1 Korinta 4:9 - Buki Kimaasabaina

⁹ Yau anuwonúwana nakona Yaubada kai be tomota siipotema, kai nakae aba vaponuponu.

1 Korinta 4:9 ပူးပေါင်းရင်းမြစ်များ

Guinuwa 19:29

Aiyuwoina boda nuwodi siwówana sivamgemge owáowana go, madabokidi sitaoya nuwodi tayamo goi sina Paulo ina tovakitaunayao da Mesadoniya yoidi Gaiyo be Aristako siyoisidi sibiusalesaledi sinavedi idi kaba tugúguna goi.

Guinuwa 19:31

E kidi go Esiya ina tolovinao nakae. Tauyadi Paulo senao, tauna livala sietune ina Paulo yaina sikawanoi makimaki kadi, ‘Idi kaba tugugunayana goi taabu kusiusīu.’

Roma 8:36

Moe nakae Devida Yaubada ilatuwoko goi idigo kana, ‘Kom manum maliyalina tamo tamo ámasa matama goi. Tomota idi sinapu kai yaima goi moe nakae kai nakae bego sikaumatema.’ Same 44:22

1 Korinta 15:19

Neta ida lotuta Guyau yaina moe tauna ame tuta ma yawoida manuna go, geya tayaamo kaga nava bei tababane, e itoboine bei tomota liliudi sigiteda kita aba nuwokapisi gagaina.

2 Korinta 11:23

Manakae? Kidi bego ina tovaitayao? Yau ina tovaita moitamo toina. (Ame guna bóbwara goi nakona dabagu bogina igoyo!) Go akalisavedi ame nakae: Guna poisógana Guyau manuna atogagasavedi. Deri goi akaaiyaka tuta badabadaina go, kidi geya. Agu láuwo sivavina ababanedi, geya ayagoiyeta. Tuta badabadaina giyakainava bei akámasa go, kidi geya.

2 Korinta 6:9

Nakona geya yoimamo tomota maniyedi yaidi go, maniyedi yaidi kai maa yoima. Nakona ámasa ivakaosima go, konove, nava maa yawoima. Nakona dábina kababane go, geya kakamaseta.

1 Tesalonáika 3:3

e bei geya vatau tayaamo yaimi goi mana kateyova mouyadi pasidi, e ina numisa ikalave geya. Moitamo. Komi bogina kooyagoi moe Yaubada ina nuwonúwana bego mou tavaloobodedi.

Iberiu 1:14

Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?

Iberiu 10:33

Moe gedagedayadi ame nakae: Tuta maniyena tomota matadi goi sigieomaemaemi, nakae sitagiwoimi be siyogedegedemi go, tuta maniyena semiyao nakae sigieomaemaedi; adi gedagedayadi goi komi taiyao kovavasa.

Iberiu 11:36

E maniyedi aiwoteta be dábina silotowoidi. E tuwaina maniyedi seni goi nimadi siyowóidi be nakae deri goi sivaisiudi.