Yemis 1:17 - Golin: God ka main buku

¹⁷ God kalkan na tongwa wai dungure, te kal dorimil main aa te wai ere na tongwa, kamin mina ibe u maribe pi na tomue. Are ba te kulmama ere yongwa yal, God kamin mina mile kal wai iray nusi ime ere na tomue. Are ba te kulmama para kol warungwa mere, yalini iru mere ta milekire, goma kalkan mile pai erungwa mere, malia te eme para iru ere milamue.

Yemis 1:17 ပူးပေါင်းရင်းမြစ်များ

Matyu 7:11

I yal kobe digan milinba i kalkan wai dungwa i wanin abilin kobe terala di piringiwe. Ere tenga mere God ere mine ere i tongwa iwe. Ibal kobe mile ana di God tenangure kalkan wai kaan di Kamin Abe tenangwa ena tenangirawa.

Luku 11:13

I yal kobe kal digan ere milinba, i kalkan wai dungwa i wanin abilin terala di piringiwe. Ere tenga mere ibal kobe mile, ‘God Kegemama Iban na to,’ kaan di Abe kamin mina milungwa tenangwa, terala eremua.”

Yon Yesu guun kan ka minin ganin bilungwa 1:9

Ungure nomanin naabile tongwa yal kirara wen milere, ibal para nomanin naabilama dire gariba gul yalini u maribe pi milungwa.

Yon Yesu guun kan ka minin ganin bilungwa 3:27

Dungure yalini en dire iru dungwa, “God kalkan ere ibal ta tenamia, ena ibal i kal iru tawle aa te nenamua.

Yon Yesu guun kan ka minin ganin bilungwa 3:3

Yesu maan dire dungwa, “Kawen di terala piro. Yal ta gamege mere nangure, God kwi kule nenangwa, ena God kenin ere ke milungwa ai kanamua.”

Yon Yesu guun kan ka minin ganin bilungwa 8:12

Ena Yesu ka kwi iru di ibal kobe tongwa, “Gariba ibal para nomanin naabilama dire, aw di ibalin kobe te miliwa. Ibal kobe na munan kol duulin bilangwa, ena ibalin kobi nomanin kama ta sekenangure, nomanin naabile aw dinamua.”

Aposel 11:18

Dungure ibal kobe pire unin si milere deminin si God tere iru dungwa, “Yuda milekungwa ibal nomanin suna si kiruul sire kwi mile painangwal painama dire, God iru ere tomua.”

Aposel 5:31

Isirel ibal kobe kal digan ere taalime erungwa pisere nomanin suna si kiruul sire, pirin paangwa God kire di erama dire, God Yesu aa te yebe erungure inin aan wen kol mile, Singaba mile inin para aa ki di na tongwa yal milemua.

Orom 6:23

Ibal kobe kal digan ere taalime erungwa tobe ingwa iwe, gulungwa main u maribe pi ibal tomue. Main iru paamba, na ibal kobe Singaba Kirisito Yesu si waire u taran pire mile pairabingal pairabina dire, God kal wai imore ere na tenamue.

1 Korin 4:7

Na ye nego, i yal singaba milana dire, ibena di i tome? Kal para wen aa te nenga i, God i ta tekimo? Tongurawa. Tomia ena “Ta na tekemua,” dire tameran i inin kaanin gale deminin si yebe erine?

2 Korin 4:6

God mile, “Si bilungwa ali para aw di piraa sinamua,” dimue. Dire milere, te God naabile aw dungwa mere, Kirisito i maribe erungwa, na ibal kobe pire pol si pirabina dire, yalini na nomanan suna pai mile naabile aw di na tomue.

Epesas 1:18

Di tere sirin bile tega iwe. God, “Kal wai ere i teralwa,” dire, “Na duulan bilana wo,” di i tongwa i wai pire kwi paire suul mile pirana dire, “Nomanin bilkaw pai i ibalin kobe to,” dire sirin bile teiwe. Te God, “Ka wai di i teralwa,” dire aan kere yere di gawliman kobe tongwa, ka i pirana dire, “Nomanin pai i ibalin kobe to,” dire sirin bile teiwe.

