1 Pita 3:17 - Buki Kimaasabaina

¹⁷ Neta guinuwa dedevidi taguuinuwedi go, seki nakona Yaubada ina nuwonúwana bego guinuwayadi pasidi tomota nimadi goi gedageda tababane, e tuwo nava taguuinuwēdi. Moe dedevina. Go igoyo neta guinuwa goyogoyoidi taguuinuwedi. Neta goyo taguuinuwedi, ada gedagedayana taababane itoboine.

1 Pita 3:17 ပူးပေါင်းရင်းမြစ်များ

Madiu 26:39

Ibóbwara ikavava, ivayavakova ikanakabobo go, ikawanoi Yaubada yaina kana, ‘Tamagu, manakae? Itoboine bego gedageda keigaina ame geya ababaneyeta? Go yau geya guna nuwonúwana geya, go sem kom im nuwonúwana kuguinūwe.’

Madiu 26:42

Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’

Guinuwa 18:21

go sem ivaduduwedi idigo kana, ‘Neta Yaubada ina nuwonúwana nakae, e aiyuwoina bei akaluvilamna ama.’ Ibóbwara ikavava, ikaluvilamna ina oga isowoya, Epeso goi ikailova ilokoina ina Sesariya.

Guinuwa 21:14

E kai geya itoboinemeta tauyana katamyabi bego geya inoita Yerusalema, tauna ima tamyábina kayato go, kadigo kama, ‘Bei ida Tomoya ina nuwonúwana isowóduwo.’

1 Pita 1:6

Moe pasina tauyáwana gagaina. Go tuta kaakupina ame tuta goi nakona itoboinemi ami mou liliudi pasidi kokaategeda.

1 Pita 2:15

Yaubada ina nuwonúwana bego imi guinuwa dedevidi goi itoboinemi totamogemoge yaaluwoidi sopadi kokaupatudi. Tauna kokatetaagonēmi ami tolovinayadi yaidi goi.

1 Pita 2:20

Kaga ana dedevina neta tagoyo, e siyogedegededa go, gedagedayana goi tamesayágana? Geya! Go sem neta kita ida guinuwa dedevidi go, tuwo siyogedegededa go, gedagedayana goi tamesayágana, e moe Yaubada bei iuyaone.

1 Pita 3:14

Go sem neta moitamo yogedegedemi unana komi nuwona ana tokibobwatayao, e tuwo ami dedevina bogina kobabane. Aiseya ina bóbwara koguinūwe; tauyana idigo kana, ‘E kaga simaatoite, taabu komatooitēdi; nakae taabu kokaateyōva.’ Aiseya 8:12

1 Pita 4:15

Ame moitamo. Neta aumata, vaináwana, goyo o kibodaboda koguuinuwedi, e ami gedageda koobabane moe itoboine. Go amo sinapuyadi komi geya itoboinemita, tauna geya tayaamo yaimi goi kuguuinuwēdi.

1 Pita 4:19

Tauna avatauwa neta gedageda siibabane nakae Yaubada ina nuwonúwana, e nakae idi guinuwa dedevidi goi yawoidi sikaasalēdi ada tomadágina yaina goi.