1 Korinta 4:6 - Buki Kimaasabaina

⁶ E segowo, dogoiyadi alivalakaaibaledi moe Apolosi be yau aadigema ami dedevina manuna bego kai imi kaba gita goi bei koyagoi livala ame ana yagoina kaga: ana vatulúkwana taabu komaatatāo, govila bei mami nuwatue imi tovakumgoyao maniyedi kokilagasidi go, maniyedi bego geya.

1 Korinta 4:6 ပူးပေါင်းရင်းမြစ်များ

Guinuwa 18:24

E tayamo Diyuu yoina Apolosi, tauyana Alekisandira korotoina go, tauyana tobóbwara tayamo, ana bóbwara maavadaina. itoboine mana togaga italigeidokoidi. E tauyana ima Epeso goi.

Guinuwa 19:1

E tutayana Apolosi Korinta goi ikaaiyaka, Paulo Galetiya ana dadava goi be nakae Parugiya ana dadava goi bogina ivanibiníbita, e isou iiwo ina Epeso goi maniyedi ibabanedi.

Roma 12:3

Guna nuwonúwana ataligei. Yaubada ina kanuwóiya boi iivinigu, tauna liliumi alatuwokoimi taabu toinimi kokilaagasīmi imi kaiguyau manudi, go sem ma nuukotomi konuwonuwana dōkana manudi ame nakae: Aiguyauyadi Yaubada ivinimi nakae imi numisa ana kakainaki goi.

1 Korinta 1:12

E ame adigedige: Bego komi maniyemi kodigo kami, ‘Kai Paulo ina boda.’ Go maniyemi kami, ‘Go kai Apolosi ina boda.’ Go maniyemi kami, ‘Go kai ina boda.’ Go maniyemi kami, ‘Go kai ina boda.’

1 Korinta 1:19

Guna livalayana ikamoitamoe. Gininayana goi Yaubada ina togaga bogina idige kana, ‘Da poyapoya adi tonanamsayao idi nanamsa bei abugoyaidi. Moe tauyadi dabadi kaakapudi adi kabitam bei akigawuwulidi.’ Aiseya 29:14

1 Korinta 1:31

Moe bego kita ida guinuwa nakae Gínina Kimaasabaina idige kana, ‘Avatau neta iuyawana gagágasa, anetava manuna iuyawana gagāgasa.’ Yeremaya 9:24

1 Korinta 13:4

Tomatakoi araamaitaina, tauyana kubuunuwaina. Geya ivakiipikipi; geya igagágasa; geya inuuwatue;

1 Korinta 3:19

Guna nuwonúwana ataligei. Da poyapoya adi nanamsayana moe geya basabasainamo Yaubada matana goi. nakae italavaite kana, ‘Tomota maniyedi sinuwonúwana madi nanamsa go, manudi Yaubada ina síkwana ilave, e toinidi idi nuwosinapu goi isikoidi.’ Yobi 5:13

1 Korinta 3:21

Tauna, tomota manudi taabu kouyawana gagāgasa kami, ‘Kai Paulo ina boda.’ O kami, ‘Kai Apolosi ina boda.’ Kaga liliuna nakae kai moe komi ami dedevina manuna.

1 Korinta 5:2

Goyoyana manuna konuuwatue go, manakae? Itoboine nuwomi imou? U nakae. Nuwomouyana pasina itoboine korotoyana kolivisiye!

1 Korinta 5:6

Goyoyana yaimi manuna kouyawana gagágasa go, imi gagasayana geya itoboineyeta. Komi manakae! Geya koyagoiyeta bego giyaina go, isiu ina parawa madabokiina goi isagayako?

1 Korinta 8:1

E imi lumadádana awoinu kaasalaina yaubada polapola yaidi ana káika manuna bei akatumapu. Komi kami, ‘Madabokidakova mada nanamsa awoinu kaasalaina yaubada polapola yaidi manuna.’ Moe bogina taayagoi. Amo nanamsayana pasina tomota sinuwatue go, kidi sediyao idi numisa sikitogage.

1 Korinta 9:23

E kaga liliuna aguuinuwe, moe Vala Dedevina ana sanúnuwo manuna aguinuwe bego agu kawoi goi Vala Dedevina ana talavaita asiuko.

