1 Korinta 4:5 - Buki Kimaasabaina

⁵ Tauna geya vatau tayaamo kootakīno. Ame tuta geya Tomoya ina tuta toina geya. Ina tuta toinayana moe bei ima toinina itakínona. Kaga liliuna vamoounidi mamaníwana goi sikaaiyaka bei itapasigidi. Nakae tomota idi nuwogau bei ikaiwoduwedi. Moe tutayana Yaubada tomota tamo tamo idi paisewa manudi bei iyapaliyedi. Tauna ame tuta taabu kootakīnona.

1 Korinta 4:5 ပူးပေါင်းရင်းမြစ်များ

Madiu 10:26

Tauna tomotayadi taabu komatooitēdi. Moitamo. Kaga vamoounina, nava Yaubada bei ikaiwoduwe, e tomota liliudi sigite. Kaga tomota sikamomouye, nava bei Yaubada italavaite, e tomota liliudi sinove.

Madiu 24:30

Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana bei ivagitaakoedi.

Madiu 24:46

Niga bei ikaluvilamna ima go, neta amo pakoninayana ibabane iguuinuwe nakae boi bogina ilatuwoko, e ana dedevina bei ibabane.

Madiu 25:21

Ina tomoyayana idigo kana, “Dedevina! Kom guna pákwana dedevim be nakae . Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 25:23

Ina tomoyayana idigo kana, “Dedevina! Kom guna pákwana dedevim be nakae aba numisa. Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Luke 6:37

Yeisu tuwaina kana, ‘Taabu semiyao kovaayokōidi kidi toogoyoidi, e Yaubada nakae bei geya ivayokoimita komi toogoyoimi. Nakae taabu semiyao kotaakinōidi itoboinedi liuna sibabane, e Yaubada nakae, bei geya ilovineta komi toogoyoimi bei iliunemi. Tomota idi goyo konuwotaōidi, e komi imi goyo Yaubada bei inuwotaoidi.

Iyoni 21:22

Go Yeisu kana, ‘Neta latuwogu tauyana ikaaiyaka ana kadókana akaluvila ama, moe geya tayaamo kaga yaim. Kom to kusabokuliyeeyamōigu.’

Iyoni 21:23

E tauna moe livalayana inúnuwo ina Yeisu ina bodao yaidi bego yau bei geya akamaseta. Go Yeisu moe nakae geya ibobwareta bego yau geya akamaseta, go sem Tauyana kana, ‘Neta latuwogu tauyana ikaaiyaka ana kadókana akaluvilamna ama, moe geya tayaamo kaga yaim.’

Iyoni 5:44

Neta toinimi ami taimámina koyale go, Yaubada kaakesaina ina taimámina geya kotokumeyeta, e bei manakaemi itoboinemi konumisegu? Geya!

Roma 14:4

Avatau goi tauyadi ? Komi? Geya! Tauna komi avatauwa bego kotakinoidi kidi toogoyoidi? Takínona moe kidi paakonidi toinidi idi Tomoya ina kaba lovina neta matana goi sitaoya o sisou. Ago tauyadi bei sitaoya. Moitamo. Ida Tomoya itoboine ikitogagedi sivadókana.

Roma 2:1

Yaubada ina egamogamogu bei moitamo isowóduwo toogoyoidi yaidi. Tauna tomota, komi tamo tamo neta semiyao kotakinoidi liuna manuna kami, ‘Itoboine tauyadi Yaubada ina liuna sibabane’, e geya itoboinemita imi goyo manudi kovakibala. Moe moitamo. Imi takinonayana moe nakae toinimi kotakinoimi liuna manuna. Bogina koyagoi. Komi totakinonayami imi guinuwa igoyo tauyadi nakae!

Roma 2:16

Nakae siguuinuwe ana kadókana takínona ana maliyalina goi tutayana Yaubada bei aanumise italavaite.

Roma 2:29

Go sem avatauwa neta nuwodi goi siguinuwa nakae Yaubada latuwona, ame tauyadi itoboineda takinanedi Diyuu mooitamoidi. Nakae sakava ana kúpwana mooitamoina moe Yaubada Balomaina ina guinuwa atedi goi go, geya kada Atukedayana ina guinuwa goi geya. Tauyadi adi yapali siibabane geya tomota goi geya, go sem Yaubada goi sibabane.

Roma 2:7

Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.

1 Korinta 1:7

Tauna komi Yaubada ina yabobona goi bogina yoiyami; tuta ame goi mami yala ida Tomoya Yeisu Guyau ina sowóduwo kotuuyaosi.

1 Korinta 11:16

Nakona tomota maniyedi nava latuwodi bego amo manuna sikaumakimaki go, moe tauna kai ima sinapu be nakae Yaubada ana totugugunayao liliudi idi sinapu.

1 Korinta 11:26

Bogina koyagoi. Tuta tamo tamo beredi ame takakáika be keiga goi tanimnim, moe nakae ida Tomoya ina kámasa tatalavaite ana kadókana ikaluvilamna ima.

1 Korinta 15:23

E kita tamo tamo mada tuta taoyamna manuna. Guyau ivakumgo namlieta kita ina bodao ina tuta aluvila goi tataoyamna.

1 Korinta 3:13

e kita tamo tamo ida paisewa adi dedevina bei tayagoidi. Moitamo. Tomoya ina Maliyalina goi bei ima ida paisewa ikaiwoduwedi go, nakona dedevidi, nakona goyogoyoidi. Unana ida paisewayadi yeu bei igabukonedi, e itoboineda paisewayadi tamo tamo takinanedi nakonakae.

