1 Tesalonáika 4:16 - Buki Kimaasabaina

¹⁶ Ida Tomoyayana toinina yábana goi bei isou ima mana lovina ipodede tokámasa yaidi. Amo tutayana taiyao bei sigimitaoya.

1 Tesalonáika 4:16 ပူးပေါင်းရင်းမြစ်များ

Tateta 19:16

E maliyalina aitonina bogina ima go, nobuyana koya goi palapala idududu be nakae ávila ikavikávila, nakae gaota kalaabadaina ikaaiyaka. Síula niyana gagaina itáiya, e tomota liliudi idi tunagu goi sinove, tuwo madi matoita wowodi sitátava.

Tateta 20:18

E kidi go tomotayadi palapala sinovenove be ávila sigitegite, nakae síula sinovenove be aubowo sigitegite, tuwo wowodi sitatátava go, sibala sina masigava goi siitaoya.

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 16:28

U, moe nakae bei isowóduwo go, ame alatuuwokoimi konōve: Tutayana Tomalatomota ima, bei ina bodao ikaliibubudi, e komi maniyemi ameko kootaoya nava bei maa yawoimi kogite.’

Madiu 25:31

Tuwaina Yeisu kana, ‘E tutayana Tomalatomota ikaluvilamna ima tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.

Madiu 26:64

Kina Yeisuyana idigo kana, ‘Kom bogina kudigoyabe. Go ame alatuuwokoimi konōve: Tuta imamaima Tomalatomota bei kogite mana lovina wowoina basekoina kakataina goi iitusobu be nakae yábana geleoina yatadi goi imamaima.’

Guinuwa 1:11

kadi, ‘Komi Galili korotoimi, kaga pasina kootaoya yábana osasaina kopotepote? Mae Yeisuyana bogina kogite yaimi goi Yaubada ikabi itukoe inave yábana, bei ikaluvilamna ima go, ina kaluvilamnayana ana kaigigita tauna mae ina tuko nakae bogina kogite.’

1 Korinta 15:18

Neta ame moitamo, kidi tokámasa nakae; boi mainao Guyau siinumise bogina adi liuna sibabanevatae.

1 Korinta 15:20

E moitamo kina go tokámasa yaidi goi bogina igimitaoyamna. Tauna moe aba kinana tayagoi tokámasa nakae bei sitaoyamna.

1 Korinta 15:23

E kita tamo tamo mada tuta taoyamna manuna. Guyau ivakumgo namlieta kita ina bodao ina tuta aluvila goi tataoyamna.

1 Tesalonáika 1:10

Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.

1 Tesalonáika 3:11

E latuwoma bego ida Yaubada Tamada be ida Tomoya ima kenao sikiunai bei kao yaimi.

2 Tesalonáika 1:7

Ago komi be kai ida mouyadi goi ida waiwasi bei ivinida tutayana ida Tomoya Yeisu yábana goi isowóduwo. Tauyana mana toogagaidi

2 Tesalonáika 2:1

E semao, ida Tomoya goi ima o bego kai kalatuwokoidi o bego kai leta kaetune ina tauyadi yaidi go, manuna taabu nuwomi siwowōwana be nakae taabu atemi siyovayōva.

2 Pita 3:10

E moitamo bei ima go, tovaináwana nakae bei ivatoopa. Maliyalinayana goi kaga liliuna yábana osasaina goi ma buutukáona gagaina bei sisáwala. E poyapoya ame Yaubada bei yeu goi ikaigoyai go, kaga liliuna poyapoyayana goi bei ikaiwoduwedi takínona manuna.

Yuda 1:9

E kina go Maikoro anerose adi toolagaina go, tuwo amo nakae geya iguinuweyeta. Boi nimatu taiyao sikaumakimaki Mosese wowona pasina bego avatau itoboine ikabi. Go tutayana sikaumaakimaki, kina Maikoroyana geya idigopopoiteta, nakae Kaleyayana geya itakinoeta bego tauyana itoboine liuna ibabane ina tagíwaya pasina. Takínona moe Yaubada anetava ina paisewa. Go sem Maikoroyana idigomo kana, ‘ bei ibowoim, e liuna ivinim!’

Nuwogau 1:10

Tuta tayamo ida Tomoya ana maliyalina goi Baloma Kimaasabaina iyoisigu, e mligu goi níyana gagaina ana taiyakeka síula nakae anove.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!

Nuwogau 14:13

Amo ikavava, níyana tayamo yábana goi anove idigo kana, ‘Ame nakae kugīni kam, “Ame tuta be nakae tuta simamaima avatauwa neta ida Tomoya taiyao sispwagógana go, sikámasa, adi dedevina bei sibabane.”’ ‘U nakae! Itoboine bei adi mou goi siwaiwasi. Moitamo. Idi guinuwa dedevidi Yaubada bei inuwaisidi’, kaena.

Nuwogau 8:13

Ikavava, akandobala yábana osasaina goi bóibo iyovayova agite go, niyana gagaina anove idigo kana, ‘Oo! O da poyapoya! O da poyapoya! Anerose adi taito bogina siyokabúbuna sikaaiyaka, bei idi síula siuwedi!’

Nuwogau 8:2

Amo ikavava, ainima aiyuwo Yaubada matana goi siitaoya bego ina nuwonúwana siguinuwe go, agitedi tamo tamo idi síula ivinidi.