1 Tesalonáika 1:1 - Buki Kimaasabaina

¹ Komi ana totugugunayao Tesalonáika goi, Komi tauyami Tamada Yaubada be ida Tomoya Yeisu taiyao bogina kospwagógana, e ame ami leta yau Paulo, Silovano, be Timoti kagini kaetune iwo yaimi. Yaubada ina kanuwóiya be ina tuboina bei ivinimi.

1 Tesalonáika 1:1 ပူးပေါင်းရင်းမြစ်များ

Guinuwa 15:22

Tuwo Yemesa ibóbwara ikavava, e kidi Tomoya ina vamoleyanayao be nakae ana totugugunayao madi tomoyamoyayao liliudi silovina sidigo kadi, ‘Itoboine neta koroto yaida goi takinavedi bei taetunedi Paulo be Banabasi taiyao sina Antiyoki.’ Tuwo koroto adi taiyuwo sikinavedi, korotoyadi yoidi Yudasa, tauyana youyuwoina moe Basabasi, be Sailasi. Korotoyadi tovakumgo Tomoya ina tonumisayao yaidi. Sikinavedi ikavava, Paulo be Banabasi taiyao sietunedi sina Antiyoki.

Guinuwa 15:27

Nakae kalovina, tauna koroto adi taiyuwo bogina kakinavedi kaetunedi siwo; korotoyadi moe Yudasa be Sailasi. Tauyadi bei silatuwokoimi nakae kaga leta ame goi kagini.

Guinuwa 15:40

E kina go Pauloyana itaoya, Sailasi ikinave go, kidi sediyao nuumisaidi Antiyoki goi sikasaledi Tomoya yaina bei ikanuwoiyedi idi paisewa manudi.

Guinuwa 16:19

E vavinayana ana tomoyamoyayao sigite bego idi esaesa unana bogina ikavava, tuwo gamodi igoyo. Tuwo sina Paulo be Sailasi siyoisidi, sibiusalesaledi sinavedi moteo goi bei asa ana tolovinao sigitedi.

Guinuwa 16:25

E bunatoina goi Paulo be Sailasi sikaaiyaka, sikaawanoi be nakae Yaubada ana yapali siveesiyedi go, kidi deri ana tokaiyakoyao sitaiyaakekedi.

Guinuwa 16:29

E tomatakavatayana ina topaisewayao ilatuwokoidi idigo kana, ‘Rampa komēdi bei deri imavada!’ Tuwo moitamo nakae siguinuwe go, kina ilokoina isiu ima Paulo be Sailasi matadi goi mana matoita imalitatátava, e aena ivatugúyala.

Guinuwa 17:11

Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.

Guinuwa 18:5

E tutayana Sailasi be Timoti Mesadoniya parovinsi goi sisou sima Korinta, tauna Paulo itoboine ina paisewa ikalave go, toinina ikasale Yeisu ana talavaita yaina. Tauyana italavaita makimaki Diyuu yaidi idigo kana, ‘Yeisu kina moitamo .’

Guinuwa 19:22

E tuwo Paulo ana tovaitayao adi taiyuwo ietunedi sivakumgo sina Mesadoniya; tovaitayadi moe Timoti be Erasto. Ietunedi go, kina tuta kaakupina tuwaina Esiya ana dadava goi ikaaiyaka.

Guinuwa 20:4

Ego koroto maniyedi Paulo sivaakitau. Adi badabada ainima aiyuwo moe Purosi natuna yoina Sopatero guma Bereya, e Tesalonáika korotoidi adi taiyuwo yoidi Aristako be Sekundo, Gaiyo guma Debi be Timoti, e Esiya korotoidi adi taiyuwo yoidi Tukiko be Taropimo.

Roma 1:7

Leta ame moe komi, tauyami Yaubada imatakooiyemi be nakae iduuduwemi, ina kimasabayao goi ami leta. Yaubada Tamada be ida Tomoya Yeisu idi kanuwóiya be idi tuboina bei sivinimi.

2 Korinta 1:1

Komi Yaubada ana totugugunayao Korinta goi nakae komi Yaubada ina kimasabayao liliumi Akeya parovinsi ana madabokina goi, Yau Paulo Yaubada ina nuwonúwana goi be nakae siyada Timoti ami leta ame kaetune iwo komi yaimi.

2 Korinta 1:19

Bogina koyagoi. Yeisu ina sinapu kasabookuliye. Yaubada Natuna, moe Yeisu , boi yau, Silovano be Timoti taiyao katalavaite yaimi. Moe Tauyana geya ipoleta kana, ‘U, bei aguinuwe’ go, ina nuwonúwana kana, ‘Bei geya aguinuweta.’ Go sem Tauyana goi Yaubada ina katótula sisowóduwo nakae idige.

Galetiya 1:22

E tauyadi ana totugugunayao Yudiya dadavina goi maisigu geya sigiteyeta

Epeso 1:2

Yaubada Tamada be ida Tomoya Yeisu idi kanuwóiya be idi tuboina bei sivinimi.

Pilipai 1:1

Komi da Pilipai Yaubada ina kimasabayao liliumi bogina kospwagógana taiyao, Yau Paulo be Timoti , e ame ami leta kaetune iwo komi liliumi be nakae imi tovakumgoyao be imi tovaitayao yaimi.

Kolose 1:1

Komi Yaubada ina kimasabayao Kolose goi, Yau Paulo be spwagoogonimi Guyau taiyao yaimi. Yaubada Tamada ina kanuwóiya be ina tuboina bei ivinimi.

2 Tesalonáika 1:1

Komi ana totugugunayao Tesalonáika goi, Komi Tamada Yaubada be ida Tomoya Yeisu taiyao bogina kospwagógana, e ame ami leta yau Paulo, Silovano be Timoti kaetune iwo yaimi.

Iberiu 13:23

Latuwogu koyagoi siyada Timoti deri goi bogina sitaligei. Neta mainao ima, taiyao bei kao kavadademi.

1 Pita 5:12

Leta ame giyaina agini go, kina Silovano nimana goi ayato aetune iwo yaimi. Tauyana aayagoi siyami komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!

1 Iyoni 1:3

Kaga bogina kagite be kanove yaimi kataalavaite bego komi nakae kokabivekoveko kai taiyao. Go kai ima kabivekovekoyana moe Tamada be Natuna taiyao.

Yuda 1:1

Komi Yaubada Tamada ina kinavayao bogina imatakoiyemi be nakae iyoisikavatemi ana kadókana ikaluvilamna ikabimi, Yau Yuda, be nakae Yemesa ana gómana toina, ame ami leta agini iwo yaimi.