1 Tesalonáika 2:13 - Buki Kimaasabaina

¹³ Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

1 Tesalonáika 2:13 ပူးပေါင်းရင်းမြစ်များ

Madiu 10:20

Moitamo. Moe geya komi imi livala geya, go sem kina Tamada Balomaina sopami goi ibobóbwara.

Madiu 10:40

Avatauwa neta siuyaaonemi, e yau nakae siuyaaonegu. Go avatauwa neta yau siuyaaonegu, agu toetuna nakae siiuyaone.

Luke 11:28

E kina go Yeisu idigo kana, ‘Moe geya, go sem avatau neta Yaubada ina livala inove be ikabikaone, tauyana ana dedevina bogina ibabane.’

Luke 5:1

E tuta tayamo bodayadi sivatuvagivagigi be nakae Yaubada ina livala ivaatulúkwana sitaaiyakeke go, Tauyana Genesareta Bwaena kikina goi iitaoya.

Luke 8:11

E guna livalakaibalayana ana talígava ame nakae: Kutukutuyadi moe Yaubada ina livala.

Luke 8:21

Go kina Yeisu idigo kana, ‘Sinagu be segowo moe avatauwa neta Yaubada ina livala sinovenove be sikabiikaone.’

Iyoni 15:3

Komi laonigowoyami nakae bogina komavada guna livala boi alatuuwokoimi pasina.

Iyoni 17:17

Im livala moe . Nanamsa Moitamoinayana goi tauyadi kukimasabēdi toinim umam.

Iyoni 17:19

Tauyadi adi dedevina manuna toinigu akimasabegu kom umam bego tauyadi nakae am Nanamsa Mooitamoina ana kaiwóduwo yau goi kukimasabedi kom umam.

Guinuwa 10:33

E tauna koroto avatuwowonedi siwo sikabim go, uyagu unana kutagona kuma. E tuwo ame tuta madabokima Yaubada matana goi bogina kakaaiyaka ameko, latuwoma kaga bogina ida Tomoya ilatuwokoim, e kulatuwokōima kanove.’

Guinuwa 13:48

E Totuyoyowo Paulo ina livalayana sinove, siuuyaone be Tomoya ina togaga ana sikamooitamoe. Tuwo avatauwa neta bogina nuwodi siyatoidi bego yawoidi vata siibabane, e sinumisa.

Guinuwa 16:14

Tayamo vavina ikaaiyaka; tauyana yoina Lidiya guma Tuwatira. Lidiyayana areko esaesa ana tokaigimona. Tauyana Totuyoyowo go, Yaubada ana totaimámina tayamo. E tauyana ikaaiyaka Paulo ina livala itaaiyakeke. Atena Tomoya ikatupáeve, tauna latuwona Paulo ina livala inumise.

Guinuwa 17:11

Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.

Guinuwa 17:32

E tutayana Paulo ina livala sinove bego korotoyana tokámasa yaidi goi itaoyamna, maniyedi sikaiwotete go, maniyedi sidigo kadi, ‘Latuwoma bego niga tuta tayamo moe dogoiyana manuna kubobwaramna kanovem.’

Guinuwa 2:41

Tuwo avatauwa neta Pita ina livala siuyaone, sisayóyova go, amo maliyalinayana goi Yeisu ana tonumisayao bogina ivaituwedi nakae adi badabada aito tausani (3,000) sisiukoidi.

Guinuwa 8:14

E tauyadi vamoleyanayao Yerusalema goi nava sikaaiyaka go, vala sinove bego maniyedi da Samériya Yaubada ina vala bogina sinumise, tuwo sietunedi sina asayana goi.

Roma 10:17

Tauna numisa ana kenao ame nakae: Tomota sinumisa unana Valena sinove go, Valenayana sinove tomota idi talavaita pasina.

2 Korinta 3:18

E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.

Galetiya 4:14

Nakona guna visiyayana moe aba vakakona yaimi bego kokataegu go, tuwo geya kokataeguta be nakae geya kokubuyeveguta, go sem ami gogo yaigu nakae neta yau Yaubada ina !

Kolose 1:6

Valayana bogina iwo yaimi, nakae boi ina tomota liliuudi nakae poyapoya ana madabokiina goi yaidi. Amoko goi ikéuwo be nakae inúnuwo, nakae komi yaimi nakae boi tutayana kogiminove be Yaubada ina kanuwóiya kolotowodoko moe moitamo.

Iberiu 4:12

Yaubada ina vala bogina taanove moe maa yawoina. Nakae maa myana be sisi nakae isosoina toina namlieta sisi liliudi sooinidi matadi aiyuwo nakae. Sisiyana itoboine isiu ina luluda sabalina goi be ada savi goi. E Yaubada ina livala nakae. Itoboine isiu ina nuwoda be balomaida goi. Tuwo itoboine nuwoda ina nuwonúwana be ina nuwogau idovatusidokoidi.

Iberiu 4:2

Ida matoitayana itoboine. Amo tokapipilovayadi ina waiwasi manuna bogina tanove go, neta geya tanumisedokoeta, kita tauyadi nakae, geya ivaitedeta.

Yemesa 1:18

Tutayana toinina ilovina, e yawoida vau ivinida tabibinamna ame nakae: Tutayana Yaubada ana tanumise, e yawoida vauyana ivinida, bei kita ina togiminumisayao ina keuwokumgo nakae ina madágina liliudi yaidi.

1 Pita 1:23

unana bogina kobibinamna go, geya kada sakava bibinina goi geya. Moe bei ikámasa, tauna moe nakae geya, go sem dogoi geya ikamaseta goi. Dogoiyana moe Yaubada ina livala maa yawoina be aiyako vaatayaina goi.

1 Pita 1:25

ina livala, moe ikaiyako vata.’ Aiseya 40:6-8 E ame livalayana moe Vala Dedevina bogina konove.

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

2 Pita 3:2

Guna vilinayana moe bei Yaubada ina yaidi goi konuwaaisidi.

1 Iyoni 3:3

Go avatauwa neta moe silootutae, toinidi sikimaasabedi Yaubada umana nakae Yeisuyana kimaasabaina.