2 Korinta 10:12

Moe moitamo. Manakae? Bego ima kaleyayao maniyedi sitaoyakukuima? Go bego kai geya ama katepatumo be kanuwonúwana bego ima kaleyayao taiyao kavavasa? Geya, go sem kidi toinidi sikaodedevinedi be nakae toinidi sikatutukoidi go, toinidi idi bágala geya siyagoiyeta.

2 Korinta 10:15

Ituli ta boda idi poisógana ta kaba lovina goi manuna geya kagagaseta. Ego tutayana imi numisa ibibíbina, kalotuta bego itoboinema imi vaita goi ima paisewa kakidedede gagaina nakae ama lovina ana tagona,

2 Korinta 10:7

Komi tomota toluyedi kaka kogitegite! Avatau neta inumisa bego moitamo tauyana ana katumapu, itoboine toinina inuwonúwana ame manuna: Bego kai nakae Guyau ana katumapuyao.

2 Korinta 11:4

Maniyedi tomota bogina siwo ituli ta livala mooitamoina bogina kouyaone nakae geya. Komi manakae! Moe dogoiyadi pola go, komi komesayágana ae?

2 Korinta 12:19

Manakae? Konuwonúwana bego ima leta ame madabokina goi komi ima towowókana imi livala kataasigidi? Moe geya. Yaubada matana goi kai pasina kabobóbwara. Guna kaloyao, ima livalayadi madabokidi bego komi kakitogagemi.

2 Korinta 12:20

Bogina koyagoi. Amatoita bego ao, nakona imi sinapu agitebabanedi geya nakae latuwogu. Komi nakae guna sinapu sápina bei kogitebabane geya nakae latuwomi. Guna matoitayana bego imi sinapuyadi yaimi goi nakona kokaumakimaki, kovakipikipi, koegamogamogu, amitava imi yala manudi kopoisógana, kokaogoyo, kolivalakipakipatu, konuwatue be nakae kovakaleya.

2 Korinta 12:6

Nakona latuwogu toinigu manugu auyawana gagágasa go, neta nakae, geya kada yau akayomana geya, unana moe bei yaaluwoigu. Neta yau auyawana gagágasa, moe abobóbwara moitamo. Nuwogau adi kaiwoduwoyadi kaausaraidi toidi agitedi go, tuwo gágasa dogoiyadi manudi bei avakilisi, govila guna kalayausayadi pasidi yau kokilagasigu, go sem latuwogu guna sinapu kogite bei guna livala konovedi, e koyagoi yau magu lovina. Tauna Yaubada mou tayamo ivinigu, govila bei ina nuwogau adi kaiwóduwo pasidi anuwatue. Mouyana ana geda awoinu gitaina nakae neta sakavaigu iginubasi. Gitayana Kaleya ina toguinuwa nakae ima gitayana iepaisewe bego iyogedegedegu, govila bei anuwatue.

2 Korinta 4:15

Bogina koyagoi. Gedagedayadi liliudi moe komi manumi bego Yaubada ina kanuwóiya ibibíbina tomota badabadaidi yaidi; anuwoiyayana bei tomota idi kauyagu ivaituwe. Moe Yaubada ana taimámina manuna.

Kolose 2:18

Taabu tomota sitaakinōimi bego komi ami vaiwowana geya kobabaneyeta unana geya kosakululuta kidi nakae. Tauyadi madi nuwotokai polapola goi siigitedi sivateteliivataedi go, idi kalayausayadi manudi toinidi sikilaagasidi. Ago idi gagasayana geya basabasainamo unana gagasayana toinidi nuwodi neenetaidi goi ima.

1 Tesalonáika 1:5

Ami kinavayana kaayagoi unana tutayana ikamoitamoedoko yaima goi. Moe bogina kooyagoi unana kai boi kakaaiyaka yaimi goi, e ima guinuwa madabokina bogina kogite moe ami dedevina manuna.

2 Timoti 2:10

Moe pasina mouyadi liliudi yaidi goi amesayágana Yaubada ina kinavayao manudi bego kidi nakae adi yava sibabane. Adi yavayana moe idi spwagógana Guyau Yeisu taiyao pasina Yaubada ana tomoeeyalina vata goi bei sikaaiyaka.