1 Pita 3:9 - Buki Kimaasabaina

⁹ tomota idi goyo yaimi taabu goyo goi kokatuumapūdi. O neta tomota sitagiwoimi, taabu tagíwaya goi kokatuumapūdi, go sem . Nakae koguuinuwe unana moe manuna Yaubada iduduweda bego ikaipaakuyeda, e tauna nakae tauyadi takatumapudi.

1 Pita 3:9 ပူးပေါင်းရင်းမြစ်များ

Aba Vatowo 42:25

E Iyosepa ina topaisewayao ilatuwokoidi idigo kana, ‘Ame korotoyadi idi baiki goi adi witi kovadodōidi go, idi mani ma saisailidi kokabīdi, idi baiki goi kododōidi. Ago taabu kolatuuwokōidi. Tuwaina adi kinare kovinīdi adi kenao manuna.’ Tuwo moitamo sina nakae siguinuwe.

Madiu 19:29

Ago avatau neta ina vada o senao o niunao o tamanao o sinanao o natunao o ina kaba lovina ikalavedi yau yoigu pasina, e ana katumapu ivakaigaga toina bei ibabane be nakae yawoina vata bei ibabane.

Madiu 25:34

E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Madiu 5:39

Go ame yau alatuuwokoimi konōve: Lovinayana ana yagoina toina ame nakae: Toogoyoidi taabu kokatuumapūdi, go sem avatauwa neta padipadimi kakataimi sikailavako, e padipadimi kekelimi kotagōne nakae sikailavako.

Madiu 5:44

Go ame yau alatuuwokoimi konōve: Lovinayana ana yagoina toina ame nakae: Imi kaleyayao siyogedeegedemi komatakoiyēdi be nakae manudi kokawanōi

Maki 10:17

Niga Yeisu itaoya bego ina go, koroto tayamo ilokoina ima Yeisu matana goi aena ivatugúyala, idigo kana, ‘Tovatulúkwana, kom todedevim. Ava guinuwa aguuinuwe bei yawoigu vata ababane?’

Luke 10:25

Yaubada ina tayamo itaoya; latuwona Yeisu ina vatulúkwana ivakakone. Tuwo idigo kana, ‘Tovatulúkwana, kaga aguuinuwe bei yawoigu vata ababane?’

Luke 18:18

Niga tayamo tolovina ima Yeisu ilumadade idigo kana, ‘Tovatulúkwana, kom todedevim. Ava guinuwa aguuinuwe bei yawoigu vata ababane?’

Roma 12:14

Avatauwa neta siyogedeegedemi . Kokaipakuyēdi go, taabu kokatuboolatēdi.

Roma 12:17

Avatauwa neta goyo siguuinuwe yaimi, taabu goyo goi kokaatumāpu. Mainao konuwonuwana dōkana kaga dedevina tomota liliudi matadi goi namlieta koguinūwe.

Roma 8:28

E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.

Roma 8:30

E tauyadi igimilovina bei Natuna ana tapata nakae, e nakae iduduwedi sima bei kidi ina bodao. Tauyadi iduuduwedi, e nakae ivayokoidi kidi kiboobosidi. Tauyadi ivaayokoidi kidi kiboobosidi, e nakae ana káeyana tomoeeyalina goi bei ikatuvaisiudi.

Galetiya 3:14

Itateteda bego Yaubada ina kaipakuyana boi ikaatotule Eberamo yaina kidi Totuyoyowo nakae bei sibabane idi Yeisu taiyao pasina. Moe bego Baloma Kimaasabaina boi Yaubada ikaatotule kita ida numisa goi tababane.

Epeso 4:32

E komi sem semiyao tamo tamo koyabobonēdi, konuwokapisiyēdi be nakae konuwotaōidi nakae Yaubada nakae ina guinuwa pasina ida goyo inuwotaoidi.

1 Tesalonáika 5:15

Komatakaavatēmi bego geya vatau tayaamo yaimi ituli ta tomotava idi goyo ikatumapu goyo goi, go sem tuta liliuna kopooikīkina guinuwa dedevidi koguuinuwedi tonumisa yaidi goi nakae ituli ta tomotava liliudi yaidi goi.

Iberiu 12:17

Bogina tayagoi bego niga Isoyana latuwona tamana ina go, tamanayana ikatae. Moe moitamo. Tauyana mana táiya isokikina makimaki bego tamana ikaipakuye go, geya itoboineyeta tamanayana nukotona ibugavile.

Iberiu 6:14

Ina katotulayana idigo kana, ‘Moitamo bei akaipakuyem bei im boda akisailidoko.’ Aba Vatowo 22:17

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.