1 Korinta 1:9 - Buki Kimaasabaina

⁹ Bogina kogite? Kina Yaubada . Tauyana bogina iduduweda bego Natuna ida Tomoya Yeisu Guyau taiyao takabivekoveko.

1 Korinta 1:9 ပူးပေါင်းရင်းမြစ်များ

Madiu 24:35

Yábana be poyapoya bei sitagau go, yau guna livala sikaiyako vata.

Iyoni 17:21

bego madabokidi sieboda tayamo nakae kom, Tamagu, yau yaigu goi kwaaiyaka, e yau yaim goi akaaiyaka. Aiyuwoina akawanoi yaim bego kidi yaida goi sikaaiyaka bego da poyapoya bei sinumisa kom kuetunegu ama.

Roma 11:17

E alovayana toina moe Isileli tubunao nakae go, laonina maniyedi Yaubada ikiguyalidi ikalavedi. Ago komi Totuyoyowo nuumisaimi oribe alovaina woiwoi laonina nakae ikabimi, e Yaubada ina kalovayana goi isavimi, tuwo komi nakae itoboinemi lamna bwaena dedevina toina konim.

Roma 8:28

E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.

Roma 8:30

E tauyadi igimilovina bei Natuna ana tapata nakae, e nakae iduduwedi sima bei kidi ina bodao. Tauyadi iduuduwedi, e nakae ivayokoidi kidi kiboobosidi. Tauyadi ivaayokoidi kidi kiboobosidi, e nakae ana káeyana tomoeeyalina goi bei ikatuvaisiudi.

Roma 9:24

Kita iduduweda go, geya kada Diyuu adetava geya, go sem nakae.

1 Korinta 1:30

E Yaubada ina guinuwa pasina kita Yeisu taiyao taspwagógana. Guyauyana ada nanamsa Yaubada goi ima. Tauna kita nuwona ana tokibobwatayao, ina kimasabayao be nakae taatetaida.

1 Korinta 10:13

Vakakona liliudi siimekoida moe tomota liliudi adi vakakona nakae. Go Yaubada . Geya kada tayaamo vakakona itagone bei itogagasaveda geya, go sem tutayana vakakona tababane, Tauyana bei aba siya tayamo ivatulukoida, e bei itoboineda tatogaga.

1 Korinta 10:16

Oine keigaina manuna Yaubada yaina takauyagu go, tutayana keigayana goi tanim moe nakae nakae. Takivisivisi go, tutayana berediyana takáika, moe nakae Guyau wowona tasiuko, e taeboda tayamo Tauyana taiyao ae?

2 Korinta 1:18

E kina Yaubada iyagoida! Ima livala yaimi goi geya kapoleta geya! Tutayana kama, ‘U, bei kao’, e ima nuwonúwana nakae bei kaguinuwe. Neta kama, ‘Geya kawoita’, nakae bei kaguinuwe.

Galetiya 1:15

E boi yau nava sinagu gamona sinaena Yaubada ina kanuwóiya goi igimikimasabegu be nakae ivayokoigu Yeisu ana totalavaita. Go tutayana ilovina

Galetiya 2:20

E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.

Epeso 3:6

Nuwogauyana ame nakae: Kita madabokida, komi Totuyoyowo be nakae kai tanumise. Tauna bogina taspwagógana Guyau Yeisu taiyao, e kita madabokidakova Yaubada ina kaiguyau, kita Guyau wowona tayamo be nakae kita taiyao kaga Yaubada ikaatotule bei ivinida.

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

1 Tesalonáika 2:12

Ame nakae: Kakipaiiwolemi, atemi kavapatuupatudi be nakae kakaugeogéona bego kooketoiya nakae Yaubada ina bodao itoboinedi. Ame Yaubadayana iduuduwemi tomoeeyalina goi kosiu.

2 Tesalonáika 2:14

Moe pasina Yaubada iduduwemi. tomoeeyalina kosiuko.

2 Tesalonáika 3:3

Go ida Tomoya , tauna bei ikitoogagemi be nakae ivabodeebodemi Togoyoinayana yaina goi.

2 Timoti 1:9

Yaubadayana iyaveda be nakae ivayokoida kita kimaasabaida Tauyana umana. Go geya kada ida guinuwa pasidi geya, go sem toinina ina nuwonúwana pasina be ina kanuwóiya pasina. Anuwoiyayana ivinida ida spwagógana Yeisu taiyao pasina nakae boi nimatu tuta ana kaba vatowo goi bogina igimilosinapuye.

2 Timoti 2:13

Neta kita geya aba numisa, e Tauyana nava aba numisa. Moitamo. Tauyana geya itoboineyeta toinina ina sinapu ilawoiwoiye.

Taito 1:2

Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.

Iberiu 10:23

Ida lotuta Yeisu yaina goi takamooitamoe, geya ida nanayuwomo tayoisikavāte. Tauyana ada tokatótula moe . Tauna ida lotuta Yeisu yaina tayoisikavāte.

Iberiu 11:11

Sera ina numisa goi nakae. Tauyana bogina ikágala go, togaga Yaubada goi ibabane bei itoboine Eberamo goi ikéuwama. Moe nakae unana inuwonúwana Tokatotulayana .

Iberiu 2:17

Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be Yaubada ina paisewa liliudi manudi, e bei kita ina bodao ida goyo inuwolidi.

Iberiu 3:1

E tauna segowo kimaasabaimi Yaubada umana be nakae yábana goi mami duduwo yau nakae, Toolagaina takamooitamoe.

Iberiu 3:14

Bogina koyagoi. Kita bogina tasiuko taeboda tayamo neta ida numisa boi mainao tagiminumisa nakae tayoisikavate ana kadókana tuta ana kaba lukavava.

Iberiu 6:18

Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

1 Iyoni 1:3

Kaga bogina kagite be kanove yaimi kataalavaite bego komi nakae kokabivekoveko kai taiyao. Go kai ima kabivekovekoyana moe Tamada be Natuna taiyao.

1 Iyoni 1:7

Neta kita mavada goi taaketoiya nakae Yaubada mavada goi ikaaiyaka, e kita taiyao takabivekoveko be nakae Natuna Yeisu ikaikaina goi ida goyoinao madabokidi bolotodi yaidi isayoyoida.

1 Iyoni 4:13

Tayagoi bego Yaubada yaida goi ikaaiyaka ame nakae: Balomaina bogina ivinida.

Nuwogau 19:11

Amo ikavava, agite yábana ikatupáeva go, kunōve! itakínona be nakae ivayaviya.