1 Korinta 8:9 - Buki Kimaasabaina

⁹ E ami dodōkana, govila bei imi tagona awoinu ana káika goi pasina tonumisa neenetaidi kovakapusiyedi.

1 Korinta 8:9 ပူးပေါင်းရင်းမြစ်များ

Madiu 18:10

Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Roma 15:1

E kita totogaga mada tasíkwana kidi geya idi togagamo idi neneta goi tavaitedi go, adetava geya tavauyaonedeta.

1 Korinta 10:24

Taabu tomota toinina ana dedevina manuna ipooisōgana, go sem siyana ana dedevina manuna ipoisōgana.

1 Korinta 10:28

Go neta tomota tayamo ilatuwokoimi kana, ‘Ame sikasale yaubada polapola yaidi goi’, e tauyana pasina be nakae nanayuwo pasina taabu kokakāika.

1 Korinta 10:29

Ego geya kada komi imi nanayuwo pasina geya, go sem tauyana ina nanayuwo pasina. Go nakona tomota tayamo bei inuwonúwana kana, ‘Yau magu tagona awoinu liliudi akanidi, tauna kaga unana tomota idi nanayuwo pasina go, yau guna guinuwa sitakino igoyo?

1 Korinta 10:32

Avatauwa neta geya sinumiseta, nakona o nakona Totuyoyowo, e taabu kokaaigoyāidi bei numisa odi ikai. Aiyuwoina Yaubada ana totugugunayao taabu kovakapuusiyēdi.

1 Korinta 8:10

Moitamo. Komi mami nanamsa bego yaubada polapola geya yawoidimo. Neta yaubada polapola ina vada tapwaroro goi kokakáika go, siyada neenetaina ikaaiyaka iigitemi, e imi káika pasina nuwona kokobale bei awoinu kaasalaina ikáika go, nenetainayana nukotona isabutuko bego moe goyo.

1 Korinta 8:12

E moeko goi sedao nuumisaidi yaidi kogoyo go, tauyadi nuwodi neenetaidi, tauna kokaigoyaidi, e moeko goi Guyau nakae yaina kogoyo.

1 Korinta 9:22

Tutayana toneneta yaidi goi akaaiyaka, guna sinapu nakae neta yau aneneta bego itoboinegu atamyabidi sinumisa. Tomota madabokidi apanaitedi bego guna sinapu liliudi goi nakona maniyedi adi yava sibabane.

2 Korinta 11:21

U, oma go imayamaya beso; katalavaitema moitamo kai kaneneta unana geya itoboinemeta amo tauyadi idi sinapu nakae kaguinuwe yaimi ae? E kaga goi tauyadi madi katepatu siuyawana gagágasa, yau nakae magu katepatu bei auyawana gagágasa. O yaaluwoina nakae abobóbwara!

2 Korinta 11:29

Avatau neta ineneta, ina nenetayana yau nakae alotowo. Avatau neta siyana ivakapusiye goyo goi, tovakapusiyana manuna yau gamogu igoyo toina.

2 Korinta 6:3

Geya kada tayaamo aba kapusi tomota idi numisa goi kayato geya, govila bei tomota itoboinedi ima paisewayana sitagiwoi.

Galetiya 5:13

Guna nuwonúwana tuwaina ataligei, segowo. Yaubada bogina iduduwemi komi ina bodao be nakae ina Katukeda ina lovina goi italigeimi. Ago ami taligavayana taabu kooetāko sakava sinapuna manuna, go sem imi matakoi goi semiyao kovaitēdi.

Kolose 2:8

Ami dodōkana, govila bei tomota idi nanamsa polapola geya basabasaidimo goi nukotomi sikobaledi. Amo nanamsayadi tomota goi sima be nakae yábana osasaina ana tolovinao goi sima go, moe geya ina nuwonúwana geya.

1 Pita 2:16

Go imi katetagonayana goi komi ma taliigavimi imi kokatetaagonēmi tolovinayadi yaidi goi.

2 Pita 2:19

Tovatulukwanayadi sikatótula kadi, ‘Kosabokuliyēma bei kaga latuwomi, itoboinemi koguinuwe.’ Ago tovatulukwanayadi toinidi idi goyo iyowomneidi be iloviinaedi, tuwo adí mtula bei sibabane. Moitamo tauyadi . Kaga neta itogageesaveda bei iipakoida.

Nuwogau 2:14

Go geya kada imi sinapu madabokina dedevina geya, go sem maniyemi imi sinapu akataedi. Maniyemi Balam ina vatulúkwana koyoisiikavate. Tauyana boi Balaki ivatuluko manakaena bei adi síkwana iyato, e bei ikatubaudi bego awoinu kaasalaidi yaubada polapola yaidi sikáika be nakae simasisi goyogoyo.