1 Tesalonáika 1:9 - Buki Kimaasabaina

⁹ Bogina koyagoi. Ava kasa goi kana, e toni kasa toinidi sitalavaitema manakaema boi mama nuwotokai kasowóduwo yaimi be nakae sitalavaitemi komi manakaemi yaubada polapola bogina kotugaviledi go, Yaubada maa yawoina be mooitamoina konoko bego komi Tauyana ina , e kokasalemi Tauyana yaina.

1 Tesalonáika 1:9 ပူးပေါင်းရင်းမြစ်များ

Madiu 16:16

E Saimoni idigo kana, ‘Kom , Yaubada maa yawoina Natuna!’

Guinuwa 14:15

sidigo kadi, ‘Tawou, ame kaga koguuinuweko? Kai koroto; tomota komi nakae. Kita tavavasa! Kai Vala Dedevina kataalavaite yaimi. Komi imi yaubada polapolayao geya basabasaidimo kotugavilēdi go, Yaubada maa yawoina komēko. Unana Tauyana yábana, poyapoya, négwasa be nakae kaga liliuna sinaedi goi imadagidi.

Roma 9:26

Aiyuwoina kana, ‘Nako goi boi alatuwokoidi kagu, “Komi geya guna bodao geya”, e amoko goi bei siduduwedi kadi, “Kidi Yaubada maa yawoina natunao.”’ Oseya 1:10

1 Korinta 12:2

Bogina koyagoi bego tutayana komi boi nava yaubada polapola yaidi kosaakululu, Kaleya ivaakedemi go, moe ivasulaigimi tokwalu geya yawoidimo yaidi kosaakululu.

1 Tesalonáika 2:1

Moe guna livalayadi moitamo, semao. Komi nakae konuwaisi boi ima sowóduwo yaimi goi moe geya kada mama yalagau goyogoyoidi geya,

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

1 Timoti 4:10

Mae manuna mada salau tapooisógana be taakokoila! Bogina kuyagoi. Taalotuta Yaubada maa yawoina bei iguinuwe nakae idige. Tauyana tomota liliudi adi Toyava. Go moe moitamo toina kita ana tonumisayao manuda.

Iberiu 12:22

E moe geya komi nakae geya, go sem komi bogina koma Saiyoni Koyaina goi. Moe Yaubada maa yawoina ina kasa o tadigo kada, ‘Yerusalema yabanina.’ Aiyuwoina bogina koma badabadaaidi guugunidi madi uyáwana yaidi goi.

1 Iyoni 5:21

Natugowo, yaubada polapolayao kovakiilisīdi.

Nuwogau 17:2

Ana kaigigita da poyapoya adi tolovinayao taiyao simasisi goyogoyo. Ago vavinayana ina sinapu goyo nakae goi itubanibanidi ivaanimdi siiyaluwo, e ina sinapu goyogoyoidi nakae sikamonamonaanaedi bego siguinuwedi.’