1 Tesalonáika 4:13 - Buki Kimaasabaina

¹³ E segowo, geya latuwoma bego kotamogemoge tauyadi tokámasa manudi, govila bei imi tokamasayadi manudi komi woi nava kokaategeda tomota geya idi numisamo nakae. Tomotayadi geya idi lotutamo bego niga ámasa goi bei sitaoyamna.

1 Tesalonáika 4:13 ပူးပေါင်းရင်းမြစ်များ

Aba Vatowo 37:35

E natunao liliudi sima bego tamadi sikipaiwole go, idi kipaiwalayana ikatae, idigo kana, ‘Tuwo, natugu ana kobu. Alapasaisai ana kadókana akámasa, e natugu agite baige guna nuwomou ikavava.’ Tuwo itáiya natuna manuna.

Madiu 27:52

Go ikatupaevedi be nakae kidi Yaubada ina kimasabayao badabadaidi boi bogina sikámasa, e ikaitaoedi.

Iyoni 11:24

Go kina Maritayana idigo kana, ‘Bogina ayagoi bego taoyamna ana tuta moe tuta ana kaba lukavava goi bei itaoyamna.’

Guinuwa 13:36

Tayagoi moe Devida toinina manuna geya ibobwareta. Moitamo. Toinina ina tuta goi Yaubada ina nuwonúwana iguinuwe, namlieta ikámasa go, wowona sikabi tubunao yaidi goi siyato. Amoko goi wowona idáura.

Guinuwa 7:60

E aena ivatugúyala go, niyana gagaina goi ipodeda idigo kana, ‘Guna Tomoya, idi goyo ame geya kwatumapuyeta!’ Ibóbwara ikavava, e yawoina ikavava.

Guinuwa 8:2

E koroto kaasalaidi Yaubada yaina sima Stiveni wowona sikabi, sivaliwoge go, madi nuwomou sitáiya gagaina tauyana manuna.

Roma 1:13

E segowo, latuwogu koyagoi bego tuta badabadaina aavatoiya ao yaimi goi go, boi ima ame tuta dogoi maniyedi sisanaabodegu geya awoita. Latuwogu ao bego itoboinegu komi nakae yaimi goi abágula, e bei guna bagulayana kiyayana yaimi goi ababane nakae boi aababane Totuyoyowo liliudi yaidi goi.

1 Korinta 10:1

Ame moitamo, segowo, itoboineda takabikunuida. Tubudao aba gita tayamo yaida. Ame nakae: Konuwāisi boi nimatu Yaubada ina gaota tubudao madabokidi ivainugonedi be nakae madabokidi Négwasa Kayakayaina nauyayanaina goi sivadámana.

1 Korinta 12:1

E segowo, ina kaiguyau manudi kolumadádana. Ina kaiguyauyadi manudi geya latuwogu komi kotamogemoge.

1 Korinta 15:6

Niga ina taoyamnayana mlina tuta tayamo goi isowóduwo sedao adi badabada ainima andedi (500) nakae yaidi. Bodayadi yaidi goi badabadaidi nava sikaaiyaka go, maniyedi bogina sitagau.

2 Korinta 1:8

Moitamo Esiya parovinsi goi mou kababanedi go, latuwoma ima mouyadi koyagoidokoidi, segowo. Mouyadi kalootowoidi moumou sisaki, nakae geya itoboinemeta toinima ima togaga goi katogaga, tauna nukotoma itopa; ima lotówana kalotowoidi nakae bei kakámasa.

Epeso 2:12

amo tutayana tamo tamo boi nimatu iguuinuwedi Isileli tubunao yaidi goi go, komi geya. Tauna ina katótula kidi manudi komi geya. Komi poyapoya ame goi geya imi lotutamo yava manuna be nakae Yaubada mooitamoina komi yaimi goi geya.

Epeso 2:3

Boi kita madabokida ida sinapu tokapipilovayadi idi sinapu nakae. Sakavaida idi yalagau tasabokuuliyedi nakae sakavaida be nuwoda idi vikaiya taguuinuwedi. Tuwo aderida pasina itoboineda Yaubada ina egamogamogu tababane da poyapoya liliudi nakae.

1 Tesalonáika 4:14

Neta tanumisa bego Yeisu ikámasa namlieta ámasa goi itaoyamna, e nakae itoboine tanumisa bego Yeisu ina tonumisayao kaamasidi Yaubada bei ikabidi inavedi Yeisu taiyao.

1 Tesalonáika 4:15

Boi ida Tomoya ina livala kalatuwokoimi bego kita maa yawoida nava takaaiyaka ana kadókana ida Tomoya bei ima go, geya tavakumgoita tana Tauyana tavalobode geya; kidi tokámasa sivakumgo.

1 Tesalonáika 5:10

Guyauyana ikámasa, kita ada katumapu, bego tutayana ima, nakona maa yawoida o bogina takámasa, bei Tauyana taiyao takaaiyaka.

1 Tesalonáika 5:6

E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.

2 Pita 3:4

Madi kaiwoteta bei sidigo kadi, ‘Boi Tauyana ina sowóduwo Yaubada ikaatotule go, Tauyana nako? Geya ae? Boi nimatu tubudao gagaidi idi kámasa ana tuta go, ima ame tuta kaga liliuna adi kaigigita tauna nakae sikaaiyaka nakae boi tutayana madágina ana tuta go, ima.’

2 Pita 3:8

E tayamo dogoi, guna kaloyao, taabu konuwooilāve. Dogoiyana bego ina nuwonúwana goi maliyalina tayamo moe nakae tala ana badabada tayamo tausani (1,000) go, tala tayamo tausani (1,000) moe nakae maliyalina tayamo. Tauna maliyalina be tala sivavasa Tauyana yaina.