Yemis 3:14 - Golin: God ka main buku

¹⁴ Iru milamba i ibal kobe nomanin suna san bale ibal tere nigi de pire ibal tere inin kaanin deminin sire maa yebe nama di piranga, ena i inin miinin maakire, te ka main kawen dungwa, ka di kile di mena eranga paamue.

Yemis 3:14 ပူးပေါင်းရင်းမြစ်များ

Matyu 27:18

Ibal kobe san bale Yesu tere awli pi gabman tongwa ena Pailete iru nomanin si pirungwa.

Yon Yesu guun kan ka minin ganin bilungwa 16:2

Yuda ibal ka main ogu i mena erangure, te kaun ta u bawa dinangure iru painamua. Ibal kobe i si gulangwa, God konagi erebina di piramua.

Aposel 13:45

Ibal binanbile u ku bilungwa Yuda ibal kanere, san balere, Pol ka dungwa di gogo ere yaa ime si tere gain ka si tongwa.

Aposel 26:9

“Nasarete ai nen Yesu guun kan yaa ime si terala dire, konagi nega wen di eriga na inan iru nomanin si piriwa.

Aposel 5:17

Ena Yuda ka main kenin erungwa yal bil te yalini gawlima kobe Sadusi ibal milungwa, para san bale nusi erungwa ongwa yal kobe, Aposel tere

Aposel 7:9

“Na ibal kobe sanamoi gilekume san baale Yosepe tere Yosepe nil konagi ere milama dire, Isipi ibal tere kobile moni imua. Iru erimba God yalini bole milere

Orom 1:29

Ibalin kobe kal digan wen ere ere milere, te kal ki erere, te kalkan para kan irala direre, te kal nigi dongwa ere enin kobe terala di pirere, te enin kobe kalkan aa tongwa san bale te irala direre, te ibal si gulere, te kura ka di milere, te kela kule kabiibi di milere, te kakiibi dire ka digwane waa terere, te ka digwane waa bale taal si terere,

Orom 13:13

Nil bia nere omilin maalere, te yal abal kunibe ingwa kal main erere, te kalkan san bale ka bolebilin di milere, te kalin dungwa ta erekire, ibal kobe naabile aw dungwa gul mile kal wai erungwa mere, iru kawen ere milabino.

Orom 2:17

Ena i ibal kobe milinga main iwe, “Na Yuda ibal milebinwa,” direre, te “Mose kile kaman ka pirebinwa,” dinga, ena God pirin ta pai na tekenama di piringiwe. Pirere, te “Na God ibalin kobi na bole si dawle milebinwa,” dire inin gain deminin singiwe.

Orom 2:8

Ibal taw inin gain kenin ere girin di milere, God ka main kawen dungwa wiina ere tekire, kal nigi dongwa duulin bile ere warangwa, ena God den gule ibalin kobi tere, gain giil bilkaw pire tenamue.

1 Korin 13:4

Na ibal kobe denan miranan ibal terabinga kal main iru erabinga, na ibal kobe gin taran nigi de pire ibal ta tekire, te denan miranan wai pire ibal terere, te ibal kal ta aa te nongwa san bale tekire, te inan kaan gale yebe ta erekire, te miinin maare kule si warekire,

1 Korin 5:2

I ibal kobe kal iru eringa, tameran inin kaan gale yebe ere miinin maane? Iru eranga pisero. I ibal kobe mun bile kay miire milanba. I milinga suna yal ta kal iru erungwa, i bole ta milekenama dire, i mena kol ero.

1 Korin 5:6

I ibal kobe inin kaan gale yebe ere miinin maanga ta paikimue. Ka ta si aine aine dungwa piringi i kwi piro, “Yis digan wengira irere, komina palua bole nuungure, komina birete para muru u bil omua.”

2 Korin 12:20

Na i milinga gul uralga kaun, i ibal kobe mile pai ere warana di piriga mere, ta warekinanga, na tena kane nigi de pirala di piriwe. Te kaun i na mile pai ere warama di piringa mere, na ta erekiralga, i kule si waranga na i kan terala, ena nigi de pire na tenana di piriwe. Na uralga kaun i ibal kobe ka bolebilin direre, te san bale inin inin te ibeya erere, te den gule terere, te inin gaynin pire terere, te gain ka si terere, te ka way erere, te kule si warere, te gumanin inin inin dungure milere, te i ibal kobe iru ere milana di pire na kuril piriwe.

