1 Pita 1:10 - Buki Kimaasabaina

¹⁰ Moe yavayana manuna Yaubada ina boi ami kanuwóiya sigimitaalavaite silumadadana dókana be nakae sinuwonúwana gagaina.

1 Pita 1:10 ပူးပေါင်းရင်းမြစ်များ

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Madiu 13:17

U, moe nakae ami dedevina bogina kobabane go, ame alatuuwokoimi konōve: Boi nimatu Yaubada ina latuwodi bego sigite kaga koogitegu aguuinuwe go, geya sigitedita. Latuwodi bego sinove kaga kaga koonovedi avatulúkwana go, geya sinovedita.

Madiu 26:24

Tomalatomota bogina inonoina nakae boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’

Luke 10:24

Moitamo. Ame alatuuwokoimi konōve: Boi nimatu Yaubada ina badabadaidi be nakae tolovina badabadaidi latuwodi bego sigite kaga koogitegu aguuinuwe go, geya sigitedita. Latuwodi bego sinove kaga kaga koonovedi avatulúkwana go, geya sinovedita.’

Luke 24:44

E ilatuwokoidi idigo kana, ‘Ame yau guna livala boi nava yaimi goi akaaiyaka alatuwokoimi kagu, “Kaga liliuna goi be tokabivalavala idi buki goi be Same goi siiginidi yau manugu itoboine simalatomota.”’

Iyoni 5:39

Komi kokatuyaividokoidi unana konuwonúwana Gininayadi goi bei koyagoi manakaemi yawoimi vata kobabane. Go amo Gininayadi sitalavaaitegu!

Iyoni 7:52

Kidi tolovina be Parisi sidigo kadi, ‘Nakona kom nakae guma Galili ae? Gínina Kimaasabaina kugitedōko, bei kugite geya kada tayaamo Yaubada ina tokabivalavala Galili goi itaoya geya!’ [

Guinuwa 10:43

Ame Tauyana boi nimatu Yaubada ina liliudi sikamoitamoe bego Tauyana yoina goi avatauwa neta sinumise, e adi goyo adi nuwotao bei sibabane.’

Guinuwa 17:11

Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.

Guinuwa 28:23

E tuwo idi upa siyato. Niga maliyalinayana ima, e Diyuuyadi badabadaidi sima Paulo ana vada goi ivatulukoidi. Nobuyana giyaina ina lavilavi goi .

Guinuwa 7:52

Yaubada ina tokabivalavalayao ietunedi sina tubumiyao yaidi go, manakae? Adi taivina sivakaleyedi? Madabokidi ae? Aiyuwoina boi tokabivalavalayadi sitalavaita bego kina bei ima go, nakae tubumiyao sitaoya sikaumatedi. Ame tuta Tokibobwatayana ana tonuwotuluyao be nakae ana tokaumatayao moe tauna komi!

Iberiu 11:13

Ame tauyadi madabokidi madi numisa sikaaiyaka ana kadókana sikamasa kówasa go, Yaubada ina katotulayadi keuwoidi geya sibabanedita, go sem aduwanau goi nakae sigitedimo be siuyaonedi, tuwo sikamoitamo bego poyapoya ame goi kidi ogaoga be togala.

Iberiu 11:40

Unana Yaubada inuwonúwana kita manuda, e enao dedevina toina bogina ikatubayasi bego kidi kita taiyao itoboineda Yaubada ina katotulayana keuwoina tababane.

1 Pita 1:11

Tokabivalavalayadi atedi goi boi Balomaina ikaaiyaka igimitalavaita yaidi Guyauyana manakaena ina gedageda bei ilotowoidi go, namlieta Yaubada ina togaga ana káeyana ivagitakoedi Tauyana yaina. Ago tokabivalavalayadi silumadádana, latuwodi bego siyagoi ava tuta dogoiyadi bei sisowóduwo o ava kaba kinana goi itoboinedi siyagoi dogoiyadi bei sisowóduwo.

1 Pita 1:13

Tauna nuwomi kokatubaayasīdi nakae neta paisewa manuna kopaiwa be toinimi kokabikuunuīmi. Ikavava, Yaubada ina kanuwóiya kolotutaedōko. Anuwoiyayana Yeisu ina sowóduwo goi bei kobabane.