Epesas 2:8

I ibal kobe sigare kule u wai enga main iwe, God kal wai ere i tongure, i ibal kobe ka main i pire gi di tenga, sigare kule u wai wen enwe. I pire gi dinga, i inin konagi nega di ere, pire gi ta dikinba, God aa ki di i tongure, ka main iray pire gi dinwe.

Pilipai 1:29

Te God kal wai ere i tongwa iwe. I pire gi di Kirisito tenana dire, iru tawle kal wai ere i ta tekungwi, pire gi di yalini tere gaynin giil pirana dire, kal wai para iru ere i tomue.

1 Timoti 6:16

Mile painangwal painangwa main yalini taran komin kanin milere, te yalini naabile aw dungwa ain milungure, ibal kobe yalini milungwa gul pi maala ta pekenangwa paamue. Ibal taran wen ta yalini ta kanekire, te kanala di namba, ta kanekinangwa paamue. Ibal kobe mile yalini kaan ai yebe dire deminin si tenangure, te yobilaan bile milangwal milamue. I kawen.

Kibiru 13:8

Yesu Kirisito mile pai erungwa mere iwe. Goma mile pai erungwa mere, malia para iru mile pai erere, te eme para iru mile pai ere milangwal milamue.

Yemis 1:5

Iru paamba i ibal kobe milinga suna yal ta mile, “Na nomanin pai na tongwa, kuunin ta erekimua,” dire kawen dinangwa, ena yalini mile, “Nomanin kwi kuunin pai na to,” dire ana iru dire di God tenangwa paamue. God ibal kalkan tongwa kan ta tekire, te kora kule tomia, ena yal iray, “Na to,” dinangwa tenamue.

Yemis 3:15

Kal main iru u maribe ongwa, “Na nomanin paimua,” dinga, God milungwa ai main iru ere ime ta ukimue. Kal main iray gariba gul ibal nomanin paangwa u maribe pire, te gain kal pirungwa maangwa u maribe pire, kal main iru Satan ibalin kobe komin kanin milemue.

Yemis 3:17

Main iru u maribe namba, nomanin wai paangwa kamin mina ai ere ime ungwa main iwe. Yal ta nomanin iru painangwa, ena yalini nomanin naabile kal dime dire ere milere, te den miriin suna ura di milere, te ka wai di ibal tere ka di taran u nama dire, bole pena gale milere, te miriin pire ibal tere kal main wai paangwa i maribe erere, te ibal maangwa yaangwa milema di ta pirekire, te ka sutan ta dikire kawen dima di pire dinamue.

1 Yon 1:5

Ena ibal nomanin kama sungwa mere, God iru wen ta milekire yalini nomanin naabile aw dungure milemue. Ka main paangwa i, Yesu Kirisito di na ibal kobe tongure, pirere kere di maribe ere i ibal kobe tobinwe.

1 Yon 4:10

Den miriin ibal tongwa main iru dungwa paangwa, i piro. Na ibal kobe denan miranan God tobinga i tamama, yalini den miriin na ibal kobe na tere, te na ibal kobe kal digan ere taalime erebinga, kire di ere na terala dire, yalini Wan nusi ime ere na tomue.

Rebelesen 21:23

Ogu ain iray God naabile aw dungwa u maribe ongure, te Bolima Siipe Siipe Gawlin enderin derin mere milemia, ena are ta sekere te ba ta dekungwa paamue.

Rebelesen 22:5

Te kamin kwi ta gire si bilekenangure, te kewa ta galekinangure, te are ta sekenamue. Main iru u maribe nangwa iwe, God Singaba aw di ibalin kobi tenangure, yal bil kenin ere ke mile milungwa mere, ibalin kobi inin yal bil mere mile, milangwal milamue.