1 Pita 1:25 - Buki Kimaasabaina

²⁵ ina livala, moe ikaiyako vata.’ Aiseya 40:6-8 E ame livalayana moe Vala Dedevina bogina konove.

1 Pita 1:25 ပူးပေါင်းရင်းမြစ်များ

Madiu 5:18

U ame pasina ama go, ame alatuuwokoimi konōve: Yaubada ina Katukedayana goi geya tayaamo kaga giyaina bei itagau ana kadókana yábana be poyapoya sitagau be nakae ana kadókana kaga liliuna Atukedayana goi simalatomota dókana.

Luke 16:17

E yábana be poyapoya idi sáwala ikakapu go, Yaubada ina Katukeda goi geya tayaamo kaga giyaina bei itagau.

Iyoni 1:1

Aba vatowo goi Livala bogina ikaaiyaka. Livalayana moe . Ikaaiyaka Yaubada taiyao go, Tauyana Yaubada.

Iyoni 1:14

Livalayana imalasakava, e yaima goi ikaaiyaka. Tauyana yaina goi Yaubada ina togaga ana sivakayaodei.

1 Korinta 2:2

Moitamo. Boi bogina alovina dogoi tayamo toito yaimi goi bei atalavaiteyamo. Dogoiyana moe be nakae ana tupatúkwana kerose goi adi yagoina. E moe atalavaitedi.

Epeso 2:17

Guyauyana ida kaba tuboina go, aiyuwoina Tauyana ima tuboina italavaite komi boi masigava goi yaimi be nakae kai kikina goi yaima.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

Taito 1:3

E toinina ina tuta kaikaila goi yawana vatayana valena ikaiwoduwe kai ina vamoleyanayao yaima goi. Ago valayana ana talavaita inumisegu atalavaite go, guna talavaitayana moe ada Toyava Yaubada ina lovina goi aguinuwe.

1 Pita 1:12

Tauyadi yaidi Yaubada ikaiwoduwe bego livala sitalavaaitedi geya toinidi adi dedevina manuna geya, go sem komi ami dedevina manuna. E Yaubada Balomaina Kimaasabaina bogina ietune ima latuwodi toina bego siyagoidokoidi.

1 Pita 1:23

unana bogina kobibinamna go, geya kada sakava bibinina goi geya. Moe bei ikámasa, tauna moe nakae geya, go sem dogoi geya ikamaseta goi. Dogoiyana moe Yaubada ina livala maa yawoina be aiyako vaatayaina goi.

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

2 Pita 1:19

Nakae kagite, tauna Yaubada ina idi livala kakamoitamoedi. Livalayadi rampa nakae neta mamaníwana goi inínima, e itoboine konuwokavatedi be koyagoidi nako vatulúkwana dedevina, nako igoyo. E itoboinemi livalayadi konuwokavatedi ana kadókana Yeisu ikaluvilamna ima nakae tomo ana sipasipa iliyabale atemi goi kubona ituko, e inínima.

1 Iyoni 1:1

Tauyana aba vatowo goi go, ima ame tuta ikaaiyaka bogina kanove be kagite. Toinima matama toina goi kagite be nakae nimama goi kabisikone. Tauyana moe , Yaubada ina Livala yawoida vata manuna.

1 Iyoni 1:3

Kaga bogina kagite be kanove yaimi kataalavaite bego komi nakae kokabivekoveko kai taiyao. Go kai ima kabivekovekoyana moe Tamada be Natuna taiyao.

Nuwogau 14:6

Amo ikavava, go, aiyako vaatayaina imememe italavaite da poyapoya liliudi yaidi. Tauyadi moe kantri liliudi, dala liliudi, aníyana liliudi be nakae boda liliudi yaidi goi.