1 Korinta 3:7 - Buki Kimaasabaina

⁷ Tauna yau tobágula be kina Apolosi bwae ana tosiwo giyaiima, go sem Tauyana gagaina moe Yaubada tokikakainaki.

1 Korinta 3:7 ပူးပေါင်းရင်းမြစ်များ

Iyoni 15:5

Yau oine buyalina. Komi laonigowo. Avatauwa komi neta yaigu goi kokaaiyaka be yaimi goi akaaiyaka, komi bei kokéuwo gagaina. Neta yau geya, geya tayaamo kaga itoboinemi koguinuwe.

1 Korinta 13:2

Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.

1 Korinta 3:6

Nakae yau tobágula, Apolosi bwae ana tosiwo, go sem kina Yaubada tokikakainaki.

1 Korinta 3:8

E yau tobágula be Apolosi bwae ana tosiwo nuwoma tayamo. E nakonakae kai tamo tamo ima poisógana adi kakainaki, ama taiyuwokova ama vaiwówana bei kababanedi.

2 Korinta 12:11

Guna gagasayana goi bogina ayaluwo! Go moe komi koloetuetunema kaguinuwe. U, moe moitamo. Boi itoboine yau kokamoitamoegu, go geya koguinuweyeta! Bogina koyagoi. Nakona yau toosobugu go, tuwo amo tauyadi bego toogagaidi geya tayaamo kaga goi sitaoyakukuigu geya!

2 Korinta 12:9

go, ilatuwokoigu idigo kana, ‘Moe tuwo. Guna kanuwóiya goi bogina yoiyam. Kom im neneta goi guna togaga avagitakoedoko.’ Tauna dogoi liliudi manudi geya agagaseta, go sem guna nenetayadi manudi magu uyáwana bei auyawana gagágasa bego tomota siyagoi ina togaga ikaaiyaka yaigu.

Galetiya 6:3

Moitamo. Avatau neta geya latuwona bego tomota ivaitedi, go sem ina nuwonúwana goi kana, ‘Yau toolagaigu’ go, geya, e tauyana toinina ikaatubau.