1 Pita 2:25 - Buki Kimaasabaina

²⁵ Moitamo, ida dedevinayana itoboine. Komi boi nakae enao dedevina goi koosuláiga, go sem ame tuta bogina kokaluvilamna koma yawoida ana Tomatakavata nakae ana Tolokáyasa yaina goi. Tauna komi paakonimi kokatetaagonēmi imi tomoyamoyayao yaidi goi.

1 Pita 2:25 ပူးပေါင်းရင်းမြစ်များ

Madiu 18:12

Manakaemi konuwonúwana? Neta koroto tayamo mana adi badabada tayamo andedi (100) go, tayamo itagau, bei kaga iguinuwe? Ina sipi naintinain (99) deedevidi koya goi bei ikalavedi sikaaiyaka go, ina ina sipi taagáuna ilusale ae?

Madiu 9:36

Ego boda iigitedi, geya adi tovaitamo sinuwokubukubu; tauyadi geya adi tomatakavatamo nakae, tauna inuwokapisiyedi.

Guinuwa 20:28

Boi Yaubada bogina toinina ikaikaina goi tomota ikabidi ana totugugunayao. Ago Baloma Kimaasabaina bogina ivayokoimi tomatakavatayao Yaubada ana totugugunayaoyadi yaidi, e bei komatakavatedi. Tauna komi toinimi komatakavatēmi be nakae tonumisayadi nakae komatakavatēdi.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 3:1

E tauna segowo kimaasabaimi Yaubada umana be nakae yábana goi mami duduwo yau nakae, Toolagaina takamooitamoe.

Iberiu 5:2

Moe unana tauyadi itoboinedi idi guinuwa goi sikubunuwa tomota sulaaigidi nakae tamogemogedi yaidi unana Tonuwalayadi madi neneta tomota liliudi nakae.

1 Pita 3:20

Dimoniyadi boi sikapipilova Nowa ina tuta goi. Amo tutayana goi dedeoga gagaina iyowoyowo go, Yaubada mana mesayágana goi iituyáwata. Ago adi taiyuwomo, o tadigo kada, ‘Tomota adi tainima adi taito’, Yaubada iyavedi bwae goi.

1 Pita 5:4

Neta nakae, tutayana Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.