1 Pita 3:8 - Buki Kimaasabaina

⁸ E tauna latuwogu madabokimi nuwomi tayamo, semiyao idi lotówana nakae kolootowōidi, mami matakōi, mami nuwokapīsi, mami nuwotokāi,

1 Pita 3:8 ပူးပေါင်းရင်းမြစ်များ

Madiu 18:33

Manakae? Itoboine im tosavaiyuwo paakonina kunuwokapisiye nakae boi yau nakae anuwokapisiyem?”

Luke 10:33

E tayamo imamaima go, ikandobala korotoyana igite, tuwo ivalabelabena korotoyana igitedoko. Igite, inuwokapisiye.

Guinuwa 2:1

Tutayana ina tonumisayao liliudi taudiva situgúguna vada tayamo goi sikaaiyaka.

Guinuwa 27:3

E vanuwo itomo kama Saidoni goi kavaiu. Kavaiu, kina Yuliyo Paulo ikubunuwe, tuwo itagone isou ina senao nuumisaidi yaidi bei simatakavate.

Guinuwa 28:7

E ame dadavayana goi aba lovina tayamo ikaaiyaka, moe asa ina tovakumgo yoina Popiliyo ina kaba lovina. Tauyana maliyalina aito goi iuyaonema be nakae imataogeogema.

Guinuwa 4:32

E tonumisayadi liliudi sieboda tayamo nakae nuwodi tayamo. Konadi geya sivagagaleta, nakae geya sidigoita kadi, ‘Ame yau konagu go, kom geya.’ Go sem konadi liliudi sitagonedi sikaiguyauyedi.

Roma 12:10

Semiyao nuumisaidi komatakoiyēdi nakae neta kidi ikaikaimi tayamo. Semiyao kowowoinēdi go, imi wowoinayana goi kokalisavēdi.

Roma 15:5

E Yaubada mesayágana be kipáiwala unadi. Guna kawanoi bego Tauyana ivaitemi be mami nuwovavasa nakae latuwona.

1 Korinta 1:10

E segowo, ida Tomoya Yeisu yoina goi akatuliwolemi bego liliumi konuwonuwana vavasa be nakae yaimi goi tavilei geya, go sem komi nuwomi tayamo goi kospwagōgana.

1 Korinta 12:26

Neta talaida tayamo igeda, e talaidao liliudi taiyao sigeda. Neta talaida tayamo ana kilágata ibabane, e talaidao liliudikova siuyáwana.

Epeso 4:2

Yawoimi ana madabokina goi mami nuwotokai be mami sakululu, imi egamogamogu manukaina go, mami koaaramāitana tomota liliudi yaidi goi.

Epeso 4:31

Vakaleya, alakúyuma, egamogamogu, vabobolagu, tagíwaya be nakae goyo liliudi yaimi goi kokalavēdi.

Epeso 4:32

E komi sem semiyao tamo tamo koyabobonēdi, konuwokapisiyēdi be nakae konuwotaōidi nakae Yaubada nakae ina guinuwa pasina ida goyo inuwotaoidi.

Pilipai 2:3

Geya tayaamo kaga amitava imi yala manuna o nuwatue goi koguuinūwe, go sem mami nuwootokai konuwonūwana semiyao sitaoyakukuyuimi.

Pilipai 3:16

Go dogoi gagaina moe taaketōiya nakonakae Yaubada bogina ikaiwoduwe yaida.

Kolose 3:12

E tuwo komi Yaubada ana kinava bogina ikimasabemi toinina umana be imatakooiyemi, tauna ame sinapuyadi kwama nakae kolosīdi: Nuwokapisi, yabobona, nuwotokai, sakululu be egamogamogu manukaina.

Iberiu 13:1

Semiyao nuumisaidi komatakooiyēdi ame nakae:

Yemesa 2:13

Neta sedao geya tanuwokapisiyedita, e Yaubada nakae ina takínona goi geya inuwokapisiyedeta. Avatauwa neta tonuwokapisi, Yaubada ina takínona geya simatoiteyeta, go sem Yaubada ina nuwokapisi bei sibabane.

Yemesa 3:17

Ago avatau neta ina nanamsa yábana goi ima, e ina sinapu maavadaina, tauyana tuboina nuwonuwona, sakuululuna, taagonaina, nuwokaapisina toina be nakae keuwoina dedevina toina siisowóduwo go, geya kada tomota adi kaigigita goi iwowooinedi geya, e nakae geya ipolapola.

Yemesa 5:11

Gwa! Avatauwa neta mou goi simeesayágana, adi dedevina bogina sibabane. Iyobi aba gita tayamo. Tauyana ina mesayágana tetelina bogina konovenove nakae bogina kooyagoi Yauwe manakaena iguinuwa bego Iyobiyana ina mou ana kaba lukavava goi ana dedevina ibabane. Moeko goi koyagoi Yauwe Tomatakoi toina be Tonuwokapisi.

1 Pita 1:22

Yawoimi bogina kokimasabedi imi kabikáwana Yaubada ana yaina goi bego itoboinemi matakoi mooitamoina goi semiyao nuumisaidi komatakooiyedi. Tauna tuta liliuna atemi maavadaina goi semiyaoyadi komatakooiyēdi

1 Pita 2:17

Tomota liliudi kowowooinēdi. Semiyao nuumisaidi komatakooiyēdi. Mami matoita Yaubada kotaaimamīne. Sisa koowowōine.

1 Pita 5:5

Komi tubuwau nakae akatuliwolemi kokatetaagonēmi tomoyamoyayadi yaidi goi. Neta konuwaisi idigo kana, ‘E tauyadi nuwaatuedi Yaubada ivakaaleyedi go, kidi toosobudi ikanuwooiyedi.’ Nanamsa 3:34 Tauna madabokimi toosobuna kwamaina nakae kolōsi semiyao yaidi goi.

2 Pita 1:7

E yábana sinapuna goi sedao nuumisaidi adi kovaaitūwe. E amo matakoiyana goi tomota liliudi adi matakoi kovaaitūwe.

1 Iyoni 3:14

Tayagoi bego kita ámasa ana dadava bogina takalave go, yawoida vata bogina tababane. Moe taayagoi unana sedao tamatakoiyedi. Go avatauwa neta geya simatakoita, nava ámasa ana dadava goi sikaaiyaka.