Yemis 1:19 - Golin: God ka main buku

¹⁹ Ena na enan kobe, denan miranan i tega milinwe. Ka ta di i terala nomanin si piro. Ibal para ka ta pirangwa, i gin taran ere gule piro. Iru piranba ka dirala dinanga gin taran ta di tekire, te den ki ye tenanga, i gin taran ta ye tekio.

Yemis 1:19 ပူးပေါင်းရင်းမြစ်များ

Matyu 5:22

Pirinba na di i terala piro. Yal ta den miriin ki ye enin taw kobe ta tenangwa, awli pi ka kol ere tenamua. Te yal ta gain ka si enin taw kobe ta tenangwa, awli pi yal singaba milungwa gul pire, ka kol ere tenamua. Te yal ta mile, ‘I yal du milinwa,’ di enin taw kobe ta tenangwa, kol gaul ai enderin de paangwa gul nangwa kuunin eramua.

Maka 12:37

Debiti yalini inin mile, ‘Na Singaba milinwa,’ di tongwa, ‘Debiti gawlin iru tawle milemua,’ dinga tameran i ka iru dine? I dinga ta paikimua.” Ibal binanbile u ku bilere, Yesu ka dungwa wai wen pirungwa.

Maka 2:2

Pirere ibal binanbile u ku bile milungwa ogu di dungure, ibal taw ai penin maala nala di pirimba, ai ta dikungwa. Yesu God ka main kere di maribe ere milungwa.

Luku 15:1

Kobile moni takis ingwa yal kobe, te yal digan kobe para, ibal binanbile Yesu ka dungwa pirala dire Yesu milungwa gul ungwa.

Luku 19:48

Waa duumba yalini ka dungwa ibal kobe ere gule pire milemia, ena yalin kobe si gulabina di pirimba, kol ta kanekungwa.

Aposel 1:15

Ena kaun iray Yesu gawlima kobe yal sui sui sui aan kawn muru u ku bilungure, Pita suna ali alere iru dungwa,

Aposel 10:33

Iru dungure yal kobe nusi ere, ‘I ere wo,’ di kebe yobingire, i unga na wai pirebinwa. God u milungwa gul malia na ibal para milere, God ‘Ka do,’ di i tongwa mere pirala erebinwa.”

Aposel 13:48

Ka dungwa i Yuda milekungwa ibal pirere wai wen pirere, God Singaba ka main di yebe erungwa. Mile painangwal painama dire God paale suna ere ingwa ibalin kobe, pire gi dungwa.

Aposel 17:11

Ai malai Yuda ibal kobe nomanin paire ka dungwa ere gule pirala di milere, Tesalonaika ibal milungwa mere, ta milekungwa. Ka main dungwa dobil wen pirere, are kaun kaun muru Pol ka dungwa kawen dim mo, kakiibi dim mo, ka main minin ganin kere nomanin si pirungwa.

Aposel 2:42

Nusi erungwa ongwa yal kobe, Aposel, ka main nil si tongwa pirere, te bole pena galere, te komina birete bege dire bole para nere, ana di God te milungwa. Iru erungwa oisa tongwa.

Epesas 4:26

I den ki ye tenanga main i, ye tere tere erekio. Ye te milanga, ena kal digan ere taalime erungwa main iray kawen eranwe. Girungwa taangwa para i den ki ye tere, main i iru ere warekio.

Epesas 4:31

Nigi nagi di ibal tongwa main, te den gule ibal tongwa main, te den ki ye ibal tongwa main, te ka bile di dungwa main, te gain ka si tongwa kalin paangwa main iru, i para muru kawen pisero. Kal ki erungwa main para muru i pisero.

Kolosi 3:15

I nomanin susu si pire, takal erala di piranga, ena kol ta i nala dinangure, Kirisito denin miriin aa te ura di i tenangure, kol i nala di piranga kol i, dime di po. I ibal kobe Kirisito miin gain te yobilagi dungwa mere milinga den taran milana dire, God den aa te ura di i tere paale suna ere imue. I maki ye God te milangal milo.

