1 Korinta 13:1 - Buki Kimaasabaina

¹ Nakona itoboinegu tomota niyadi liliudi goi o niyadi goi abobóbwara go, neta matakoi ategu goi geya ikaiyaketa, e yau vínava nakae sikaubakobakoli o síula nakae siuwe besobeso.

1 Korinta 13:1 ပူးပေါင်းရင်းမြစ်များ

Madiu 25:45

E tuwo kina bei idigo kana, “U, moe moitamo go, ame alatuuwokoimi konōve: Tutayana amo guinuwayadi geya koguinuwedita kidi nuwotookaidi yaidi, e moe nakae yau yaigu geya koguinuwedita.”

Maki 16:17

E guna tonumisayadi aba kinana toogagaidi bei siguinuwedi ame nakae: Yoigu goi bei dimoni sivatapiyedi, e tomota goi sisowóduwo. Bei itoboinedi ta kaníyana ta kaníyana goi sibobóbwara.

Roma 14:15

Neta komi avami ana káika pasina semiyao nuwodi imou, e ikámasa taabu avami goi kokaaigoyāidi.

1 Korinta 12:10

E tayamo ina yabobona goi itoboine goi ibobóbwara. E tayamo itoboine niyaniyana ikaigavile.

1 Korinta 12:16

Neta taiyada idigo kana, ‘Yau geya matam geya, tauna yau geya wowom talaina tayamo geya’, manakae? Taiyadayana nava talaida tayamo gea geya? U talaida tayamo ae?

1 Korinta 12:8

Gwa. Tomota tayamo yaina Yaubada ina nanamsa ikaiguyauye. E tayamo yaina ina vala ana yagoina ikaiguyauye. Aiguyauyadi aiyuwokova unadi moe Baloma Kimaasabaina tayamo goi.

1 Korinta 13:8

Matakoi ikaiyako vata go, Baloma Kimaasabaina ina kaiguyau nava bei sikavava. Nakae Yaubada ina livala ana kabivalavala bei itagau. bei isayata. Yaubada ana nanamsa ana kaiwóduwo bei itagau. Ame aiguyauyadi adi tuta bei sikavava.

1 Korinta 14:2

Neta ina togaga goi neta tabobóbwara, moe livalagau tataalavaite tomota yaidi go, geya siyagoiyeta.

1 Korinta 14:4

E kina yábana niyanina ana tobóbwara toinina ikitogage go, kina tokabivalavalayana Yaubada ana totugugunayao ikitogagedi.

1 Korinta 14:5

E latuwogu madabokimi yábana niyanina Yaubada iivinimi, bei niyaniyana goi itoboinemi kobóbwara go, latuwogu toina itoboinemi Yaubada ina vala kokabivalevale. Kina tokabivalavalayana toolagaina namlieta kina yábana niyanina ana tobóbwara. Ego neta tobobwarayana itoboine ina livala ikaigavile bego Yaubada ana totugugunayao siyagoi bei ikitogagedi, e moeko goi tobóbwara be tokabivalavala sivavasa.

1 Korinta 8:1

E imi lumadádana awoinu kaasalaina yaubada polapola yaidi ana káika manuna bei akatumapu. Komi kami, ‘Madabokidakova mada nanamsa awoinu kaasalaina yaubada polapola yaidi manuna.’ Moe bogina taayagoi. Amo nanamsayana pasina tomota sinuwatue go, kidi sediyao idi numisa sikitogage.

2 Korinta 12:4

bego Yaubada ikabi itukoe ina dadava dedevina goi. Maeko goi livala vaatabudi inovedi; livalayadi kita tomota geya ada tagonamo tavatoidi.

Galetiya 5:22

E kina go Baloma Kimaasabaina keuwoina Yaubada ina bodao yaidi ame nakae: Matakoi, uyáwana, tuboina, mesayágana, yabobona, sinapu dedevina, ,

Galetiya 5:6

U moe moitamo. Avatau neta ispwagógana Guyau goi ikéuwo.

1 Timoti 1:5

E guna lovinayana unana, moe bego tomota simatakooiyedi. Go idi matakoiyana itoboine atedi maavadaidi goi be nuwodi geya isabutukoidita goi be nakae idi numisa dókana goi.

1 Pita 4:8

Dogoi gagaina ame nakae: pasina tomota idi goyo badabadaidi geya tanuwokavatedita, tauna mami salau semiyao tamo tamo komatakooiyēdi.

2 Pita 2:18

Moitamo. Tovatulukwanayadi madi livala gaagasidi nakae geya basabasaidimo, e sakavaidi adi yalagau be nakae sakavaidi adi vikaiya owáowana goi tonumisa vau situbanibanidi go, tonumisayadi makaitaga toogoyoidi adi sinapu goi sisiya!

Nuwogau 14:2

Agite ikavava, yábana goi butukáwana tayamo anove, ana taiyakeka bwae gagaidi sidududu nakae be palapala gagaina butukáona nakae. Butukawanayana anove ana taiyakeka adi tolauwoyao idi api silauláuwo nakae.