1 Tesalonáika 1:6 - Buki Kimaasabaina

⁶ Aiyuwoina komi ami kinavayana kaayagoi unana kai be ida Tomoya kovatotowonema ame nakae: Mou gagaidi kobaabanedi imi numisa pasina go, tuwo Valayana mami uyáwana kouuyaone. Uyawanayana Baloma Kimaasabaina ivinimi.

1 Tesalonáika 1:6 ပူးပေါင်းရင်းမြစ်များ

Madiu 16:24

Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuliyēgu.

Iyoni 8:12

E niga aiyuwoina Yeisu Vada Kimaasabaina ina kali goi tomota ilatuwokoidi idigo kana, ‘ adi mavada. Avatauwa komi neta kosabokuuliyegu, mamaníwana goi geya koketoiyeta, go sem komi manumi mavadayana yawana vau ana kenao bei itapasigi.’

Guinuwa 13:52

E kidi go Yeisu ina uyáwana be nakae Baloma Kimaasabaina sivakayaaodeidi.

Guinuwa 5:41

Tauna kidi vamoleyanayaoyadi kotu goi sisowóduwo go, siuyáwana bego Yeisu yoina pasina itoboinedi omayamaya dábina goi sibabane.

Guinuwa 9:31

Tauna Tomoya ana totugugunayao madabokidi Yudiya dadavina, Galili dadavina be nakae dadavina goi tuboina sibabane. Idi numisa ina togaga Baloma Kimaasabaina goi ibibíbina go, madi matoita Tomoya siiwowoine. Baloma Kimaasabaina ikipaiwoledi, tauna idi boda tuwaina ivaituwedi.

Roma 15:13

E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be ina togaga goi imi lotutayana ivaituwe.

1 Korinta 11:1

Nakae yau avatootowone, e kovatotowonēgu.

1 Korinta 11:2

E dogoi liliudi goi bogina konuwaisigu be guna vatulúkwana liliudi boi bogina aavinimi nava koyoisikaavatedi, tauna ayapaliyemi.

1 Korinta 4:16

E tuwo komi natugowo nakae akatuliwolemi kovatotoowonēgu.

2 Korinta 6:10

E nakona mama nuwomou go, tuta liliuna kaauyáwana. E nakona katokai go, esaesa mooitamoina kakaiguyauye tomota badabadaidi yaidi. E nakona poyapoya ame goi kai geya konamamo go, yábana konanina liliudi sikaaiyaka yaima.

2 Korinta 8:5

Idi vininabesoyana moe gagaina toina go, geya nakae kanuwonúwana bei sivinima, go sem mainao toinidi sikasaledi ida Tomoya yaina namlieta kai yaima sikasaledi nakae Yaubada latuwona.

Galetiya 5:22

E kina go Baloma Kimaasabaina keuwoina Yaubada ina bodao yaidi ame nakae: Matakoi, uyáwana, tuboina, mesayágana, yabobona, sinapu dedevina, ,

Epeso 5:1

E tuwo komi Yaubada natunao imatakooiyemi, Tauyana kovatotowōne.

Pilipai 3:17

Madabokimi taiyao, segowo, yau imi kaba gita kovatotowonēgu be nakae avatauwa neta ama tapata goi siiketoiya, e tauyadi kodumakavatēdi bego kovatotowonēdi.

2 Tesalonáika 1:4

Tauna Yaubada ana totugugunayao liliudi matadi goi kauyawana gagágasa manumi. Yaubada ana totugugunayaoyadi kalatuwokoidi komi gedageda be mou kobaabanedi go, nava komeesayágana be koonumisa.

2 Tesalonáika 3:7

Moitamo. Boi kai yaimi goi kakaaiyaka geya suumoyaima geya, go sem kai topoisógana. Tauna komi bogina kooyagoi manakaemi itoboinemi ima sinapu kovatotowone.

2 Tesalonáika 3:9

Kai mama lovina itoboinema bei awoinu goi kovaaitema go, ame nakae geya latuwoma, go sem latuwoma toinima kapaaisewa bego kai imi kaba gita tayamo, e itoboinemi kovatotoowonema.

2 Timoti 4:2

Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi.

Iberiu 10:34

Moitamo. Komi taiyao kovavasa. Tauyadi deri ana tokaiyakoyao konuwokapisiyedi be kovaitedi be nakae tutayana konami tomota sivainaoidi go, tuwo kouyáwana unana bogina koyagoi konami dedevina toina be aiyako vaatayaina yábana goi ikaaiyaka nava bei kobabane.

1 Pita 1:6

Moe pasina tauyáwana gagaina. Go tuta kaakupina ame tuta goi nakona itoboinemi ami mou liliudi pasidi kokaategeda.

1 Pita 1:8

Tauyana geya tayaamo tuta boi kogite go, tuwo komataakoiye. Ame tuta nakae geya kogiteyeta go, mami numisa Tauyana yaina be nakae manuna mami uyáwana gagaina koouyáwana nakae neta ana káeyana tomoeeyalina bogina kosiuko! Imi uyawanayana ivakaigaga, tauna geya itoboinemita bóbwara goi kovateteli nakonakae.

1 Pita 3:13

Moitamo nakae takatumapu. Avatau bei iyogedegedemi neta mami salau guinuwa dedevina koguuinuwe? Geya ae?

3 Iyoni 1:11

Guna kalo, sinapu goyo taabu kuvatootowōne, go sem sinapu dedevina kuvatotowōne. Avatauwa neta guinuwa dedevina siguuinuwe, kidi Yaubada ina bodao. Go avatauwa neta sinapu goyo siguuinuwe, Yaubada geya siyagoiyeta.