1 Korinta 13:3 - Buki Kimaasabaina

³ O nakona konagu liliuudi akaigimonedi go, tookaidi avakanidi. O nakona wowogu atagone bego sigabu segowo adi dedevina manuna. Go neta matakoi ategu goi geya, e guna guinuwayadi geya keuwoidimo.

1 Korinta 13:3 ပူးပေါင်းရင်းမြစ်များ

Madiu 23:5

E kaga liliuna siguuinuwedi moe bego tomota sigitedi bei siyapaliyedi. Nakae idi tomwana dedeogaidi siwodugudi gagaidi, dabadi goi o nimadi goi sisikoidi. Adi kwama adi kura sikimanavedi bego tomota siyapaliyedi.

Luke 18:22

E livalayana kina Yeisu inove, idigo kana, ‘Go tayamo guinuwa nava kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 18:28

Go kina idigo kana, ‘Go kai bei manakaema? Kai toinima ima kaba lovina be konama bogina kakalavedi go, kama kasabokuuliyem.’

Luke 19:8

E Yeisu kidi sikakáika go, Sakiusayana itaoya, Yeisu ilatuwoko idigo kana, ‘Tomoya, kunovēgu! Konagu madabokidi awotaidi dadava tayamo tookaidi avinidi. Ava tomota boi bogina aavaobu, bei amapu go, ana vaituwo sivavasi nakae avini.’

Iyoni 12:43

Moitamo. Geya sitalavaiteta. Nukotodi ikabi taimámina tomota goi go, Yaubada ina taimámina geya latuwodi.

Iyoni 13:37

Go iya Pitayana idigo kana, ‘Tomoya, go kaga unana geya itoboineguta bei ame tuta asabokuliyem? Bei yawoigu akasale manum!’

Iyoni 15:13

Geya vatau tayaamo ina matakoi matakoi ame nakae ivakaigagasave: Bego semiyao manudi yawoimi kokasale.

Iyoni 6:63

moe yawana vau ana tokaiguyau go, tomota toinidi idi togaga geya ivaitedita yawana vau manuna. Yau guna livala bogina alatuwokoimi Baloma Kimaasabaina goi sima nakae livalayadi yawana vau unana.

Guinuwa 21:13

Tuwo Paulo ikatumapuma idigo kana, ‘Yau moitamo bogina taagonaigu bego Yerusalema goi siyowóigu go, geya kada yówana kaka geya, go sem yau bogina taagonaigu bei sikaumategu ida Tomoya Yeisu yoina pasina! Go moe kaga koguuinuwe? Imi táiya pasina nuwogu kogiemou. Tauna táiya tuwo.’

Galetiya 5:26

Taabu tanuuwatūe. Nakae taabu sedao tadumwaamwainīdi be nakae taabu tamatakiikivēdi.

Pilipai 2:3

Geya tayaamo kaga amitava imi yala manuna o nuwatue goi koguuinūwe, go sem mami nuwootokai konuwonūwana semiyao sitaoyakukuyuimi.

1 Timoti 4:8

Neta wowoda takatubaayasidi, moe ana dedevina giyaina. Go neta balomaida takatubaayasidi yábana sinapuna manuna, moe ana dedevina gagaina kaga liliuna manuna unana moeko goi yawoida moitamo toina ame tuta be nakae ámasa mlina goi tababane. Tauna balomaim kwatuubayāsi.

Iberiu 13:9

Taabu tomota idi vatulukwana polapola nakae ituli ituli sivasulaaigīmi. Moitamo. Yaubada ina kanuwóiya goi ateda sitogaga go, geya awoinu goi geya. Awoinuyadi adi lovina geya basabasaidimo adi tosabokuliyao yaidi.