1 Korinta 13:2 - Buki Kimaasabaina

² Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.

1 Korinta 13:2 ပူးပေါင်းရင်းမြစ်များ

Madiu 13:11

E Tauyana idigo kana, ‘Yaubada nanamsa bogina ivinimi bei itoboinemi ina nuwogau manuna koyagoi. Go bodayadi geya ivinidita bego siyagoi.

Madiu 17:20

E Yeisu kana, ‘Unana geya konumisadokoneta. U, moe pasina go, ame alatuuwokoimi konōve: Neta imi numisa beno kutukutuna nakiyana, itoboinemi ame koyayana kolatuwoko kami, “Kubāla kūna amoko goi”, bei ibala ina amoko goi. Aiyuwoina neta imi numisa beno kutukutunayana nakiyana, e geya kada tayaamo kaga bei imoumou yaimi. [

Madiu 21:19

Tuwo ikandobala enao kikina goi keukeu tayamo igite, ibala ina ikandolaga go, geya ikeuwoita, go sem vaga kaka sikaaiyaka. Tuwo ikatubolate idigo kana, ‘Geya tuwaina bei kukeuwōmna, ame tuta be nakae tuta simamaima!’ Tuwo mainao alovayana ivadiwówana.

Madiu 21:21

E kina Yeisuyana idigo kana, ‘U, nakae isowóduwo go, ame alatuuwokoimi konōve: Neta mami numisa go, geya konanayuwoita, e kaga bogina aguinuwe keukeuyana yaina goi, itoboinemi nakae koguinuwe. Go tuwaina bei itoboinemi koya ame kolatuwoko kami, “Yaubada ikabim ilavem kusōu négwasa goi.” E nakae bei isowóduwo.

Guinuwa 13:1

Ego Tomoya ana totugugunayao yaidi Antiyoki goi ina bodao sikabi, siuyabebe, tauna Manaeni be Erodi vada tayamo goi taiyao sibíbina. Ame tauyadi adi tainima moe tokabivalavala be nakae tovatulúkwana.

Roma 11:25

Moitamo bei isavimneidi. Segowo, geya latuwogu bego Yaubada ina nuwogau ame kotamogemogeye, govila bei mami nuwatue toinimi imi nuwonúwana goi konuwonúwana komi tonanamsa. Nuwogauyana ame nakae: Bego Isileli tubunao maniyedi yaidi goi dabakasa ikaaiyaka ana kadókana Totuyoyowo adi duduwo bogina ikavava.

Roma 15:14

E segowo, yau toinigu bogina ayagoidokoimi bego komi sinapu dedevina goi kayaaodaimi nakae numisa ana nanamsa goi bogina kokayaoda be nakae itoboinemi toinimi kokatusinapumi.

Roma 16:25

E Yaubada tayapalīye! Tauyana itoboine ikitogageda nakae valena ataalavaite. Valayana unana moe Yaubada ina nuwogau boi nimatu go, ima ame vamoounina.

1 Korinta 11:4

Kita go koroto liliuda neta takawanoi o neta Yaubada ina livala tomota matadi goi takabivalevale go, neta kunuda maanawena dabada goi isou, e moeko goi dabada o tadigo kada, ‘Guyau’, tagieomaemae.

1 Korinta 12:28

Tuwo tauyadi Yaubada ana totugugunayao goi ivayokoidi ame nakae: Mainao Yeisu ina . Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.

1 Korinta 13:1

Nakona itoboinegu tomota niyadi liliudi goi o niyadi goi abobóbwara go, neta matakoi ategu goi geya ikaiyaketa, e yau vínava nakae sikaubakobakoli o síula nakae siuwe besobeso.

1 Korinta 13:3

O nakona konagu liliuudi akaigimonedi go, tookaidi avakanidi. O nakona wowogu atagone bego sigabu segowo adi dedevina manuna. Go neta matakoi ategu goi geya, e guna guinuwayadi geya keuwoidimo.

