1 Korinta 12:9 - Buki Kimaasabaina

⁹ Tomota tayamo ana kaiguyau moe numisa, tayamo ana kaiguyau moe kidedevina. Aiguyauyadi aiyuwokova unadi moe Balomayana tayamo goi.

1 Korinta 12:9 ပူးပေါင်းရင်းမြစ်များ

Madiu 10:8

Tokatówana kokidedevinēdi, tokámasa kokaitaoēdi, vísiya liliuna sakavaidi goi kokimavadēdi, yaidi goi dimoni kovatapiyēdi. Yaubada ina vaita ivinibesoimi, e komi nakae tomota kovinibesōidi.

Madiu 21:21

E kina Yeisuyana idigo kana, ‘U, nakae isowóduwo go, ame alatuuwokoimi konōve: Neta mami numisa go, geya konanayuwoita, e kaga bogina aguinuwe keukeuyana yaina goi, itoboinemi nakae koguinuwe. Go tuwaina bei itoboinemi koya ame kolatuwoko kami, “Yaubada ikabim ilavem kusōu négwasa goi.” E nakae bei isowóduwo.

Maki 16:18

Neta moteta bolaausidi siyoisidi, geya sivailaita. Neta bwae bolaausina sinimnim, geya sikamaseta. Neta nimadi goi tokatówana sibisikonedi, bei siboboina.’

Maki 6:13

Ago dimoni tomota yaidi sivatapiyedi be nakae tokatówana liliudi pútuma goi sikatukoisidi, e sikidedevinedi.

Luke 10:9

Ago tokatówana asayana goi kokidedevinēdi namlieta kolatuwokōidi kami, “ bogina imaiyaba yaimi bei itoboinemi kosiu.”

Luke 9:2

Ivinidi ikavava, ivatulukoidi namlieta ietunedi sina valena sitalavaite be tokatówana sikidedevinedi.

Guinuwa 5:15

Tauna vamoleyanayao idi guinuwa badabadaidi pasidi tomota sediyao madi vísiya idi liyaliyaka goi sikavaledi simedi enao goi siyatoidi bego Pita ina ketoiya goi nakona nugonina ibisikonedi ikidedevinedi.

1 Korinta 12:28

Tuwo tauyadi Yaubada ana totugugunayao goi ivayokoidi ame nakae: Mainao Yeisu ina . Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.

1 Korinta 12:30

O madabokidakova ida kaiguyau moe itoboineda tomota takidedevinedi? O madabokidakova itoboineda yábana niyanina goi tabóbwara? O madabokidakova itoboineda niyaniyana takaigavile? Geya ae?

1 Korinta 13:2

Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.

2 Korinta 4:13

E kai togínina tayamo goi nakae igini kana, ‘Anumisa, tauna nakae atalavaita.’ Same 116:10 Amo tauyana ina numisa unana moe , e kai ima numisa nakae. Tuwo kanumisa, tauna kai nakae Vala Dedevina kataalavaite

Epeso 2:8

Moitamo. Yaubada ina kanuwóiya goi bogina iyaveda numisa pasina go, yavayana unana moe geya kita toinida ida guinuwa goi geya. Moe Yaubada ina yabobona goi.

Iberiu 11:33

Amo tauyadi idi numisa goi guinuwa badabadaidi siguuinuwedi. Nakae tolovina maniyedi sivasobusobuyedi, sitakinona vavasa, Yaubada ina katótula sibabanedi, sasasaidi tobudi sivakapatudi,