1 Tesalonáika 1:5 - Buki Kimaasabaina

⁵ Ami kinavayana kaayagoi unana tutayana ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.

1 Tesalonáika 1:5 ပူးပေါင်းရင်းမြစ်များ

Maki 16:20

E kidi go ina tovatotowanayaoyadi sina asa liliudi goi Vala Dedevina sitalavaite tomota yaidi go, ida Tomoyayana taiyao sipaaisewa. Go Tauyana aba kinana goi idi livala ikamoitamoe tomota yaidi.]

Luke 1:1

Tomoya Tiyopilo, Tomota badabadaidi bogina sipoikíkina bei Yaubada ina guinuwa boi yaida goi simalatomota tetelidi buki goi siginidi.

Guinuwa 11:21

Ago ina togaga ikaaiyaka tauyadi yaidi, tuwo idi livalayana Totuyoyowo badabadaidi sinumise, e Tomoya simeko.

Guinuwa 16:14

Tayamo vavina ikaaiyaka; tauyana yoina Lidiya guma Tuwatira. Lidiyayana areko esaesa ana tokaigimona. Tauyana Totuyoyowo go, Yaubada ana totaimámina tayamo. E tauyana ikaaiyaka Paulo ina livala itaaiyakeke. Atena Tomoya ikatupáeve, tauna latuwona Paulo ina livala inumise.

Guinuwa 2:33

E tauna Yaubada ámasa goi ikaitáoe ikavava, ikailagasi wowoina basekoina kakataina goi itusobu be nakae Baloma Kimaasabaina boi Tamana bogina ikaatotule ibabane. Tauna kaga ame kogitegite be nakae konovenove moe Balomayana kina Yeisu iisiwoi yaima ina guinuwa.

Roma 1:16

Moitamo, guna nuwonúwana bego Vala Dedevinayana atalavaite yaimi. Valayana manuna geya aomaemaeta. Valayana moe Yaubada ina togaga tonumisa liliuda ada yava manuna! Yavayana moe mainao kita manuda namlieta komi Totuyoyowo manumi.

Roma 15:13

E akawanoi Yaubada yaina, Tauyana talootutae, bei iguinuwe nakae idige. Guna kawanoiyana ame nakae: Bego imi numisa pasina uyáwana be tuboina goi ivakayaodeidokoimi be ina togaga goi imi lotutayana ivaituwe.

Roma 2:16

Nakae siguuinuwe ana kadókana takínona ana maliyalina goi tutayana Yaubada bei aanumise italavaite.

1 Korinta 1:24

Kita go nuumisaida, nakona Diyuu o nakona Totuyoyowo, Yaubada bogina iduduweda, e vala tanove, tayagoi moe Yaubada ina togaga be nakae ina nanamsa.

1 Korinta 10:33

Moe yau guna sinapu nakae. Apooikíkina bego kaga liliuna goi tomota liliudi avauyaonedi ame nakae: Toinigu guna dedevina manuna geya, go sem apooikíkina bego tomota badabadaidi adi dedevina manuna apoisógana. Nakae aguuinuwe bego adi yava sibabane.

1 Korinta 3:16

Manakae? Geya koyagoiyeta kita Yaubada ina Vada Kimaasabaina? Nakae Yaubada Balomaina yaida goi ikaaiyaka?

1 Korinta 3:6

Nakae yau tobágula, Apolosi bwae ana tosiwo, go sem kina Yaubada tokikakainaki.

1 Korinta 4:20

Bogina koyagoi. tagite geya bóbwara goi geya, go sem togaga goi tagite.

1 Korinta 9:14

Moe nakae ida Tomoya ilovina. Ina lovinayana bego kai ana totalavaitayao itoboinema Valayana ana talavaita goi ama tabúbula kababane.

2 Korinta 3:6

Tauyana nakae ikitogagema bei kai ina goi. Mosese ina gininayana moe ámasa unana go, Baloma Kimaasabaina moe yawana vau unana.

