Yemis 5:1 - Golin: God ka main buku

¹ Ena i ibal kobe kulgal bona binanbile aa te nenga ibal ka di i terala piro. Kal main ki erungwa te taalime obin dongwa, u maribe pi i tenangwa pire mun bile kay bil miyo.

Yemis 5:1 ပူးပေါင်းရင်းမြစ်များ

Yemis 1:11

Are bil dongure minin kengi sire kuun sungwa gilgin gule ule di yaa main simue. Kuun sungwa kaun wai kanebinba, gilgin gule ule di yaa main sungwa bile yaangwa kanebinwe. Kal para kuun sungwa main paangwa mere, kalkan aa te nongwa yal kobe kobile moni konagi ere milungwa kaun, kirara u main pire wei sinamue.

Yemis 2:6

Iru main paamba, i ibal kobe kal aa te nekungwa ibal kaan di ime ere milingiray. Ibena gain ka si i tome? Te ibena i awli pire ka kol ere i tome? Kulgal bona aa te nongwa yal, yal iray kal iru ere i tengiray.

Yemis 4:13

Ena i ibal taw mile, “Kemina mo erima na pi ogu ai baan ta i mile, me erin ta muru mile aibe tobe konagi ere kobile moni i neralwa,” dinga na ka di i ibal kobe terala piro.

Yemis 4:9

Kal digan ere taalime eringa, pire nigi de pire mun bile kay miyo. I ebi miinga pisere kay mi milo. Te i miinin maanga pisere gumanin yaa milo.