1 Pita 2:11 - Buki Kimaasabaina

¹¹ Guna kaloyao, komi togala be toeogaoga poyapoya ame goi, e akatuliwolemi sakava ana yalagau sivayaaviyemi kovakiilisīdi.

1 Pita 2:11 ပူးပေါင်းရင်းမြစ်များ

Aba Vatowo 21:34

E Eberamoyana tuta maanawena da Palisiti idi kasa goi isuvadavada.

Aba Vatowo 23:4

‘Yau ogaoga yaimi goi akaaiyaka go, geya guna poyapoyamo, tauna geya itoboineguta bei guna tomata avaliwoge. Tuwo akawanoi yaimi bego agimone bei tomatayana avaliwoge.’

Aba Vatowo 47:9

‘Poyapoya ame goi atuliyaliya tala ana badabada tayamo andedi teti (130). Guna talayadi geya sibadebadeta go, talayadi goi mou badabadaidi ababanedi. Yau guna tala geya tubugowo nakae geya. Kidi adi tala maanawedi’, Yakobo kaena.

Luke 21:34

E korugwausīmi, govila bei nukotomi siwówana uyawana owáowana pasina o nim ginagina pasina o imi kaiyaka pasina konuwokubukubu, e guna maliyalinayana ivatoopa yaimi goi

Guinuwa 15:20

go sem adi leta tagīni taetūne ina kidi tasanabodedi ame nakae: Awoinu kaasalaidi yaubada polapola yaidi taabu sikakāika. Aiyuwoina masisi goyogoyoina taabu siguuinūwe. Aitonina yoguyogu ma ikaikaidi taabu sikakāika. Aivasina ikaika taabu sinimnīm. Ame sinapuyadi itoboinedi sitotoidi.

Guinuwa 15:29

Awoinu kaasalaidi yaubada polapola yaidi taabu kokakāika. Aiyuwoina ikaika taabu konimnīm. Aitonina yoguyogu iwoina ma ikaikaina taabu kokakāika. Aivasina moe masisi goyogoyoina taabu koguuinūwe. Neta sinapu ame nakae kototoidi, e komi imi guinuwa bei dedevina. Ame tauna ima nuwonúwana.’

Roma 12:1

Tauna segowo, Yaubada ina nuwokapisi pasina akatuliwolemi wowomi maa yawoidi kokaasalēdi Yaubadayana yaina. Moe imi vininabeso kimaasabaina nakae Tauyana umana be moe aba uyáwana yaina. Moe nakae kita tomota ma nuukotoda itoboineda Tauyana yaina tasaakululu.

Roma 7:23

Go Atukedayana ina paisewa ituli talaigu goi agite ipaaisewa. Ame Atukedayana ivaayaviya Atukeda nuwogu goi taiyao. Atukedayana ina paisewa talaigu goi pasina yau deri ana tokaiyaka nakae, e goyo talaigu goi ikaaiyaka Atukedayana ietako toinina manuna bei iyowóigu.

Roma 8:13

Neta sakava ina lovinayana goi taaketoiya, moitamo bei takámasa. Go neta Baloma Kimaasabaina ina togaga goi wowoda idi guinuwa goyogoyoidi takaumatedi, e yawoida vau bei tababane.

2 Korinta 5:20

Tauna kai kina Guyau ana katumapuyao, e sopama goi Yaubada ina kawanoi itaalavaite. Tauna kai Guyau manuna kakawanoi makimaki tomota yaidi kama, ‘Kotagōna Yaubada ikabivekovekomneimi.’

2 Korinta 6:1

E Tauyana taiyao kaapaisewa, tauna nakae kakawanoi makimaki ina kanuwóiya kouyaōne go, anuwoiyayana kotagōne yawoimi goi ikeuwoe.

2 Korinta 7:1

Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.

Galetiya 5:24

E kita go Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

Epeso 2:19

Tauna geya tuwaina komi ogaoga o ituli ta boda nakae geya, go sem komi koetonikasa kai Yaubada ina kimasabayao taiyao be nakae kai toinina ina bodayauwo bogina kosiukoima.

Epeso 4:1

Tauna, guna ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:

2 Timoti 2:22

E tubuwau idi yalagau kusiiyaēdi go, kibóbwata, numisa, be tuboina kusokikiinakōidi tomota maa katedi maavadaidi ida Tomoya yaina sisaakululu taiyao.

Iberiu 11:13

Ame tauyadi madabokidi madi numisa sikaaiyaka ana kadókana sikamasa kówasa go, Yaubada ina katotulayadi keuwoidi geya sibabanedita, go sem aduwanau goi nakae sigitedimo be siuyaonedi, tuwo sikamoitamo bego poyapoya ame goi kidi ogaoga be togala.

Iberiu 6:9

E guna kaloyao, guna katumátala moumoudi goi alatuuwokoimi go, ayagoidokoimi enao dedevina bei koketoiya. Moe aba kinana ami yava bogina kobabane.

Yemesa 4:1

Kaga unana vabobolagu be aumakimaki siisowóduwo yaimi? Unana ame: Toinimi imi vikaiya sivaayaviya imi nuwonúwana dedevina taiyao ae?

1 Pita 1:1

Komi Yaubada ina kinavayao bogina kosapa kona Pontosi goi, Galetiya goi, Kapadosiya goi, Esiya goi be Bituniya goi kogala ogaoga nakae, Komi ami kinavayana nakae Yaubada Tamada boi bogina igimilovina. Ami kinavayana ame nakae: kokabikaone be nakae Tauyana ikaikaina goi iseulimi. Yau tayamo ami leta ame agini iwo. Yaubada ina kanuwóiya be ina tuboina bei ivaituwedi yaimi goi.

1 Pita 1:17

Yaubada kita tomota tamo tamo ida guinuwa goi itakinovaavaseda. Ame Yaubadayana kovaatamane, tauna komi ogaoga imi tuta ameko poyapoya goi nakae mami matoita wowooinina Tauyana yaina kooketōiya.

1 Pita 4:12

Guna kaloyao, ami vakakona gagaidi bogina kobaabanedi. Manudi taabu nukotomi siwowōwana kami, ‘Iyaa, kaga unana vakakonayadi siisowóduwo yaima?’

1 Pita 4:2

Moeko goi bei ida tuta madabokina poyapoya ame goi takaaiyaka geya tuwaina da poyapoya idi yalagau tasokiikinēdi geya, go sem Yaubada ina nuwonúwana tasookikīne.

2 Pita 3:1

Guna kaloyao, ame guna leta aiyuwoina bogina agini iwo. Leta aiyuwokova yaidi guna vílina goi nuwomi awooinidi bei konuwonuwana dókana.