1 Pita 3:20 - Buki Kimaasabaina

²⁰ Dimoniyadi boi sikapipilova Nowa ina tuta goi. Amo tutayana goi dedeoga gagaina iyowoyowo go, Yaubada mana mesayágana goi iituyáwata. Ago adi taiyuwomo, o tadigo kada, ‘Tomota adi tainima adi taito’, Yaubada iyavedi bwae goi.

1 Pita 3:20 ပူးပေါင်းရင်းမြစ်များ

Aba Vatowo 6:13

Tuwo Yaubada Nowa ilatuwoko idigo kana, ‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi.

Aba Vatowo 6:3

Tuwo idigo kana, ‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sikámasa.’

Aba Vatowo 6:5

E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.

Aba Vatowo 6:8

E kina go Nowa ituli, Yauwe ikanuwoiye.

Aba Vatowo 7:13

Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao.

Aba Vatowo 8:1

E Yaubada Nowa, woiwoi liliudi be yoguyogu liliudi inuwaisidi kidi dedeoga gagaina goi sikaaiyaka. Tuwo yágira ietune itowo, tauna bwae iyápasa, e isousou.

Aba Vatowo 8:18

Tuwo moitamo Nowa, natunao, monena be nakae natunao monediyao dedeogayana goi sisou.

Madiu 7:14

Yawana vata ana kenao kedavapola nakae totomna giyaiina. Tuwo ana siu be ana ketoiya moumoudi go, kedavapolayana goi yawana vata bei kobabane. Ago totomyana goi taudi adi taiyuwomo bei sisiu.’

Luke 12:32

Komi guna nakae. Geya kobadebadeta go, Tamada bogina ikinavemi bei ina kalibúbuna ivinimi. Tauna taabu koomatōita.

Guinuwa 2:41

Tuwo avatauwa neta Pita ina livala siuyaone, sisayóyova go, amo maliyalinayana goi Yeisu ana tonumisayao bogina ivaituwedi nakae adi badabada aito tausani (3,000) sisiukoidi.

Roma 9:22

E livalakaibalayana ataligei. Nakona Yaubada latuwona ina egamogamogu ivagitakoe be nakae ina liuna goi ina togaga ikaiwoduwe bego tomota siyagoi go, tuwo toogoyoidi bogina ikatubaayasidi adí mtula manuna, e yaidi goi imesayágana gagaina be adi liuna itoto. Neta nakae latuwona, itoboine nakae iguinuwe.

Epeso 5:26

Nakae iguinuwe bego ikimasabeda toinina umana o tadigo kada, ‘Ikimavadeda.’ Ina kimavadayana moe goi ada isiwo nuwesina nakae.

Iberiu 11:7

Boi nimatu Yaubada Nowa igimikatumatali idigo kana, ‘Nava bei dogoi maniyedi aguinuwedi go, guinuwayadi geya tayaamo avatau boi nakae igitedi.’ Nowayana mana wowoina inove, e ina numisa goi dedeoga gagaina iyowo mana bodayauwo adi yava manuna. Ago dedeogayana ana yówana goi da poyapoya itakinoidi kidi toogoyoidi go, Yaubada Nowa ivayoko kina koroto kiboobosina ina numisa pasina.

1 Pita 1:22

Yawoimi bogina kokimasabedi imi kabikáwana Yaubada ana yaina goi bego itoboinemi matakoi mooitamoina goi semiyao nuumisaidi komatakooiyedi. Tauna tuta liliuna atemi maavadaina goi semiyaoyadi komatakooiyēdi

1 Pita 1:9

Imi uyawanayana unana imi numisa keuwoina bei kobabane; keuwoinayana moe ami yava.

1 Pita 2:25

Moitamo, ida dedevinayana itoboine. Komi boi nakae enao dedevina goi koosuláiga, go sem ame tuta bogina kokaluvilamna koma yawoida ana Tomatakavata nakae ana Tolokáyasa yaina goi. Tauna komi paakonimi kokatetaagonēmi imi tomoyamoyayao yaidi goi.

1 Pita 3:19

Baloma ana dadavayana goi ina italavaita dimoni yoowonidi yaidi.

1 Pita 4:19

Tauna avatauwa neta gedageda siibabane nakae Yaubada ina nuwonúwana, e nakae idi guinuwa dedevidi goi yawoidi sikaasalēdi ada tomadágina yaina goi.

2 Pita 2:5

Boi nimatu nakae, Yaubada da poyapoya geya inuwokapisiyedita, go sem mluwa ietune ina tauyadi Yaubada sikaaolilive imtulidi go, boda ana badabada ainima aito iyavedi. Ainima aito yaidi tayamo moe Nowa Yaubada nuwona ana kibóbwata ana totalavaita.

2 Pita 3:15

Konuwokavāte ida Tomoya ina mesayágana moe ada yava. Moe nakae ida kalo Paulo mana nanamsa ami leta goi igini. Ina nanamsayana moe Yaubada goi ima.