Kolosi 3:8

Milinba malia kal piril sungwa para muru i pisere mun kal waa to. Den ki yere ibal ta tekio. Den gule ibal tekio. Kal ki ere ibal tekio. Gain ka si ibal tekio. Kalibain di ibal tekio.

1 Tesalonaika 2:13

Ena kal ta ama i milinga gul u maribe pi tongwa, na yal kobe morin morin maki ye deminin si God tobinga, main iru paangwa, na yal kobe God ka main kere di i tobingire pirere aa gi di pire main iru piringa, “Ka dungwa pirebinga i ibal ka main ta dikimba, God ka main dungwa paamua.” I kirara kawen dingire, i ibal kobe pire gi di milinga, ka main main paangwa i, i nomanin suna konagi paimue.

Yemis 1:16

Ena na enan kobe, denan miranan i tega milinwe. Ibal bawle i tenama dire, i iru ta pirekio.

Yemis 1:2

Ena ka main enan kobe, taalime main main suan i kanala dire u maribe nangure piranga, i wai pire milo.

Yemis 1:26

Ena yal ta mile, “Na ka main piriga yal miliwa,” di piramba, yal iray girabilin kiruul sire ka gogo dinangwa, ena yalini inin bawle irere ka main pirungwa, kal imore dimue.

Yemis 2:1

Ena na enan kobe, Singaba Yesu Kirisito mile naabile aw dungwa kobaan milungwa, i pire gi di yalini tere ware milinga, ena ibal maangwa yaangwa milema di pirekio.

Yemis 2:5

Na enan kobe, denan miranan i tega milinga, na ka di i terala piro. Kalkan aa te nekungwa ibal ka main aa te nere pire gi dinama dire, te God kenin ere ke milungwa ai, “Den miriin na tongwa ibal awli suna eralwa,” dire aan kere yongwa mere, awli pi suna erala dire, God kal aa te nekungwa ibal paale suna ere imue.

Yemis 3:10

Kaan gale yebe ere deminin si God tongwa main, te gain ka si tongwa main main sui iray girabilin taran ali u maribe ongure, ku tongure ka dimue. Na enan kobe, main iru u maribe ongwa ta paikimia, ena kwi kal main ta u maribe ta pekenama di piriwe.

Yemis 4:11

Ena na enan kobe, i ibal kobe ka piril sungwa di gawlimanin ta tekio. Ibal ta ka piril sungwa di gawlimanin ta tenangwa mo, kakiibi dire ka digwane waa tenangwa, ena ibal i God kile kaman ka geray dungwa di tere, te birun bale manin bale tomue. God kile kaman ka birun bale manin bale tenanga, ena kile kaman ka i pire wiina ere tenangwa yal ta milekinanba, kile kaman ka i birun bale manin bale tenangwa yal mere milanwe.

Yemis 5:12

Ena na enan kobe, ka ta di i terala, pire gumanin mina yeyo. I anin kere yere, “Kal iru eralwa,” dinanga, ka dire maabinin mina aa taw sikio. Kamin gul mo, gariba gul mo, kal ta ama para i ta kane pire maabinin mina aa taw sikio. God ka kol ere i tekire gain giil pire i ta tekenama dire, i owa di piranga, owa tawle do. Te i o, o dirala di piranga, o, o tawle do.

Yemis 5:19

Ena na enan kobe, i ibal kobe milinga suna, ibal ta ka main pisere kol ta duulin bile pire warangure, ibalini ka main kol kwi duulin bilama dire, yal ta pi awli suna unangwa,

1 Yon 2:21

Ka main kawen dungwa paangwai, i ta pirekinga, ena ka minin ganin bile i tega i tamama. I ibal kobe pirere, te kakiibi ta, ka main kawen dungwa, taran ta dekungwa para piringa, ena ka minin ganin bile i teya.