1 Korinta 13:8

Matakoi ikaiyako vata go, Baloma Kimaasabaina ina kaiguyau nava bei sikavava. Nakae Yaubada ina livala ana kabivalavala bei itagau. bei isayata. Yaubada ana nanamsa ana kaiwóduwo bei itagau. Ame aiguyauyadi adi tuta bei sikavava.

1 Korinta 14:29

E kidi go Yaubada ana tokabivalavala adi taiyuwo o adi taito kotagonēdi sikabivalavala. Ikavava, idi bobwarayadi boda sidovatusīdi.

1 Korinta 14:39

E tauna segowo, aiguyau abivalavala manuna tayāle go, yábana niyanina ana bóbwara taabu kosaanabōde.

1 Korinta 14:4

E kina yábana niyanina ana tobóbwara toinina ikitogage go, kina tokabivalavalayana Yaubada ana totugugunayao ikitogagedi.

1 Korinta 15:51

Konovēgu bei Yaubada ina nuwogau tayamo avatulukoimi. Maniyeda bei geya takamaseta. Go madabokida sem wowoda Yaubada bei ikaigaviledi.

1 Korinta 16:22

Avatauwa komi neta ida Tomoya geya komatakoiyeta, Yaubada itoboine ikatubolatemi. Ima Tomoya, kūma!

1 Korinta 4:1

Ame nakae konuwonūwana kai manuma: Kai ina tovaitayao be Yaubada ina nuwogau ana talavaita ana torugwautayao.

1 Korinta 7:19

Sakava ana kúpwana moe dogoi besobeso. Sakava geya ana kupwanamo nakae, moe dogoi besobeso, go sem dogoi gagaina moe Yaubada ina lovina takabikaonedi.

1 Korinta 8:4

E tuwo imi lumadadanayana awoinu kaasalaina yaubada polapola yaidi ana káika manuna akatumapu. Nakae komi, kita bogina tayagoi bego yaubada polapola geya yawoidimo be nakae Yaubada tayamo toito ikaaiyaka. Moe bogina kobóbwara moitamo.

2 Korinta 12:11

Guna gagasayana goi bogina ayaluwo! Go moe komi koloetuetunema kaguinuwe. U, moe moitamo. Boi itoboine yau kokamoitamoegu, go geya koguinuweyeta! Bogina koyagoi. Nakona yau toosobugu go, tuwo amo tauyadi bego toogagaidi geya tayaamo kaga goi sitaoyakukuigu geya!

Galetiya 5:16

E yau guna nuwonúwana ame nakae: ina togaga goi kooketōiya yawoim madabokina, bei sakava sinapuna ina yalagau geya koguuinuwedi.

Galetiya 5:22

E kina go Baloma Kimaasabaina keuwoina Yaubada ina bodao yaidi ame nakae: Matakoi, uyáwana, tuboina, mesayágana, yabobona, sinapu dedevina, ,

Galetiya 6:3

Moitamo. Avatau neta geya latuwona bego tomota ivaitedi, go sem ina nuwonúwana goi kana, ‘Yau toolagaigu’ go, geya, e tauyana toinina ikaatubau.

Epeso 3:4

Tutayana kokatuyaivi, bei itoboinemi guna nanamsa Tauyana ina nuwogauyana Guyau manuna koyagoi.

Epeso 6:19

Kokawanōi yau nakae manugu bego Yaubada guna bóbwara iivinigu bei tuta tamo tamo magu katepatu kaga boi vamoounina Vala Dedevina manuna akaiwoduwe tomota yaidi.

Kolose 1:26

Valayana moe Yaubada ina nuwogau boi nimatu vamoounina tubumao yaidi goi go, ame tuta bogina ikaiwoduwe kita ina kimasabayao yaida.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

1 Iyoni 4:8

Yaubada aderina moe matakoi. Tauna avatauwa geya simatakoita, Tauyana geya siyagoiyeta.