1 Pita 4:1 - Buki Kimaasabaina

¹ E nakae. Ina nuwonuwanayana bego neta kita poyapoya goi geya ada goyomo go, ida numisa pasina gedageda tababane, e ana kaigigita goyo ana sinapu bogina takalave.

1 Pita 4:1 ပူးပေါင်းရင်းမြစ်များ

Maki 3:3

Tuwo ikandobala korotoyana igite, ilatuwoko idigo kana, ‘Kom nimam kaamasina, tomota nauyayanaidi goi kutāoya!’ Tuwo moitamo tomota nauyayanaidi goi itaoya

Roma 6:11

Kita nakae. Tanuwokavāte ame moitamo: Guyau Yeisu taiyao bogina takámasa, bei goyo ina togaga tatavileiye go, maa yawoida Yaubada umana takaaiyaka ida spwagógana Guyau Yeisu taiyao pasina.

Roma 6:2

Geya, geya toina! Ana kaigigita kita bogina takámasa, e goyo ina togagayana bogina tatavileiye. Tauna manakaeda nava goyo ina togagayana goi takaaiyaka? Geya!

Roma 6:7

Avatauwa neta Guyau taiyao bogina sikámasa, Yaubada ivayokoidi kidi kiboobosidi, e kidi goyoyana ina lovina yaina goi taliigavidi.

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Galetiya 5:24

E kita go Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

Epeso 6:13

Moe pasina tauna Yaubada konana yaviya konanidi madabokidi kokabīdi bego tuta goyogoyoina goi itoboinemi kovadókana. Aiyuwoina tutayana bogina kokatubayasi, kotaoyakavāta.

Pilipai 2:5

Moe nuwonuwanayadi yaimi goi koyoisikavatēdi unana nuwona goi nakae iyoisikavatedi. Tauyana ina sinapu ame nakae:

Iberiu 12:3

Moitamo. Tauyana toogoyoidi idi vakaleya goi itogaga, e manuna konuwolelēu, govila bei sosomi itapiyapiya, e nukotomi itopa.

Iberiu 4:10

Avatauwa kita neta Yaubada ina kaba waiwasi goi tasiu, ida paisewa goi tawaiwasi nakae Yaubada toinina ina paisewa goi bogina iwaiwasi.

1 Pita 2:21

Moe manuna Yaubada iduduweda unana nakae gedageda ilotowo manuda, tuwo aba gita iyato yaida bego kiyaena tavaekuli.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.