1 Iyoni 1:2 - Buki Kimaasabaina

² Livalayana Yaubada ikaiwoduwe, e matama goi bogina kagite, kakamooitamoe be nakae yaimi kataalavaite bego Tauyana yawoida vata unana. Mainao Tamana taiyao sikaaiyaka go, bogina ikaiwoduwe yaima.

1 Iyoni 1:2 ပူးပေါင်းရင်းမြစ်များ

Iyoni 1:18

Geya vatau tayaamo boi nimatu ima ame tuta Yaubada igite go, Tauyana Yaubada kaakesaina anetava Tamana atena, e ame Tauyana bogina Yaubada ikaiwoduwe yaida.

Iyoni 1:4

Tauyana yawana vau unana. Yawanayana tomota ada mavada.

Iyoni 10:28

Yau yawoidi vata aavinidi, tauna geya sikamakámasa nakae geya vatau tayaamo nimagu goi bei ivasebukoigu.

Iyoni 14:6

Go iya Yeisu idigo kana, ‘, yau yawana vau. Geya vatau tayaamo toinina itoboine ina Tamagu goi, go sem yau aguta goi itoboinemi.

Iyoni 15:27

E yau guna paisewa ana kaba vatowo goi ima ame tuta komi taiyao takaaiyaka, tauna komi nakae bei kotalavaitegu.’

Iyoni 16:28

Tauyana yaina goi bogina ama poyapoya ame goi. Go ame tuta poyapoya ame bei akalave, e anonoina Tamaguyana yaina goi.’

Iyoni 17:3

E ame yawana vatayana: Bego tomota siyaagoim kom amta Yaubada mooitamoim be nakae siyagoigu yau Yeisu kom kuvamoleyegu ama.

Iyoni 17:5

Tuwo ame tuta, Tamagu e, bei akaluvilamna ao go, matam goi im togaga ana káeyana kuvagitakomnēigu nakae boi ada káeyana tayamo tutayana nava poyapoya ame geya ana madaginamo.

Iyoni 19:35

Yau amo toinigu matapoinigu goi agite, e atalavaite yaimi. Ago guna talavaitayana mooitamoina. Abóbwara moitamo bego komi nakae Yeisu konumise.

Iyoni 21:14

Moe bogina sivato Yeisu tokámasa yaidi ina taoyamna mlina goi isowóduwo kai ina tovatotowanayao yaima.

Iyoni 3:13

Ame pasina itoboinegu yábana manuna avatulúkwana: Geya vatau tayaamo bogina ituko ina yábana goi bego dogoiyadi yábana manuna iyagoidi, go sem yábana goi isou ima anetava itoboine dogoiyadi iyagoidi.

Iyoni 7:29

go, yau aayagoi unana Tauyana goi ama. Tauyana ietunegu ama.’

Iyoni 8:38

Go yau boi kaga liliuna bogina agite lavayana Tamagu taiyao, moe nakae adige. E komi nakae, kaga komi tamami yaina goi konove, moe nakae koguuinuwe.’

Guinuwa 1:22

Nakae boi ana sayóyova Iyoni goi go, ana kadókana matama goi Yaubada ikabi itukoe inave yábana. E ame tauyadi yaidi goi tayamo takinave, e bei korotoyana imalatotalavaita Yeisu ina taoyamna manuna kai taiyao.’

Guinuwa 10:41

Go tomota liliudi yaidi goi geya ikaiwoduweyeta, go sem boi maniyedi tomota igimivayokoidi Yeisu ina taoyamna ana tokamoitamoyao, e ame tauyadi yaidi goi ikaiwoduwe go, ame tauyadi moe kai. Yeisu ina taoyamna tokámasa yaidi mlina, Tauyana taiyao kakakáika be kanimnim.

Guinuwa 2:32

Ame Yeisuyana boi ikámasa go, Yaubada bogina ámasa goi ikaitáoe, e kai madabokima matama goi bogina kagite, e ame kataalavaite yaimi.

Guinuwa 3:15

Moe Yáwana ana Tokaimatana kokaumate go! Go ina kámasa mlina tokámasa yaidi goi Yaubada ikaitáoe! Moe kai bogina kagite, e kataalavaite yaimi.

Guinuwa 5:32

Go kai ame dogoiyadi adi totalavaitayao go, Baloma Kimaasabaina nakae adi totalavaita tayamo. Ame Balomayana, avatauwa neta Yaubada sopana sikabiikaone, e ivinidi.’

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

Galetiya 4:4

Go tutayana upayana ana toboine isowóduwo, e Yaubada Natuna ietune ima. Tauyana vavina goi ibíbina kita tomota nakae be nakae ina lovina sikaukaboli.

1 Timoti 3:16

Bogina tayagoidoko yábana sinapuna ana vatulúkwana moe dedevina toina! Boi mainao vamoounina go, Yaubada bogina ikaiwoduwe. Vatulukwanayana Yeisu goi tagite ame nakae: Tauyana bogina imalasakava. ikamoitamoe Tauyana kiboobosina. sigite. Valena asa liliudi goi ina sitalavaite. Da poyapoya sinumise. Tauyana ituko ina Yaubada ana tomoeeyalina goi.

2 Timoti 1:10

E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.

Taito 1:2

Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.

1 Pita 5:1

Tauna komi tomoyamoya, yau tomoya tayamo komi nakae be giyakainava bei ikaiwoduwe ina kaluvilamna goi, e yau tupwana bogina aalotowo. Tuwo akatuliwolemi

1 Iyoni 1:1

Tauyana aba vatowo goi go, ima ame tuta ikaaiyaka bogina kanove be kagite. Toinima matama toina goi kagite be nakae nimama goi kabisikone. Tauyana moe , Yaubada ina Livala yawoida vata manuna.

1 Iyoni 2:25

Tauna atotulayana boi Tauyana ikaatotuli yaida bei tababane, moe yawoida vata.

1 Iyoni 3:5

Tayagoi isowóduwo bego goyo ikabi, inave go, Tauyana geya ina goyomo geya.

1 Iyoni 3:8

Go avatauwa neta sinapu goyo siguuinuwe, tauyadi ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.

1 Iyoni 4:14

Kai toinima matama goi Yaubada Natuna bogina kagite, e yaimi kataalavaite bego Natunayana ivamoleye ima poyapoya ame goi, Tauyana ada Toyava.

1 Iyoni 4:2

Tomota idi vatulúkwana Yaubada Balomaina goi imamaima takinane ame nakae: Avatauwa neta sikamooitamo bego ima poyapoya goi imalasakava, e moe tauyadi idi vatulúkwana Yaubada goi ima.

1 Iyoni 5:11

Ina talavaitayana ame nakae: Yaubada yawoida vata bogina ivinida go, yawoida vatayana ida Natuna taiyao pasina tababane.

1 Iyoni 5:13

Ame livalayadi bogina aginidi siwo yaimi bego komi Yaubada Natuna ana tonumisayao bei koyagoi bego bogina maa yawoimi vata.

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.