Yemis 1:10 - Golin: God ka main buku

¹⁰ Te God mile ka main enin ta kulgal bona aa te nongwa yal yaa ime si tenamia, ena yalini para wai pire gun yenamio. Kul te sulsi kuun sungure kuun i gin taran gulungwa mere, kal aa te nongwa yal para iru mere milamue.

Yemis 1:10 ပူးပေါင်းရင်းမြစ်များ

Matyu 5:3

“Ibal kobe mile, ‘Na inan kuunin erekiwa,’ dire ibalin kobe miriin paimua. Paire God kenin ere ke milungwa gul pi suna milemua.

Matyu 6:30

God eri kuun sungwa kenin ere milemua. Milimba kuun sungwa iwe, kemina kuun wai si dinamba, erima are dere kuun ulu dinamua. God eri kuun sungwa kenin erungwa, i ibal kobe kenin ere milekenamo? Kenin ere milangiray. Pire gi tawlita dinga yal iwe, God galsuna para kau i tenamua.

1 Korin 7:31

Te gariba gul bona gana aa te nerala dire, konagi ere milungwa ibal milere, kalkan erungwa i gibilin mui kol yongwa mere, milo. Gariba gul ta kwi u maribe nangure gariba gul malia main paangwa mere wei sinamia, ena ibal iru milo.

Pilipai 3:8

Dimba kal iru tawle tamama. Na Singaba Kirisito Yesu mile pai erungwa main, pire pol sirala dire, kalkan para muru eriga, kirara u main nama di piriwe. Yalini pire pol sirabinga main, maa yebe pire, kalkan para main muru yaa ime simue. Na yalini nomanin si pire tere kalkan para muru kal digan dima di pire, piseriwe. Na Kirisito aa gi di pire bole pena gale u taran pi milabila dire, piseriwe. “Mose kile kaman ka pire wiina eriga kabin sire wai wen miliwa,” dire goma diga mere iray, malia iru mere ta milekiwe. Malia pire gi di Kirisito tega, God kanere, “I kabin sire wai wen milinwa,” di na tongure miliwe.

1 Timoti 6:17

Ena ibal kobe kulgal bona binanbile aa te nongwa kule si ta warekinama dire, kiraan aa tere ka nil si to. “Kulgal bona eme bile yaanamua,” di tere, yaanangwa, “Pi tegi yekio,” di to. Yekenamba kalkan para muru aa te nere wai pirabinga, God kalkan i na tongwa ena, “Yalini pi tegi yeyo,” di to.

Yemis 4:14

Erima kal ta u maribe nangwa, malia i ta kanekire, te i eme mile pai eranga mere, i para ta kane pol sikinwe. Kawa tawliga ye dire baan tawle dire gin taran ala di kole kole ongwa mere, i para iru mere milinga, ena eme kal ta u maribe nangwa, ta pire pol sikinwe.

1 Pita 1:24

Iru milinga mere, ka main minin ganin iru dire bilungwa paangwa, “Kulkan maangwa mere, ibal para iru milemua. Te kulkan kuun sungwa mere ibalin kobi kalkan deminin si tongwa kal i para iru dimua. Iru dungwa main paangwa iwe. Kulkan kengi sire gulungure, te kuun sungwa gilgin gule ule di yaa main simba,

1 Yon 2:17

Gariba gul wei sinangure, te gariba gul gain kal pirungwa maangwa para wei sinamba, ibal ta mile God ka di yalini tongwa wiina ere te milamia, ena yalini mile painangwal painamue.