināwana; taabu kotalavaita polapōla; taabu koovāobuna; tamamiyao be sinamiyao kowowooinēdi.”’ Tateta 20:12-16; Atukeda 5:16-20

Luke 12:5

Bei akatumatalimi avatau komatoite. Avatau neta itoboine ikaumatemi namlieta mana lovina itoboine ilavemi kosou goi kokaiyaka. Ame alatuuwokoimi konōve: Moe Tauyana komatōite!

Luke 16:28

Segowo adi tainima amoko goi nava sikaaiyaka. Lasalo kuetūne ina tauyadi yaidi bego ikatumatalidi, govila bei kidi nakae simekoigu aba gedageda ame goi.”

Roma 1:18

Kaga unana Yaubada ina kibobwatayana ikaiwoduwe? Ame pasina: Yaubada yábana goi ina egamogamogu bogina ikaiwoduwe tomota idi kaoliliwo liliudi be nakae idi kapipilova liliudi pasidi. Tomotayadi idi kapipilova goi sipoikíkina bego Yaubada ana sisanabode.

Roma 12:19

Guna kaloyao, taabu tomota idi goyo yaimi goi kokatuumapūdi, go sem Yaubada kotagōne ina egamogamogu goi ikatumapudi nakae ina nuwonúwana. Moe nakae Yaubada ina livala goi Mosese igini, kana, ‘“Goyo ana katumapu moe yau guna kaba lovina. Bei tomota idi goyo yau akatumapudi”, kaena.’ Atukeda 32:35

Roma 13:4

Kaga unana? Tolovinayadi moe Yaubada ina tovaitayao ami dedevina manuna. Go neta goyo koguuinuwe, e komatooitēdi. Tolovinayadi madi lovina liuna manuna, tuwo toogoyoidi bei siliunedi. Bogina koyagoi. Tauyadi moe Yaubada ina tovaitayao go, Yaubada ana katumapuyao ina egamogamogu be ina liuna sikaiguyauyedi toogoyoidi yaidi goi.

2 Korinta 7:11

Moitamo. Kogita? Imi nuwomouyana nakae Yaubada latuwona go, nuwomou ina guinuwa yaimi goi kopoisógana bego kokabikaonegu. Go poisógana kaka geya, go sem toinimi kotasigimi. Go tasígina kaka geya, go sem tauyana ina goyo manuna koegamogamogu. Go egamogamogu kaka geya, go sem komatoita. Go matoita kaka geya, go sem kokatukuwonegu. Go atukúwana kaka geya, go sem lulumi ilíbwata manugu. Go líbwata kaka geya, go sem mami salau tauyana ina goyo koliune. Kaga liliuna goi bogina kovagitakoimi bego tauyana ina goyo manuna komi geya ami pikwanamo.

Galetiya 5:21

matakikiwo, aumata, bwae toogagaina goi siyaluwo, uyawana owáowana be nakae ava sinapu ame dogoiyadi nakae. Boi akatumatalimi go, tuwo aiyuwoina akatumatalimneimi bego avatauwa neta dogoiyadi siguuinuwedi, e goi geya sisiuta.

Epeso 4:17

E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.

Epeso 4:28

Tovaináwana geya tuwaina sivaināwana, go sem sipoisōgana, e toinidi nimadi goi paisewa dedevidi siguinuwēdi bego adi vaituwo goi itoboinedi tookaidi sivaitedi.

Epeso 5:6

Tomota maniyedi sidigodigo bego itoboinemi amo goyoyadi koguinuwedi go, taabu idi bóbwara polapola goi sivasulaaigīmi. Moitamo. Moe tauyadi idi sinapu goyogoyoidi pasidi Yaubada ina egamogamogu imamaima tokapipilova ivakaosidokoidi.

1 Tesalonáika 2:11

Komi bogina kooyagoi kai ima sinapu komi tamo tamo yaimi nakae koroto tamo toinina natunao yaidi.

2 Tesalonáika 1:8

yeu sabeninimina ikalinibisidi go, sisou simamaima. E ina sowoduwoyana goi avatauwa neta Yaubada geya siyagoiyeta be nakae ida Tomoya Yeisu Valena Dedevina geya sikabikaoneyeta, bei ikatumapudi.

Iberiu 13:4

Madabokimi nai kowowōine sowomi o tadigo kada, ‘Nai ana sinapu korugwāusi.’ Neta nakae, bei imi nai ikaaiyaka maavadaina nakae goyo geya ikibaibailiyeta. Avatauwa neta toroerata o tomasisi goyogoyo, e Yaubada bei itakinoidi toogoyoidi.

Iberiu 2:6

E bogina tayagoi goi Same italavaita avatau bei iilovina. Sameyana idigo kana, ‘Yaubada e, Tomota kaga bego manuna kunuwonúwana? Kaga unana kumatakaavateda?

Yemesa 2:6

E komi sem imi guinuwa goi tookaidiyadi kogieomaemaedi! Go kogita! Avatauwa mou siivinimi? Avatauwa kotu goi siiyatoimi? Kidi guyaguyauwo ae?

Yemesa 5:4

Konōve! Imi tánuwo adi topaisewa bogina kovaaobudi, e adi maisa kovagagaledi, tauna idi táiya italavaitemi Yaubada yaina imi goyo manuna. Nakae imi todibayoyayao idi táiya bogina inove.