1 Pita 1:20 - Buki Kimaasabaina

²⁰ Yeisuyana kina Yaubada igimikinave namlieta poyapoya ame imadagi go, ame tuta, tuta ana kaba lukavava goi, bogina isowóduwo kita ada dedevina manuna.

1 Pita 1:20 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 25:34

E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Guinuwa 2:23

Ame Yeisuyana ana tonuwotulu iwo inuwotuluye komi nimami goi go, moe Yaubada ina nuwonúwana boi bogina igimilosinapu be igimilovina. E inuwotuluye ikavava, komi imi lovina goi Tauyana sinave kidi Yaubada ina Katukeda ana tokapipilovayao nimadi goi siyato. Tuwo siyoisi, kerose goi situpatuko, e sikaumate.

Roma 3:25

Yeisuyana Yaubada ikasale, e ikaikaina goi be nakae ina kabikáwana aba numisa goi kita ada kaba núwala. Nakae Yaubada iguinuwe bego ina kibóbwata ina kanasíuna manuna ikaiwoduwe unana ida goyo boi mainao bogina taguuinuwedi mana mesayágana ituuyouyoidi.

Roma 8:29

Nuwonuwanayana ame nakae: Tauyadi boi mainao igimiyagoidi, e nakae igimilovina bei tauyadi Natuna ana tapata nakae, e bei Tauyana totubukumgo kita senao badabadaida yaida goi.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

Epeso 1:10

Ina nuwonúwana ame nakae: Tutayana ina upa boi iyatoyato bogina isowóduwo, dogoi liliuna yábana goi be poyapoya ame goi ikabidi, yaina goi ilamgogomneidi, e madi spwagógana Guyau taiyao sieboda tayamo go, Tauyana dabadi.

Epeso 1:4

Yabobonayadi unana ame: Boi nimatu nava poyapoya geya imadagiyeta, ilovina bego kita spwagoogonida Guyau taiyao bei kimaasabaida Tauyana umana be nakae geya ada pikwanamo Tauyana matana goi.

Epeso 3:11

Moe nakae ina nuwonúwana boi nimatu bogina igimilovina go, nuwonuwanayana ida Tomoya Guyau Yeisu goi iguinuwe.

Epeso 3:9

be nakae nukotodi akimavadedi bei siyagoi Yaubada, Tauyana kaga liliuna ana tomadágina, manakaena ina nuwogau boi iivamou go, ame bogina ikaiwoduwe.

Kolose 1:26

Valayana moe Yaubada ina nuwogau boi nimatu vamoounina tubumao yaidi goi go, ame tuta bogina ikaiwoduwe kita ina kimasabayao yaida.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

Iberiu 1:2

Ame tuta ana kaba lukavava Natuna goi ivadigoida. Natunayana ikinave bei kaga liliuna moe Tauyana ina kaba lovina. Nimana goi kaga liliuna imadagidi.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Iberiu 9:26

Neta Guyau amo Tonúwala Tolagaidiyadi nakae, itoboine tuta tuta gedageda ilotowo poyapoya ana madágina kunu goi go, ima ame tuta goi. Go moe nakae geya isowoduwoita, go sem bogina sivatayamo tauna tuta ana kaba lukavava goi isowóduwo ina toinina ikasale ámasa goi goyo ana táuwa manuna.

1 Iyoni 1:2

Livalayana Yaubada ikaiwoduwe, e matama goi bogina kagite, kakamooitamoe be nakae yaimi kataalavaite bego Tauyana yawoida vata unana. Mainao Tamana taiyao sikaaiyaka go, bogina ikaiwoduwe yaima.

1 Iyoni 3:5

Tayagoi isowóduwo bego goyo ikabi, inave go, Tauyana geya ina goyomo geya.

1 Iyoni 3:8

Go avatauwa neta sinapu goyo siguuinuwe, tauyadi ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.

Nuwogau 13:8

Da poyapoya liliudi bei woiwoiyana yaina sisaakululu. Amo da poyapoyayadi yoidi Yaubada ina madágina kunu goi go, ima ame tuta goi yawana vata bukina sinaena geya iginidita. Amo bukiyana moe ina buki. Lamiyana boi nimatu sikaaumate.