1 Korinta 3:14

Neta ida paisewayadi nava dedevidi dako yatana sikaaiyaka, e ada vaiwówana bei tababane.

1 Korinta 3:8

E yau tobágula be Apolosi bwae ana tosiwo nuwoma tayamo. E nakonakae kai tamo tamo ima poisógana adi kakainaki, ama taiyuwokova ama vaiwówana bei kababanedi.

2 Korinta 10:18

Moitamo. Avatauwa neta toinidi sikamoitamoedi, amo tauyadi kina ida Tomoya geya iuyaonedita, go sem avatauwa neta ida Tomoyayana ikamoitamoedi, moe tauyadi iuyaonedi.

2 Korinta 10:9

Geya latuwogu bego komi konuwonúwana yau apoikíkina guna leta goi akatumatoisimi.

2 Korinta 4:2

Go sem guinuwagau be guinuwa aba omayamaya kakataedi. Nakae pola o Yaubada ina livala ana sobala geya, go sem tomota matadi goi kabóbwara moitamo, e bei tomota liliumi matami goi kakamoitamoema bei koyagoima Yaubada matana goi ima guinuwa dedevina.

2 Korinta 5:10

Itoboineda tavauyaone unana madabokida ina kaba takínona goi bei tataoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.

1 Tesalonáika 5:2

Moitamo. Komi bogina koyagoidoko bego Tomoya ina Maliyalina bei ima tovaináwana nakae neta sabamgo goi ivatoopa.

Iberiu 4:13

Yaubada matana goi geya kada tayaamo kaga vamoounina geya, go sem kaga liliudi sowooduidi be geya adi tabodamo. E Tauyana yaina goi ida guinuwa bei tatalaseyanedi. Tauna tapoisōgana aba waiwasiyana tasiu.

Yemesa 4:11

Taabu semiyao kokaogooyoēdi, segowo. Avatauwa komi neta semiyao kokaogooyoedi o kotaakinoidi tauyadi bego toogoyoidi, e moe nakae ina lovina matakoi manuna bogina kokaogoyoe be nakae kotakino bego lovinayana goyogoyoina. Neta komi imi guinuwa nakae, e Yeisu ina lovinayana geya koguinuweyeta geya, go sem komi bego koetotakínona.

Yemesa 5:7

Tauna segowo, imi vakakona goi koaaramāitana ana kadókana ida Tomoya ikaluvilamna. Tobágula kogīte. Ina vévana ibagulidi ikavava, bonau ituuyaosi. Mana mesayágana daúmwara ana tuta goi be nakae kótala ana tuta goi kúwana ituuyaosi. Iituyáwata ana kadókana poyapoya goi ina dibayoya ibabane, dibayoyayana moe sowona.

Yemesa 5:9

Imi mou goi taabu semiyao kokuuluīdi, segowo, govila bei takínona ana tuta goi liuna kobabane. Konovēgu! Totakinonayana bogina iyookabúbuna, totom goi iitaoya.

1 Pita 1:7

Moe mouyadi itoboinedi bego imi numisa ana kamoitamo bei isowóduwo. tomoeeyalina bei tasiuko be nakae iwowoineda gagaina.

1 Pita 5:4

Neta nakae, tutayana Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.

2 Pita 3:12

tutayana Tauyana ina Maliyalina ina sowóduwo taayamwasi be nakae tavatuuwowone. Amo Maliyalinayana pasina yábana yeu sabeninimina goi bei itusaoli be nakae dogoi yábana osasaina yeu sabeninimina goi ivakasewoidi.

2 Pita 3:4

Madi kaiwoteta bei sidigo kadi, ‘Boi Tauyana ina sowóduwo Yaubada ikaatotule go, Tauyana nako? Geya ae? Boi nimatu tubudao gagaidi idi kámasa ana tuta go, ima ame tuta kaga liliuna adi kaigigita tauna nakae sikaaiyaka nakae boi tutayana madágina ana tuta go, ima.’

Yuda 1:14

Boi nimatu amo tokapipilovayadi manudi Enoki itaalavaita. Enokiyana tubuna moe Adama. Ago Adama ina isou ina Enoki ina nunu moe nunu ana badabada ainima tayamo. E ina talavaitayana goi idigo kana, ‘Gwa! Yauwe imamaima ina aneroseyao kimaasabaidi badabadaidi taiyao

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!

Nuwogau 20:12

Sisáwala ikavava, tokámasa liliudi agitedi, nakona maa yoidi o youtagau, Yaubada kebana esaesainayana matana goi siitaoya. Amo tauyadi négwasa goi sikámasa be nakae tokámasa idi dadava poyapoya goi sima. Siitaoya go, anerose buki sikatupaevedi. Amo bukiyadi sinaedi tomota idi guinuwa liliudi, dedevidi be goyogoyoidi, sikaaiyaka. Ago ituli ta buki nakae sikatupáeve, bukiyana moe yawana vata bukina, sinaena goi avatauwa neta yawoidi vata bei sibabane, e yoidi sikaaiyaka. E tokamasayadi liliudi sima kébana matana goi siitaoya go, Yaubada bukiyadi igitedi, kaga nakae boi idi guinuwa, e amo guinuwayadi goi tamo tamo itakinoidi.