1 Korinta 14:3 - Buki Kimaasabaina

³ E kina go ibóbwara tomota yaidi. Ina livalayana goi ikitogagedi be ikipaiwoledi be nakae ivauyaonedi.

1 Korinta 14:3 ပူးပေါင်းရင်းမြစ်များ

Luke 3:18

E tuwo liwola badabadaidi goi tomota yaidi itaalavaite.

Guinuwa 13:15

E aba tugugunayana ana tolovinayao sitaoya, goi be tokabivalavala idi buki goi sikatuyaividi. Ikavava, livala sietune ina Paulo be Banabasi yaidi sidigo kadi, ‘Semao, neta livala kipaaiwolina latuwomi tomota kolatuwokoidi, e dedevina; kotaoya tomota yaidi goi kobóbwara.’

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Guinuwa 15:32

E kidi go Yudasa be Sailasi adi taiyuwo nakae Yaubada ina tokabivalavalayao. Tauna tauyadi idi livala maanawena goi tonumisayao atedi sivapatupatudi be nakae sikitogagedi.

Guinuwa 4:36

E Livai tubuna tayamo guma Saipiro yoina Iyosepa go, vamoleyanayao siduduwe Banabasi. Moe ana kaigavila kada, ‘Tokipáiwala.’

Guinuwa 9:31

Tauna Tomoya ana totugugunayao madabokidi Yudiya dadavina, Galili dadavina be nakae dadavina goi tuboina sibabane. Idi numisa ina togaga Baloma Kimaasabaina goi ibibíbina go, madi matoita Tomoya siiwowoine. Baloma Kimaasabaina ikipaiwoledi, tauna idi boda tuwaina ivaituwedi.

Roma 12:8

Neta ida kaiguyau moe kipáiwala, e takipāiwala. Neta ida kaiguyau moe nimalovalova, tanimalovalōva. Neta kita tovakumgo, mada poisógana taavakūmgo. Neta ida kaiguyau moe nuwokapisi, mada uyáwana tanuwokapīsi.

Roma 14:19

Tauna tapoikīkina bei ida guinuwa goi tuboina isowóduwo be nakae sedao takitogagedi.

Roma 15:2

Kita tamo tamo sedao adi dedevina manuna tavauyaonēdi be takitogagēdi.

1 Korinta 10:23

Komi kodigo kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi geya basabasaidimo kita yaida.’ Komi kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi ida numisa geya sikitogagedita.’

1 Korinta 14:12

Komi nakae. Komi bogina kosalau Baloma Kimaasabaina ina togaga manudi, tauna kosalāu Baloma Kimasabainayana ina kaiguyau Yaubada ana totugugunayao adi kitogaga manudi bei aiguyauyadi goi itoboinemi kokitogagedokoidi.

1 Korinta 14:17

Bogina koyagoi. Nakona kita takauyagu dókana go, sedao kidi geya takitogagedita.

1 Korinta 14:26

Tauna segowo, manakaeda? Tutayana koma kotugúguna Yaubada ana sakululu manuna, nakona tomota tayamo Baloma Kimaasabaina ina kaiguyau goi Same ikalalagasi, nakona tayamo ivatulúkwana, nakona tayamo Yaubada ina nuwonúwana italavaite, nakona tayamo yábana niyanina goi ibóbwara, nakona tayamo niyaniyana ikaigavile go, aiguyauyadi liliudi goi semiyao kokitogagēdi.

1 Korinta 14:31

Moitamo. Itoboine kotugau go, tayamo tayamo Yaubada ina nuwonúwana ikabivalevale tomota liliumi yaimi goi bego kovatulukoimi be atemi kovapatupatudi.

1 Korinta 8:1

E imi lumadádana awoinu kaasalaina yaubada polapola yaidi ana káika manuna bei akatumapu. Komi kami, ‘Madabokidakova mada nanamsa awoinu kaasalaina yaubada polapola yaidi manuna.’ Moe bogina taayagoi. Amo nanamsayana pasina tomota sinuwatue go, kidi sediyao idi numisa sikitogage.

2 Korinta 1:4

Ima mou liliudi goi ikipaiwolema e itoboinema ituli ta tokaiyakomou adi mou liliudi goi kakipaiwoledi Yaubada ina kipáiwala goi nakae boi kai bogina ikipaiwolema.

2 Korinta 2:7

Tauna ame tuta ina goyo konuwotāo be kokipaiwōle, govila bei ina nuwomou ivakaigagasave.

Epeso 4:29

Bóbwara moumoudi taabu koovatōidi, go sem ava bóbwara tomota adi kitogaga manuna moe kovatōidi bego totaiyakeka adi dedevina sibabane.

Epeso 6:22

Tauyana aetune iwo ame manuna: Bego kaga kaga siisowóduwo yaima koyagoi be nakae atemi ikipaiwoledi.

