1 Iyoni 3:3 - Buki Kimaasabaina

³ Go avatauwa neta moe silootutae, toinidi sikimaasabedi Yaubada umana nakae Yeisuyana kimaasabaina.

1 Iyoni 3:3 ပူးပေါင်းရင်းမြစ်များ

Madiu 5:48

Tauna komi bei imi sinapu madabokina goi komatūwo, Tamada guma yábana nakae.’

Luke 6:36

Konuwokapīsi, nakae Tamada inuwokapisi.’

Iyoni 17:19

Tauyadi adi dedevina manuna toinigu akimasabegu kom umam bego tauyadi nakae am Nanamsa Mooitamoina ana kaiwóduwo yau goi kukimasabedi kom umam.

Guinuwa 15:9

Ivatulukoida bego kina matana goi kita Diyuu be kidi Totuyoyowoyadi tavavasa ame nakae: Atedi inikidi idi numisa pasina boi nakae kita ida numisa pasina ateda inikidi.

Roma 15:12

Aiseya nakae, idigo kana, ‘Diyesi tubuna tayamo bei ibíbina. Tauyana bei itaoya, Totuyoyowo ikalibubudi, e manuna bei siilotuta.’ Aiseya 11:10

2 Korinta 7:1

Tauna moe Yaubada ina katotulayadi bogina ivinida, tuwo guna kaloyao, kaga liliuna wowoda be balomaida ikibaibaailidi goi takimavadēda go, mada matoita wowooinina Yaubada yaina takimasabedokōida Tauyana umana.

Kolose 1:5

Imi numisayana be imi matakoiyana unadi moe imi lotuta go, imi lotutayana bego ami vaiwówana yábana goi Yaubada imataakavate nava bei ivinimi. Moe boi livala mooitamoina goi bogina konove; livalayana moe .

2 Tesalonáika 2:16

E ida Tomoya Yeisu be nakae Yaubada Tamada bei atemi sivapatupatudi be nakae imi guinuwa dedevidi liliudi goi be nakae imi bóbwara liliudi goi sikitogagemi. Tamadayana imatakoiyeda be nakae ateda ivapatupatuvataedi go, ina kanuwóiya goi yawoida vata bei ivinida. Go moe ikaatotule kita talootutae.

Taito 3:7

Go isiwoi yaida bego ame: Ina kanuwóiya pasina ivayokoida kita , tauna kita ina bodao, e yawoida vata talootutae.

Iberiu 12:14

Kosokikīna bei tomota liliudi taiyao kotuboina be nakae ma kimaasabaimi kooketoiya Yaubada umana. Neta moe nakae geya koketoiyeta, geya itoboinemita ida Tomoya kogite.

Iberiu 6:18

Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.

Iberiu 7:26

Moitamo! Itoboine toina kita mada Tonúwala Toolagaina amo nakae. Tonuwalayana moe Yeisu. Tauyana kimaasabaina Yaubada umana, geya ana pikwanamo, kaasalaina Yaubada yaina, geya tayaamo goyo ikibaibaili, tomota toogoyoida yaida goi Yaubada bogina ivatumasabe go, ikilagasi yábana goi.

Yemesa 4:8

Yaubada koononōko bei Tauyana iiwokoimi. Komi toogoyoimi nimami konikīdi go, komi tonanayuwo nuwomi kokimasabēdi Yaubada umana.

1 Pita 1:15

go sem Yaubada ada Toduduwo kimaasabaina, e komi nakae itoboinemi imi sinapu madabokina goi kimaasabaimi Tauyana umana.

1 Pita 1:3

Yaubada aba yapali! Tauyana ida Tomoya Yeisu ina Yaubada be nakae Tamana. Tauyana mana nuwokapisi gagaina kita bibina vau ivinida Yeisu Guyau ina taoyamna tokámasa yaidi goi pasina, e bei itoboineda talotuta vata.

2 Pita 1:4

Ame dogoiyadi goi ina katótula sowoda be dedevidi toidi ivinida bego atotulayadi goi kita itoboineda Tauyana aderina tasiuko unana aigóyava poyapoya ame goi ikaaiyaka goyo ana yalagau pasina go, bogina tasiyae.

2 Pita 3:14

Tauna, guna kaloyao, ame dogoiyadi bogina koyaamwasidi go, kopooisōgana bei imi sinapu madabokina dedevina, e bei tutayana Yaubada idovatusimi, ibabanemi geya ami pikwanamo geya toina be nakae tuboina goi kokaaiyako.

1 Iyoni 2:6

Avatau neta idigo kana, ‘Yaigu goi Yaubada ikaaiyaka’, e itoboine bei iiketoiya Yeisu nakae.

1 Iyoni 4:17

Yaubada ina matakoi ateda goi bogina imalatomota bego takínona ana maliyalina goi mada katepatu kita bei dedevida. Ina matakoiyana imalatomota dókana yaida goi ame nakae: Nakonakae Guyau aderina, kita aderida nakae ida kaiyaka poyapoya ame goi.