Galesia 5:15

Ka iru dimba, awi bolima inin inin kura bile si nongwa mere, i ibal kobe iru ere ka bolebilin dire kura bilanga, ena i ka main ibal kirara u sutaw pire ta milekenanwe.

Galesia 5:20

te galbale kobile deminin si terere, te kume kaa te kankiray ere ibal terere, te kura bile kaymin paale terere, te ibal kalkan wou nerere, te den gule ibal terere, te inin gain kal kenin erere, te kawre dire guman inin inin direre, te kule si ware u inin baan baan pirere,

Galesia 5:21

te ibal ta kal aa te nongwa irala direre, te nil bia nere omilin maalere, te omilin maale gi abal kunibe ingwa main main erere, te kal digan iru para erungwa gain kal pirungwa maangwa kal i, i maribe eremue. Ka goma di i tobinga, ka iray kwi di i terabina piro. Ibal kobe kal main iru ere milangwa, ena ibalin kobi God kenin ere ke milungwa ain suna ali ta pekenamue.

Galesia 5:26

Na inan kaanan gale yebe ta erekirabino, te ka di tobingire, den tawre dinama dire dikirabino, te ibal kalkan aa te nongwa kane wai yekirabino.

Galesia 6:13

Dimba gain bile erungwa yal kobe, Mose kile kaman ka ere gule pire wiina ta erekemue. Ta erekimba inin kaanin gale yebe erama dire, ka dagi ki dire, “Gain bile ero, gain bile ero,” di i tomue.

Pilipai 1:15

Ena yal taw kobe san bale na tere, “Pol yaa ime si terabinwa,” dire ka bolebilin dungwa, Kirisito ka main kere di maribe ere ibal tomba, yal taw kobe wai pire na ibal kobe tere, ka main kere di maribe ere ibal tomue.

Pilipai 2:3

“Na guunan kanan para ware biinama dire, te na inan gaynan kenin erala dire, kal iru eralwa,” dire erekio. I ibal kobe mile, “Ibal taw kobe na kaanan yaa ime sungwa paamua,” dire ibal kobe kaan pire yebe ere tere, i ibal kobe iru mere ere ware milo.

1 Timoti 2:4

Kanere ibal para aa ki di tongure sigare kule u wai nama dire, te ka main kirara kawen dungwa pire pol sinama dire, yalini main iru pire dimue.

1 Timoti 6:4

Yalini inin gain deminin si tere main paangwa, pire pol ta si pirekenamue. Ta si pirekire, te ka bolebilin dire kura ka dirala di pire, kal nigi dongwa eramue. Ka iru dinangwa, ena san balungwa main, te guman inin inin dungwa main, te gain ka si tongwa main, te kakiibi dire ka digwane waa tongwa main, te kal main iru u maribe namue.

Taitas 3:3

Ka iru di tenanga main paangwa iwe. Goma na ibal kobe nomanin paikungwa milere, te ka main pire wiina te erekire, te kakiibi dire kela kule di na tongure kol ki egile warere, te gaynan kal pirebinga maangwa erala dire, miriin kabin paangwa pire wiina ere, ere milere, te kal ki ere ibal tere san balere morin morin iru ere milere, te ibal kobe den ki ye na tongure na ibal kobe den ki yere inin inin te ibeya erebinwe.

Yemis 1:18

Yalini na ibal kobe kule yongure, sigare kule u wai obinga main iwe. Yalini inin, “Iru ere teralwa,” di pire ka main kawen dungwa di maribe ere na tomue. Yalini kalkan para muru ere yongwa, na ibal kobe pi guman kol milabina dire kal iru ere na ibal kobe na tomue.

Yemis 3:16

Iru milungwa iwe. San bale ibal tongwa main, te inin deminin si ingwa main, kal main sui i u maribe nangwa, ena kura ka u maribe nangure, te kal piril sungwa main main para u maribe namue.

Yemis 5:19

Ena na enan kobe, i ibal kobe milinga suna, ibal ta ka main pisere kol ta duulin bile pire warangure, ibalini ka main kol kwi duulin bilama dire, yal ta pi awli suna unangwa,