Galetiya 2:2

E tomota geya silatuwokoiguta ana, go sem atuko ana Yerusalema Yaubada ina kaiwóduwo yaigu pasina. Maeko goi koroto gagaidi madi wowoina aditava yau taiyao katugúguna go, nakonakae yaidi, e alumavivisi korotoyadi yaidi. Latuwogu bego guna paisewa sikamoitamoe, govila bei guna paisewayana boi be nakae tuta simamaima geya keuwoinamo.

Galetiya 5:5

Moitamo. Atukedayana ana guinuwa geya ivaitedeta niga Yaubada ina manuna. Kita go Yaubada Balomaina ina togaga goi ida numisa pasina mada lotuta taatuyáwata bego Yaubada nava bei itakinoida kita kiboobosida ina kanasíuna manuna.

Epeso 2:10

Moitamo. Kita Yaubada ina madágina go, ida spwagógana Guyau Yeisu taiyao pasina iyolimeda guinuwa dedevidi adi guinuwa manudi. Guinuwayadi boi mainao Yaubada igimilovina bego kita ina bodao taguinuwedi.

Epeso 3:20

E kaga neta takawanoiye Yaubada yaina o kaga neta manuna tanuwonúwana, Tauyana mana togaga gagaina toina itoboine mana vaituwo iguinuwe ina togaga ipaaisewa sinaeda pasina.

Pilipai 2:13

Moe itoboinemi. Yaubada mana togaga yaimi ipaaisewa go, ina paisewayana pasina ina nuwonúwana koyale koguinuwe be nakae ami toboine koguuinuwe nakae Tauyana latuwona.

Pilipai 4:9

Kaga bogina avadamanedi yaimi, kaga yaigu goi bogina kokaisakiyedi, kaga bogina alatuwokoimi konovedi, kaga bogina kogitedi aguuinuwedi, e moe dogoiyadi koguuinuwēdi bei Yaubada, Tauyana tuboina unana, yaimi goi ikaaiyaka.

Kolose 2:2

Latuwogu bego kidi be nakae komi atemi sipatu ame nakae: Imi manuna.

1 Tesalonáika 2:13

Aiyuwoina kai kakaauyagu Yaubada yaina goi tuta liliuna unana ame: Bego tutayana Tauyana ina livala boi yaimi goi kataalavaite konove go, kouyaone geya kada tomota ina livala geya, go sem livalayana kokamoitamoe bego moe Yaubada ina livala mooitamoina. Livalayana nakae komi tonumisa yaimi goi bogina ipaaisewa.

2 Tesalonáika 2:14

Moe pasina Yaubada iduduwemi. tomoeeyalina kosiuko.

2 Timoti 2:10

Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana tomoeeyalina vata goi bei sikaaiyaka.

2 Timoti 2:8

Devida tubuna Yeisu yau ataalavaite.

Iberiu 10:22

Tauna ma kateda mooitamoidi be mada numisa toogagaina Yaubada tanōko unana ateda bogina iseulidi be nakae nuwoda ina sabutuko ikimavadedi go, wowoda bwae maavadaina goi inikidi.

Iberiu 6:11

E latuwogu toina bego komi tamo tamo amo sinapuyadi manudi nava kopooisógana ana kadókana tuta aba lukavava goi nakae boi bogina koguuinuwedi, bei Yaubada ina katótula kolotuutaedi kobabanedi.

1 Pita 1:12

Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima latuwodi toina bego siyagoidokoidi.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.

1 Pita 5:3

Geya lovina kasakasaina goi geya, go sem komi aba gita dedevina yaidi goi.

2 Pita 1:10

Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.

2 Pita 1:19

Nakae kagite, tauna Yaubada ina idi livala kakamoitamoedi. Livalayadi rampa nakae neta mamaníwana goi inínima, e itoboine konuwokavatedi be koyagoidi nako vatulúkwana dedevina, nako igoyo. E itoboinemi livalayadi konuwokavatedi ana kadókana Yeisu ikaluvilamna ima nakae tomo ana sipasipa iliyabale atemi goi kubona ituko, e inínima.