1 Tesalonáika 2:19 - Buki Kimaasabaina

¹⁹ Tutayana ida Tomoya Yeisu bei ima matana goi tataoya, imi numisa pasina komi ima kaba lotuta, nakae komi ima kaba uyáwana, e komi pasimi aedidima kasamolai!

1 Tesalonáika 2:19 ပူးပေါင်းရင်းမြစ်များ

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Maki 8:38

Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana kimaasabaidi taiyao, e nakae bei ilawoiwoiyedi.’

Iyoni 21:22

Go Yeisu kana, ‘Neta latuwogu tauyana ikaaiyaka ana kadókana akaluvila ama, moe geya tayaamo kaga yaim. Kom to kusabokuliyeeyamōigu.’

1 Korinta 15:23

E kita tamo tamo mada tuta taoyamna manuna. Guyau ivakumgo namlieta kita ina bodao ina tuta aluvila goi tataoyamna.

1 Korinta 4:5

Tauna geya vatau tayaamo kootakīno. Ame tuta geya Tomoya ina tuta toina geya. Ina tuta toinayana moe bei ima toinina itakínona. Kaga liliuna vamoounidi mamaníwana goi sikaaiyaka bei itapasigidi. Nakae tomota idi nuwogau bei ikaiwoduwedi. Moe tutayana Yaubada tomota tamo tamo idi paisewa manudi bei iyapaliyedi. Tauna ame tuta taabu kootakīnona.

Pilipai 2:16

unana ina Maliyalina goi yau itoboinegu aedidigu bei asamolai bego guna paisewa yaimi goi vavalákuna nakae geya kada alokoina besobeso o guna poisógana yaimi goi geya keuwoinamo geya.

Pilipai 4:1

Tauna, segowo, komi guna kaloyao akatukuuwonemi nakae komi guna kaba uyáwana be nakae guna kaba wowoina, e kaga bogina agini moe nakae komi imi ida Tomoya taiyao pasina kotaoyaakavāta.

1 Tesalonáika 2:20

Moitamo. Komi ima kaba taimámina be ima kaba uyáwana!

1 Tesalonáika 3:13

Moe bego nuwomi nakae atemi ikitogagedi, bei geya ami pikwanamo unana komi kimaasabaimi ida Yaubada Tamada matana goi, tutayana ida Tomoya Yeisu mana kimasabayao sima. [E nakae!]

1 Tesalonáika 4:15

Boi ida Tomoya ina livala kalatuwokoimi bego kita maa yawoida nava takaaiyaka ana kadókana ida Tomoya bei ima go, geya tavakumgoita tana Tauyana tavalobode geya; kidi tokámasa sivakumgo.

1 Tesalonáika 5:23

E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu ikaluvilamna.

2 Tesalonáika 1:4

Tauna Yaubada ana totugugunayao liliudi matadi goi kauyawana gagágasa manumi. Yaubada ana totugugunayaoyadi kalatuwokoidi komi gedageda be mou kobaabanedi go, nava komeesayágana be koonumisa.

2 Tesalonáika 1:7

Ago komi be kai ida mouyadi goi ida waiwasi bei ivinida tutayana ida Tomoya Yeisu yábana goi isowóduwo. Tauyana mana toogagaidi

2 Tesalonáika 2:1

E semao, ida Tomoya goi ima o bego kai kalatuwokoidi o bego kai leta kaetune ina tauyadi yaidi go, manuna taabu nuwomi siwowōwana be nakae taabu atemi siyovayōva.

Taito 2:13

Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe .

Yemesa 5:7

Tauna segowo, imi vakakona goi koaaramāitana ana kadókana ida Tomoya ikaluvilamna. Tobágula kogīte. Ina vévana ibagulidi ikavava, bonau ituuyaosi. Mana mesayágana daúmwara ana tuta goi be nakae kótala ana tuta goi kúwana ituuyaosi. Iituyáwata ana kadókana poyapoya goi ina dibayoya ibabane, dibayoyayana moe sowona.

Yemesa 5:8

Komi nakae. Ida Tomoya giyakainava bei ikaluvilamna ima, tauna kootogāga be imi numisa goi kokaatepātu.

1 Pita 5:4

Neta nakae, tutayana Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.

2 Pita 1:16

Itoboinemi vatulukwanayadi konuwaaisidi. Bogina koyagoi. Boi ida Tomoya Yeisu Guyau ina togaga be ina sowóduwo katalavaitedi yaimi go, ima talavaitayana goi geya tonuwosinapu idi vatuta kasabokuuliyedi geya, go sem kai toinima matapoinima kagite Tauyana Toolagaina.

2 Pita 3:4

Madi kaiwoteta bei sidigo kadi, ‘Boi Tauyana ina sowóduwo Yaubada ikaatotule go, Tauyana nako? Geya ae? Boi nimatu tubudao gagaidi idi kámasa ana tuta go, ima ame tuta kaga liliuna adi kaigigita tauna nakae sikaaiyaka nakae boi tutayana madágina ana tuta go, ima.’

1 Iyoni 2:28

Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.

Yuda 1:24

E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana tomoeeyalina goi mami uyáwana ivataoemi.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!

Nuwogau 22:12

Yeisu idigo kana, ‘Konovēgu! Giyakainava bei ao ami katumapu avedi akaiguyauyedi yaimi nakae imi guinuwa adi kakainaki.