1 Korinta 5:8 - Buki Kimaasabaina

⁸ Tauna aikayana mada uyáwana taguinūwe go, geya kada isti bogo goi nakae goyo istina goi geya, go sem goi aikayana takāika. Berediyana moe sinapu maavadaina nakae mooitamoina.

1 Korinta 5:8 ပူးပေါင်းရင်းမြစ်များ

Tateta 12:15

Maliyalina ana badabada ainima aiyuwo goi mana isti ikakáika amo maliyalina ainima aiyuwo goi, e tauyana komi Isileli tubunao yaimi goi kolivisīye.

Tateta 12:19

Maliyalinayadi ainima aiyuwo goi isti taabu ikaaiyāka imi vada sinaedi. Avatau neta beredi mana isti ikáika, e tauyana komi Isileli tubunao liliumi yaimi goi kolivisīye. Nakae koguinūwe neta tauyana ogaoga yaimi o neta ibíbina yaimi.

Tateta 12:8

Ikavava, lami iwoidi kogabūdi, e amo sabamgoyana goi kokāika go, be pai tamatamaina taiyao kogōbe.

Tateta 13:6

Sinapuyana ame nakae: Maliyalina ana badabada ainima aiyuwo goi takakāika go, maliyalina ainima aiyuwoina goi uyáwana aikanina taodūgu Yauwe yaina.

Tateta 13:7

Beredi geya ana istimo maliyalina ainima aiyuwo goi takakāika. Taabu beredi mana isti yaida goi ikaaiyāka, e nakae ida kaba lovina goi isti geya.

Madiu 16:12

Amoko goi bogina kayagoi geya beredi toina manuna Yeisu idigodigo geya, go sem latuwona Parisi be Sadusi idi vatulúkwana kavakilisidi.

Madiu 16:6

E kina go Yeisuyana idigo kana, ‘Ami dodōkana kidi Parisi be Sadusi idi goi.’

Maki 8:15

Go Yeisu livalakaibala goi ikatumatalidi idigo kana, ‘Ami dodōkana kidi goi.’

Luke 12:1

Tuta amo goi boda gagaina toina nakona aivina tausani bogina sitaligógana, tauna sivatuvagivagígina. Go yaidi idigo kana, ‘Ami dodōkana kidi goi. Istiyana moe idi pola. Tauyadi sinuwonúwana idi numisa polapola itoboinedi sivamou.

Iyoni 1:47

Tuwo moitamo sina go, Yeisu ikandobala Nataniela igite imamaima, tuwo tauyana manuna kana, ‘Gwa! Tayamo Isileli tubuna moitamo! Tauyana goi pola geya!’

1 Korinta 3:3

Moitamo. Komi nava sakava sinapuna ina tomotao. Yaimi goi vakipikipi be aumakimaki sikaaiyaka. Moe sakava sinapuna ina tomotao idi guinuwa nakae ae? Nakae komi tomota kaka nakae kooketoiya ae?

1 Korinta 5:1

Vala anove woi masisi goyogoyoina yaimi goi ikaaiyaka ame nakae: Koroto tamana monena imasisiye go, goyo amo moe goyo gagaina toina. Kidi geya sinumiseta amo goyoyana geya siguinuweyeta!

1 Korinta 5:6

Goyoyana yaimi manuna kouyawana gagágasa go, imi gagasayana geya itoboineyeta. Komi manakae! Geya koyagoiyeta bego giyaina go, isiu ina parawa madabokiina goi isagayako?

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

2 Korinta 2:17

Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.

2 Korinta 8:8

Geya kada Yaubada ina lovina avinimi geya, go sem ituli ta tomotava idi poisógana idi vininabeso manudi alatuwokoimi gobe adovatusimi neta komi nakae imi matakoi moitamo gea geya.

Epeso 6:24

Yaubada ina kanuwóiya komi madabokimi ida Tomoya Yeisu Guyau komatakoiyevatae yaimi. Yau Paulo

1 Pita 4:2

Moeko goi bei ida tuta madabokina poyapoya ame goi takaaiyaka geya tuwaina da poyapoya idi yalagau tasokiikinēdi geya, go sem Yaubada ina nuwonúwana tasookikīne.