1 Korinta 3:8 - Buki Kimaasabaina

⁸ E yau tobágula be Apolosi bwae ana tosiwo nuwoma tayamo. E nakonakae kai tamo tamo ima poisógana adi kakainaki, ama taiyuwokova ama vaiwówana bei kababanedi.

1 Korinta 3:8 ပူးပေါင်းရင်းမြစ်များ

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Luke 19:19

E tomoyayana idigo kana, “Kom nakae asa ainima yaidi goi bei kuetolovīna.”

Roma 2:6

Kita tamo tamo bei ikatumapuda nakae ida guinuwa goi ame nakae:

1 Korinta 15:58

E tauna segowo guna kaloyao, tatogāga be tataoyakavāta. Nakae tuta liliuna ida Tomoya ina paisewa tapooisogāne unana tayagoi ida paisewa ida Tomoya umana geya dogoi besobeso geya.

1 Korinta 3:14

Neta ida paisewayadi nava dedevidi dako yatana sikaaiyaka, e ada vaiwówana bei tababane.

1 Korinta 3:7

Tauna yau tobágula be kina Apolosi bwae ana tosiwo giyaiima, go sem Tauyana gagaina moe Yaubada tokikakainaki.

1 Korinta 3:9

Moe moitamo. Apolosiyana guna tosavaiyuwo ama taiyuwokova Yaubada ina go, komi ina tánuwo be nakae ina vada.

1 Korinta 4:15

Nakona komi imi manuna boi bogina konove, e Guyau Yeisu taiyao bogina kospwagógana. Moeko goi avanatunemi. Tauna yau agutava tamami.

1 Korinta 9:7

Manakae? Ava tovayaviya bei ivayaviya go, toinina iemaisi ina paisewa manuna? Geya! O ava tobágula imatakaavatedi go, sipiyadi nunudi geya inimnim? Geya!

Galetiya 6:4

E komi tamo tamo toinimi imi guinuwa kodovatusidokōidi bei imi sinapu koyagoidi, nako dedevina, nako goyogoyoina. Neta imi guinuwa dedevidi, e guinuwayadi pasidi komi aedidimi kosamolai go, taabu aedidimi kosaamolāi unana konuwonúwana bego imi guinuwa dedevidi namlieta siyami ina guinuwa.

Galetiya 6:5

Moitamo. Kita tamo tamo itoboineda toinida ida paisewa takavale, moe ida polava.

Iberiu 6:10

Ame moitamo. Yaubada Totakinona vavasa, tauna imi paisewa be nakae imi Tauyana yaina goi geya inuwoilavedita. Matakoiyana bogina kovagitakoe tutayana Yaubada ina kimasabayao boi kovaaitedi be nakae ame tuta nava kovaaitedi.

1 Pita 5:4

Neta nakae, tutayana Tomatakavata Toolagaina isowóduwo ima, bei imapumi be ami vaiwówana vaatayaina ivinimi. Ami vaiwowanayana moe ami dabayogigi esaaesaina aba taimámina nakae tovavalákuna sivinidi.

2 Iyoni 1:8

Topolayadi goi ami dodōkana, govila bei kaga nakae bogina tapooisogane itagau. Moeko goi imi poisoganayana ana vaiwówana madabokina geya itagauta, go sem vaiwowanayana bei kobabane.

Nuwogau 2:23

Vavinayana natunao bei akaumatedi go, Tomoya ana totugugunayao madabokidi bei siyagoigu bego yau tomota liliudi nuwodi be atedi ayaagoidi. Go madabokimi nakonakae imi guinuwa, nakona dedevidi o nakona goyogoyoidi, nakae bei akatumapumi.

Nuwogau 22:12

Yeisu idigo kana, ‘Konovēgu! Giyakainava bei ao ami katumapu avedi akaiguyauyedi yaimi nakae imi guinuwa adi kakainaki.