Kolose 4:8

Tauyana aetune iwo ame manuna: Bego kaga kaga siisowóduwo yaima koyagoidi be nakae itoboine atemi ikipaiwoledi.

1 Tesalonáika 2:11

Komi bogina kooyagoi kai ima sinapu komi tamo tamo yaimi nakae koroto tamo toinina natunao yaidi.

1 Tesalonáika 2:3

Ame moitamo. Boi ima katuliwola goi geya kada kavasulaigimi o mama nuwogau goyogoyoidi o kaapolemi geya,

1 Tesalonáika 3:2

go, Timoti kavamoleye iwo unana tauyana siyada nakae ama tosavaiyuwo Yaubada ina paisewa Valena Dedevina manuna. Tauna kavamoleye iwo bego ikitogagemi be imi numisa goi atemi ivapatupatudi,

1 Tesalonáika 4:1

E tuwaina ima nuwonúwana maniyedi sikaaiyaka. Segowo, boi kavatulukoimi manakaemi itoboinemi kooketoiya be nakae Yaubada kovaauyaone, e nakae bogina koguuinuwe. Go ame kakawanoi yaimi be nakae ima taiyao pasina kakatuliwolemi tuwaina nakae koguinuwevilevīle.

1 Tesalonáika 4:18

Tauna moe livalayadi goi semiyao atedi kovapatuupatūdi.

2 Tesalonáika 3:12

Avatauwa yaimi neta imi sinapu nakae, e ida Tomoya Yeisu yoina goi kalovinaemi be nakae kakatuliwolemi mami tuwowonuwa kopaaisēwa toinimi avami manuna.

1 Timoti 1:4

Kulovinaēdi taabu sikaasalēdi vatuta be tubudao adi liliu badabadaaidi yaidi goi. Dogoiyadi moe aumakimaki besobeso sivaaituwedi go, Yaubada ina paisewa moe numisa goi, e geya sivaituweyeta.

1 Timoti 4:13

Imi tugúguna goi mam salau kukaasalēm ana katuyáiva goi, tomota adi liwola goi be nakae adi vatulúkwana goi ana kadókana awokoim.

2 Timoti 4:2

Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi.

Taito 1:9

Tauyadi Yeisu valena aba numisa boi kai Yeisu ina vamoleyanayao kavatuulukoidi siyoisikavāte bego itoboinedi tonumisa siliwoledi ima vatulukwana dókana sisabokuliye go, vatulukwanayana adi tovakaleyayao sikamamaetalidi.

Taito 2:15

E mam lovina moe dogoiyadi tomota kulatuwokōidi be kuliwolēdi siguinuwedi go, neta dogoiyadi sikataedi, kukamamaetalidi. Go taabu tomota sikapipiilavēm!

Taito 2:6

Kidi go tubuwau matuwo nakae. Kukatuliiwolēdi idi bóbwara be idi guinuwa liliudi goi idi sinapu sikabikunuidi. Kom go im guinuwa dedevidi goi kuvagiitakōim kom tomota adi kaba kinana. Tutayana kuvaatulúkwana, atem maavadaina nakae im sinapu aba wowoina go,

Taito 2:9

Kidi go , e kukatuliiwolēdi kaga liliuna goi sikatetagonedi toinidi adi tomoyamoyayao yaidi. Tauyadi sipoikíkina adi tomoyamoyayao sivauyaonedi ame nakae: Taabu madi kapipilova sikaubodabōda,

Iberiu 10:25

Taabu ida tugúguna ida Tomoya manuna takaalavēdi nakae tomota maniyedi idi sinapu, go sem sedao atedi tavapatupatūdi go, mada salau nakae taguuinūwe unana imamaima.

Iberiu 13:22

E segowo, akawanoi yaimi guna liwola ame mami mesayágana kotaiyakēke. Guna nuwonúwana giyaina tauna agini.

Iberiu 3:13

Go sem maliyalina tamo tamo goi semiyao atedi kovapatuupatūdi. Neta itoboineda kada, ‘Ame tuta’, e nakae koguuinūwe, govila bei maniyemi goyo ina pola pasina kodabakasa.

1 Pita 5:12

Leta ame giyaina agini go, kina Silovano nimana goi ayato aetune iwo yaimi. Tauyana aayagoi siyami komi yaimi. Letayana goi bogina atemi avapatupatudi be nakae guna nuwonúwana atalavaite ame letayana moe Yaubada ina kanuwóiya mooitamoina. Anuwoiyayana goi koovadōkana!

Yuda 1:20

E komi go guna kaloyao, semiyao kokitoogagēdi, bei vatulúkwana kimaasabaina toina koonumise goi sitogaga. Go Baloma Kimaasabaina kootagōne ivaakedemi imi kawanoi goi.