1 Pita 5:5 - Buki Kimaasabaina

⁵ Komi tubuwau nakae akatuliwolemi kokatetaagonēmi tomoyamoyayadi yaidi goi. Neta konuwaisi idigo kana, ‘E tauyadi nuwaatuedi Yaubada ivakaaleyedi go, kidi toosobudi ikanuwooiyedi.’ Nanamsa 3:34 Tauna madabokimi toosobuna kwamaina nakae kolōsi semiyao yaidi goi.

1 Pita 5:5 ပူးပေါင်းရင်းမြစ်များ

Luke 22:26

E komi geya moe nakae geya, go sem avatauwa yaimi goi bego toolagaidi, tauyadi itoboinedi simalagómana. Nakae avatauwa komi yaimi bego imi tolovinayao, tauyadi itoboinedi komi ami tovaitayao nakae silovina.

Roma 12:10

Semiyao nuumisaidi komatakoiyēdi nakae neta kidi ikaikaimi tayamo. Semiyao kowowoinēdi go, imi wowoinayana goi kokalisavēdi.

Roma 13:14

go sem ida Tomoya kwama nakae talōsi go, sakavaida ana yalagau manudi taabu taatakūtu.

Epeso 5:21

Aitonina imi wowoina Guyau yaina pasina toinimi kokatetagonēmi semiyao yaidi goi.

Pilipai 2:3

Geya tayaamo kaga amitava imi yala manuna o nuwatue goi koguuinūwe, go sem mami nuwootokai konuwonūwana semiyao sitaoyakukuyuimi.

Kolose 3:12

E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.

1 Timoti 5:1

Tomoyamoya taabu kuubowōidi, go sem mam wowoina kubuunuwaina goi kuliwolēdi nakae neta tauyadi tamamowo. Tubuwau nakae; mam wowoina kuliwolēdi nakae neta tauyadi toinim tuwowomowo o am gomanao.

Iberiu 13:17

Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Yemesa 4:6

Go Yaubada ikanuwoiyeda gagaina. Tauna Gínina Kimaasabaina goi italavaita idigo kana, ‘Tauyadi nuwaatuedi Yaubada ivakaaleyedi go, toosobudi ikanuwooiyedi.’ Nanamsa 3:34

1 Pita 3:8

E tauna latuwogu madabokimi nuwomi tayamo, semiyao idi lotówana nakae kolootowōidi, mami matakōi, mami nuwokapīsi, mami nuwotokāi,

1 Pita 4:1

E nakae. Ina nuwonuwanayana bego neta kita poyapoya goi geya ada goyomo go, ida numisa pasina gedageda tababane, e ana kaigigita goyo ana sinapu bogina takalave.

1 Pita 4:5

Nava bei tauyadi kita maa yawoida be tokámasa adi Totakínona matana goi sitaoya idi sinapu sitalaseyanedi.